Ni 23.09.2024 chhun dar 1:30 pm khan DC Meeting Hall-ah Mizoram Cleanliness Week, September ni 25 atanga October ni 2 chhunga neih tur chungchangah District Sanitation Task Force an thukhawm a, Khawzawl Addl. Deputy Commissioner, Pu Lalfakzuala chu chairman niin hun a kaihruai.
He hunah hian Mizoram Cleanliness Week chhunga Swachhata Hi Seva nena tihkawp tur chi hrang hrang sawi ho a ni a, cleanliness drive neih chhungin zirna hmun te, pisa te leh khawtlang hmun hrang hrang te tihfai intihsiakna neih rawt a ni a, bawlhhlawh paih duhdah leh chil chhak khap ni, No Tolerance Day hman rawt a ni bawk. October ni 2 hian Mizoram Cleanliness Week kharna hun hman rel a ni bawk a ni. Chairman Pu Lalfakzuala chuan meeting ngai pawimawha lo tel te hnenah lawmthu a sawi a, Khawzawl district hi district fai tak, entawn tlaka siam tumin theihtawp chhuah zel turin a fuih bawk a ni.
He hunah hian DC Office a officer te, Superintendent of Police office aiawh te, PWD, PHED leh DEO office aiawh te, Joint Village Council member te leh YMA, MUP leh MHIP hotute an tel a ni.
Mizoram Cleanliness Drive-ah hian mipui zirna hmun te, pisa te leh khawtlang hmun hrang hrang tihfaina beihpui neih pui thin an ni a, kum 1977 atang khan Mahatma Gandhi piancham pualin kum tin hman thin a ni
