Vawiin khan Kawlkulh PHC ah India Independence kum 75-na lawmna 'Azadi Ka Amrit Mahotsav' kal zel a hmalakna pawimawh tak pakhat Health Mela chu Kawlkulh leh a chhehvel khuate tan buatsaih a ni. Health Mela hawnna ah hian Pu C.C. Lalchhuangkima, Khawzawl Bawrhsap chu khuallian a ni a. Health Mela hawnna inkhawm tawi buatsaihah Dr R Lianmawia, Chief Medical Officer, Champhai chuan inkhawm hi a kaihruai a ni. Deputy Commissioner Pu CC Lalchhuangkima chuan , Champhai District Hospital panna kawng a hlatzia leh mipuite harsatna chu sawkar in a hriatthiampui avangin Champhai lam atangin doctor thiam tak takte chhawp hnaihsakin, damdawite pawh a thlawn a sem leh a thlawn a inentirna hun buatsaih a nih thu a sawi a. Mipuiten Health Mela an hlut chu lawmawm a tih thu a sawi a, hlawkna an hmuh theioh nan duhsakna sangber a hlan bawk a ni. Dr Hillary Remsangpuii, Medical Officer, Khawzawl PHC chuan lawmthu sawiin hun a khar a ni. 

Vawiin Health Mela ah hian doctor 10 rual leh thawktute, NHM leh Health department hnuaia programme hrang hrangin clinic leh stall hrang hrang 19 an hawng a. Hetah hian mipui tana a thlawna inentirna leh service dang chi hrang hrang buatsaih a ni a. Health Mela hi mipuiin an hlut hle a, inentir turin mipui thahnem tak an kalkhawm a ni.