Khawzawl, the 11th December, 2023
Ni 11.12.2023 Thawhṭanniah New Delhi based NGO, Every Infant Matters hnen aṭangin CSR initiative hnuaiah Deputy Commissioner Khawzawl District-in Vitamin A leh Deworming tablet mum 250000 a thlawnin a dawng.
Pu K. Lalrohlua, DC Khawzawl District chuan District mipuite hriselna ngai pawimawhin Every Infant Matters (EIM), New Delhi hnenah CSR initiative hnuaiah Khawzawl District mipuite tan Deworming tablet leh Vitamin A tablet ngaihtuahsak turin ziakin a thlen a. Hei hi EIM in ngai pawimawh hlein DC Khawzawl ngenna chu a lo bawhzui nghal a, damdawi mum 250000 a thlawnin a rawn thawn ta a ni.
Every Infant Matters (NGO) hnen aṭanga ṭanpuina dawn zat leh hlut zawng hetiang hi a ni.
1. Vitamin A - 200 boxes, 100000 tablets
2. Albendazole - 150 boxes, 150000 tablets.
Heng ṭanpuina thilpek dawn hlut zawng hi local market rate-a chhutin Rs 16,00,000 a ni. Heng tablet hi a mamawhte hnenah a thlawnin semchhuah vat tum a ni.
Pu K. Lalrohlua Deputy Commissioner Khawzawl District chuan mipuite hriselna ngai pawimawh a, ṭanpuina rawn petu Every Infant Matters chungah lawmthu a sawi a ni.
 |  |
