Khawzawl, 8th February 2024: Kumin Lok Sabha Inthlanpui lo awm tur atan Khawzawl District-ah inpuahchahna a kal mek zel a. Candidate leh political party ten Khawzawl District Administration huamchhunga an hman tur Advertisement Rate chungchang sawihoin vawiin khan District Level Media Certification and Monitoring Committee (MCMC) chu Khawzawl Addl DC, Deputy District Election Officer ni bawk Pu Lalfakzuala hovin Khawzawl DC Meeting Hall-ah an thukhawm.
District Level MCMC meeting-ah hian MP Election neihchhunga MCMC tih tur leh mawhphurhnate sawiho a ni a. MLA Inthlanpui 2023 a MCMC chetvelna te thlitletna neih a nib awk. Election Commission of India (ECI) inkaihhruaina angin social media, electronic media leh print media-a election kaihhnawih advertisement chhuah chungchanga thu pawimawhte sawiho niin Khawzawl District chhunga hman tur rate te bithliah fel a ni. MCMC hian Model Code of Conduct hman chhung zawngin Khawzawl District huamchhungah media kaltlanga dan bawhchhiatna a awm em tih a chhuiin a vil thin dawn a ni.
Meeting ah hian District Level Media Certification and Monitoring Committee member te an tel a ni.
