Khawzawl, the 4th August, 2021:
Vawiin chawhnu dar 3:00 khan Khawzawl Officers Club (KOC) chuan DC Conference Hall-ah Pu Zothanmawia, Deputy Commissioner, Khawzawl District thlahna hun an hmang.
Khawzawl District Bawrhsap Pu Zothanmawia chuan he hunah hian thu sawiin, sawrkar hnathawk, VLTF leh mipuite tanrualna zarah Khawzawl District chu Covid-19 hrileng karah dinhmun ziaawm takah a ding a ni tiin, Khawzawla a awm chhungin thawhpui tha leh rintlak tak tak a nei chu lawmawm a tih thu a sawi a. Hrileng laka kan himna tura sawrkar inkaihhruaina siamte chu thuawih taka zawm zel a pawimawh a ni, a ti.
Pu Zothanmawia chuan mahni hma zawn a hna awm apiangah theihtawp chhuah thin tur leh, hunbi nei chi hnaah chuan a hun taka zawh hman tum ngei thin turin kalkhawmte a chah a. Inthlahna hun buatsaih saktu KOC chungah lawmthu a sawi bawk.
Vawiina Khawzawl District Bawrhsap kal chhuak tur thlahna hun hi Pu R. Lalrintluanga, KOC President in kaihhruaiin, Pu Henry Saplalrinliana, Vice President in KOC aiawha thusawina hun a hmang a. Dr. Lalnunpuii Renthlei, Executive Committee member in Citation a hlan a ni.
Pu Zothanmawia hian July ni 10, 2020 ah Deputy Commissioner, Khawzawl District hna hi chelh tanin, July 30, 2021 khan Mizoram sawrkar hnuaia Food, Civil Supplies & Consumer Affairs leh Local Administration Department ah Secretary hna thawk turin a kaisang a ni.
Vawiina DC thlahna hunah hian Covid-19 hrileng vangin KOC Executive member chin chauh an tel thei a ni.
Written by H. Lalramenga, SDC, Khawzawl District
