Khawzawl, the 8th April, 2021:

Pu Zothanmawia, Deputy Commissioner, Khawzawl District chuan District chhung khaw hrang hrang tlawh chhunzawmin, nimin khan Khawzawl District hmarlama khaw pali – Khualen, Rabung, Aiduzawl leh Pamchung te a tlawh. 


Khawzawl Bawrhsapin khaw hrang hrang a tlawhna-ah hian Village Council member ten lo tawiawm zel in, thingpui inho pahin khawtlang dinhmun tlangpui leh mamawh te, hmalak dan turte sawiho a ni a. A tul anga khawchhung leh a chhehvel hmun pawimawhte a hmunah tlawhin, Pamchungah BPL Free Village in a tlawh a, Rabung Public Health Centre a tlawh bawk a. Heng bakah hian school leh VC te hmalakna thenkhat pawh tlawhin khawtlang hruaitute nen hun hlimawm leh hlawkthlak tak an hmangho a ni. 

Pu Zothanmawia hian tunhnaiah Khawzawl District a khaw hrang hrang engemawzat tlawh tawhin, khawtlang hruaitute nen inkawmna hun tha tak an lo nei tawh bawk a ni. 

Deputy Commissioner in hetianga an khua ngeia kalchilh a, inhawng taka an hmalakna leh mamawh te hre tura a tlawh chhuak chu lawmawm an tih thu District chhung kahw hrang hranga khawtlang hruaitute chuan an sawi a ni.


Written by H. Lalramenga, SDC, Khawzawl District