Khawzawl, the 6th May, 2021

 

  1. Inrinni zing dar 5:00 aṭanga chawhnu dar 2:00 thleng sa leh thlai zawrh theih a ni ang. Mizoram sawrkar in Village Level Task Force (VLTF) ruahmanna hnuaia inhawng thei a tih chin te chu Inrinni chawhma dar 10:00 atanga chawhnu dar 2:00 thleng hawn theih a ni bawk ang. 

 

2. Mipui (bazar turte) hriattur

 

  1. Bazar turte chuan facemask hmangin hmai an tuam ngei tur a ni. Hmai tuam lote chu dan angin pawisa chawitir an ni ang. 
  2. Chhungkaw pakhat atangin mi pakhat aia tam chhuah phal loh a ni.
  3. Bazar turte’n an awmna veng VLTF te hnen atangin chhuah phalna lehkha an la ang a, khualkhua atanga Khawzawla bazar turte chuan an rawn chhuah tanna VLTF hnen atangin phalna an la tur a ni.

 

3. Dawrkaite hriattur:

  1. Anmahni dawrtuten social distancing vawng chunga an dawr theihna turin dawr kawtah marking mumal tak an siam tur a ni.
  2. Dawr kawngkaah hrui thlun tur a ni a, dawr chhungah a neitu/nghaktute bak luh phal loh a ni. 
  3. Dawrkaiten facemask hmanga hmai tuam vek tur a ni. 
  4. Dawr-a rawn kalte hming, address leh phone number te chu register-ah ziahluh zel tur a ni. 
  5. Anmahni leh a dawrtute hman tur hand sanitizer chhawp vek tur a ni. 

 

4. Sa leh thlai zawrh chungchang:

Veng tina VLTF te chu an veng dinhmun leh mipui mamawhna thlir chungin a zawrhna hmun tur leh mipui pungkhawm tam lo tur leh social distancing kalpui theih turin ruahmanna an siam ang.

 

5. VLTF te ruahmanna kenkawhpui turin Covid-19 Executive Duty te chu hriattir an ni.

 

6. Inrinni-a dawr hawn hi mamawh zualpui inlam na hun a ni a. VLTF ten phalna an pek te lo chu chhuah phal a ni lo.

 

7. Dawr inhawn hun chhung leh sa leh thlai zawrh hun chhung hi a rei tawk viau a. Hmanhmawh lutuk leh chuhhelh bik awm lovin, midang zai ngai leh VLTF te ruahmanna zawm chunga bazar theuh turin kan inngen e. Thu kan awih theuh chuan pungkhawm leh inhnawhbuai luih luih awm lovin mamawh kan inlamkhawm vek thei ang.  

 

8. Inkaihhruaina hi Deputy Commissioner, Khawzawl District kaihhruainna hnuaia Superintendent of Police, Khawzawl veng hrang hrang VLTF aiawhte leh Covid-19 Executive Duty Team leader te nen sawiho-a duan a ni. 

 

 

Sd/- ZOTHANMAWIA

Deputy Commissioner,

Khawzawl District, Khawzawl