Ni 16.10.2024 chhun dar 1:00 p.m khan Khawzawl Deputy Commissioner, Pu K. Vanlalthiana'n DC Office Chamber-ah meeting a ko a, Mizoram State AIDS Control Society (MSACS) atanga HIV/AIDS leh Sexually Transmitted Infection (STI) laka invenhim dan tur IEC material dawn sem dan tur rel a ni. Meeting-ah hian Dr. Albert Lalhminghlua, Medical Superintendent, District Hospital leh Pu Rosiama Pachuau, President, YMA Sub-headquarters te an tel a ni.
Heng IEC material te hi lehkha sem tur leh tar tur an ni a, AIDS leh STI inkaichhawn dan te, inven fimkhur dan tur te, tanpuina lak theihna hmun te leh thil dang pawimawh tarlan a ni. Committee chuan YMA nena tangkawpin heng lehkha hi in tina sem an rel a, vantlang hmun hrang hranga tarlan an rel bawk a ni.
