Ni 30.09.2024 chawhma dar 11:00 am khan DC Office Meeting Hall-ah Addl. DC Pu Lalfakzuala hovin 22 - Tuichang (ST) A/C Polling Station siam rem (rationalisation) chungchang ngaihtuah ho a meeting neih a ni.
Meeting kaihruaitu Addl. DC Pu Lalfakzuala chuan an meeting chu pawimawh a tih thu sawiin, inthlanna felfai leh thianghlim tak a awm theih nan polling station-te felfai taka thliar hran a tul thu a sawi a, Political Party-te consent a pawimawh tih sawiin political party te nen a an tanrual a pawimawh thu a sawi.
Election Officer Pu Timothy Lalhmangaiha'n meeting koh a nih chhan chu sawifiahin District pumpui hmun khat a han insawr khawm a, Constituency pahnih anga Khawzawl District han then theih an in beisei vang a rationalisation rawt a nih thu sawiin, tun dinhmunah Khawzawl District chhung a awm si a Constituency ang a Khawzawl District-in kan enkawl leh si loh khua an awm nual avangin, chung ho sengluh pah a, delimitation a awm hun a constituency siam belh a nih theih nan a tanfung tinghet thei tu tur pakhat a nih an beisei thu a sawi bawk. Hemi hnu hian Poling station thar an rawt te chu a mal mal a en ho niin siam rem ngaite siam rem nghal a ni.
He hunah hian Pu Vabeimozachhi Chozah, ERO, Pu Elijah L.H. Sanga, AERO leh Political Party aiawhte leh MJA member-te an tel a ni
