Khawzawl, the 25th January, 2023: Khawzawl District Bawrhsap, Pu C.C. Lalchhuangkima chuan vawiin chawhnu khan NH6 Khawzawl leh Champhai inkar siamtu Shri Balaji Construction Company (BCC) te hmalakna, Khawzawl District chhunga mi black-topping hna thaeh tan chu Company leh NHIDCL hotute nen an enfiah.

Pu C.C. Lalchhuangkima chuan hna tlo leh tha  chak taka thawh leh hun bituk chhunga zawh ngei theihna tura tanlak chu Sawrkar duhdan anih thu a sawi a. Kawng siamtute hmalakna chu lawmawm a tih thu sawiin, tha thlah lova thahnemngai taka thawk chhunzawm zel turin a chah a ni. 

District Bawrhsap awm lai hian kawngpui black-topping khawih tan niin, black-topping tih dante Bawrhsap chu hmuhtirin an sawifiah a. Bawrhsap hian an hmalak dante a enpui nghal bawk a. Hun remchang hmasa berah NGO hruaitute leh MJA lamte nena tlawha hmalaknate thlirhona neih leh nise tih a ni.