Khawzawl, the 17th March, 2021:

Vawiin khan Pu Zothanmawia, Deputy Commissioner, Khawzawl District chuan Khawzawl District chhunga khaw thenkhat tlawhin khawtlang hruaitute nen inkawmna hun tha tak an nei.

Khawzawl Bawrhsap hian Khawzawl District chhunga Vankal, Puilo, Chhawrtui leh Vanchengpui khua te a tlawh a, Village Council member ten lo tawiawmin khawtlang mamawh hrang hrang leh hmalak dan turte sawiho in, hun nuam leh hlawkthlak tak an hmangho a ni. 

Khawzawl Bawrhsap in vawiina District chhung khaw hrang hrang a tlawhna-ah hian VC te nen khawchhung leh a chhehvela hmun pawimawh thenkhat – school, solid waste management centre, hall, Vankal Solar Park leh hmundang te a tlawh bawk a. Deputy Commissioner in hetianga an khua ngeia kalchilh a, a tlawh chhuak chu lawmawm an tih thu khawtlang hruaitute chuan an sawi a ni.

Written by H. Lalramenga, SDC, Khawzawl District