Dated Khawzawl, the 24th February, 2021:

Vawiin chawhnu dar 3:00 khan Khawzawl Bawrhsap Pu Zothanmawia chuan Khawzawl Town chhunga ‘Housing for All’ hnuaia insak tanpuina dawngte chu an in sak mek dinhmun enfiahin a tlawh.

UD&PA Department hnuaiah Housing for All hi mumal taka kalpui chhoh mek niin, Khawzawl Town chhunga mi 691 hnenah first installment pekchhuah tawh a ni a, 2nd installment hi nghah mek a ni. Khawzawl-a veng pahnih – Electric Veng leh Hermon Veng te chuan insak tanpuina dawngtute tan hian ram an thehsak nghe nghe. 

Pu Zothanmawia chuan Hermon Veng a UD&PA Department leh KVK, Khawzawl tangkawpin bawhhlawh tawih thei chi sawngbawlna, Vermi Compost Shed an siam chu a hmunah kalin a enfiah nghal bawk. 

Bawrhsap hi Pu James Lalnithanga, DUDO Khawzawl, Dr. Henry Saplalrinliana, Senior Scientist & Head, KVK Khawzawl te bakah Electric Veng leh Hermon Veng VCP ten an tawiawm a ni. 


Written by H. Lalramenga, SDC, Khawzawl District