Vawiin Ni 27.08.2024 chawhma Dar 11:00 am khan Khawzawl DC Pu Vanlalthiana kaihhruaina in DC Meeting Hall ah Khawzawl District chhunga Nu nau chunga thihna leh nausen thihna thleng thin chu ngun taka ngaihtuah ho niin ,hetiang chhiatna thleng thin laka in ven dan leh thihna a lo tlem zawk theih nan ngun taka zir hova hma thar lak tha an tih thu an sawi hova, MHIP te leh ICDS Dept lam ten theih tawp chhuahin mipuiah Awareness neih nise an ti a, Khawzawl District chhunga Damdawi in te pawh ti changtlung zual zel tura DC hova hma lak nise an ti.

He hunah hian Sub Hqrs YMA aiawh te Sub Hqrs MHIP leh District MUP aiawh te bakah Medical Superintendent District Hospital Khawzawl leh Sr. Medical Officer District Hospital te an tel a, Power point Presentation hmangin Maternal & Infant Death chung chang detail  in hrilhfiahna hun hman a ni bawk. Khawzawl District Hospital bakah hian Biate, Sialhawk, Khawhai leh Rabungah  te PHC awm in hma lakna hi kalpui mek a ni bawk.

Kum 2023 -2024 April – March chhungin nau piang 284 awmin mipa 149 Hmeichhia 135 an awm a, Nausen thi 6 leh pian hlima thi 10 an awm a, 2024 -2025 April – July chhungin nau piang 72 awmin mipa 45 leh Hmeichhia 27 an awm a naupang thi 1 leh nausen thi 8 an awm thu tar lan a ni bawk