Khawzawl, the 29th June, 2021:
Khawzawl District Bawrhsap Pu Zothanmawia chuan vawiin chawhnu khan Khawzawl District-a MJA member-te leh Cable TV neitute chu Covid-19 hrileng mek darh zel tur do letna kawnga hmalakna chungchang zirhona a neihpui.
He hunah hian District Bawrhsap chuan thu sawiin, Khawzawl district-ah Covid-19 hri kai awm thin mahse tualchhungah inkai darh a awm lo chu lawmawm a tih thu a sawi a, thunun zawh loh khawp hri kai an awm lo chu hri do kawnga thawktute thawhrimna leh mipuite thuawihna vang ni a, a lawmawm hle a ni, a ti bawk.
He huna Pu H.Lalramenga, Sub-Deputy Commissioner (SDC)-in report a pek atanga a lan danin, Khawzawl district-ah Government Quarantine Facilities 31 a awm a, Community QF - 36, Hotel Paid QF pakhat leh Institutional (Company) QF pahnih a awm a, heng zinga panga hi hman lai mek a ni. Hri vei enkawlna hmun Covid Care Centre (CCC) chu Khawzawl khawpui chhungah pathum awmin Kawlkulh, Khawhai leh Biateah Comunity Covid Care Centres (4C) pakhat theuh a awm bawk. State pawn atanga rawn lut Quarantine tawh zawng zawng hi mi 1012 niin quaratine centre-a awm mek mi 75 an awm bawk a ni. Report atanga a lan dan chuan Chief Minister's Relief Fund atangin hri leng avanga chhuanchham tanpui ngaite hnenah tum hnih May ni 21-ah leh June ni 25-ah tanpuina pek a ni tawh a, chhungkaw 1580 hneah Buhfai, Dal leh Tel pek an ni.
Report a a landanin Khawzawl District-ah hrikai hmuh chhuah tawh chu mipa 81 leh hmeichhia 16, an vaiin mi 97 an ni a, hri kai enkawl dam tawh mipa 76 leh hmeichhia 16, an vaiin mi 92 an awm a ni. Tin, April 20th, 2021 atanga Covid-19 dan bawhchhia man tawh zat chu 386 niin, pawisa chawitir zat tlingkhawm hi Rs. 1,04,700/- a ni bawk
Dr Lalnunpuii Renthlei, Medical Officer, Khawzawl District Hospital in Health Department hmalakna tlangpui a tarlan dan chuan, Khawzawl district chhunga hri kai leh kai lo endik tawh zawng zawng chu mi 4969 niin, heng zinga 4042 chu RAgT hmanga endik niin a dang 927-te chu TrueNAT hmanga endik an ni a. Khawzawl District Hospital huamchhungah Covid 19 vaccine dose khatna la tawh zawng zawng mi 7608 an ni a, an zinga mi 4215 chu kum 18 – 44 inkar niin,kum 45 chung lam dose khatna la tawh 3393 an awm bawk.
He hunah hian Addl SP Pu Lalringliana Pachuau pawhin Khawzawl district police ten hri do kawnga hma an lak dan a tarlang bawk a ni
Khawzawl DC-in Media-te a kawmnaah hian Pu Lalrohlua, Additional DC leh Pu James Lalnithanga, SDO(Sadar) bakah Dr. Vanlalnunfeli, Medical Officer, District Hospital te an tel bawk a ni.
Written by H. Lalramenga, SDC, Khawzawl District
