Khawzawl, the 20th March, 2021 :
Nimin chawhnu dar 1:00 khan Khawzawl District Disaster Management Authority (KDDMA) chu an Chairman Pu Zothanmawia, Deputy Commissioner hovin DC Conference Hall, Khawzawl-ah an thukhawm a, District chhunga chhiatrupna hrang hrang thleng thei chungchanga hmalak dan tur an ngaihtuah.
Nimina Khawzawl DDMA meeting ah hian District Disaster Management Plan siam mek chu uluk taka ennawnin pawm a ni a, State Disaster Management Authority pawmpuina dil tura thawn nise tiin rel a ni. Tin, Mizoram sawrkar, DM&R department atanga lehkha dawn bawhzui nan leh, tunhnaia District chhunga kangmei vanga chhiatna thleng chungchanga hmalak nan Zonal Officer ten an bial chhunga public buildings – School, Community Hall, Biak In etc.- te Fire Audit/Inspection neih theuh nise, kangmei chungchanga mipuite zirtir nan Circular tihchhuah nise tih a ni bawk.
Khawzawl DDMA chuan chhiatrupna lo thleng thei laka inven dan te, lo hmachhawn dan leh a tuartute khaichhuah dan tur chungchanga District mipui te inzirtirna buatsaih a, DM&R Department nen tangkawpa Mock Drill te neih thin nise tiin a rel bawk a ni.
Written by H. Lalramenga, SDC, Khawzawl District
