LOCKDOWN ORDER THAR CHUNGCHANGA HRIATTUR PAWIMAWH ZUAL

Heng a hnuaia tarlan (ni 04.05.2021 zing dar 4:00 atanga ni 11.05.2021 zing dar 4:00 thlenga inkhuahkhirhna kalpui dan tur tlangpui) hi Khawzawl District chhunga Village Level Task Force te chu mipui hriata lo puangzar tur leh, khauh taka lo kengkawh turin ngen leh hriattir an ni: 

  1. Phai atanga lo haw/kal, entry point a RAgT negative te chu anmahni inah emaw, vantlang/sawrkar inkhunghranna hmunah ni 10 (sawm) chhung an inkhunghrang ang a, chumi hnua RT-PCR/TrueNat test result negative an neih chuan inkhunghran chhunzawm a ngai lo ang.
  2. Loh theih loh thilah lo chuan zin veivah loh tur a ni. Tul bik thila District chhunga zin turte chuan an chhuah tanna veng/khua VLTF/LLTF te lehkha an nei ngei ngei tur a ni. 
  3. Ṭul bik thila District pawn lama zin chhuah ngai te chuan an awm mekna Deputy Commissioner/SDO (Civil)/ BDO hnen aṭangin phalna an la hmasa tur a ni. Online a dil duh tan mCovid-19 application kaltlangin a hnuaia link tarlanah a dil theih bawk: (https://mcovid19.mizoram.gov.in/pages/mpass/inter-district). 
  4. Chhungkua/mimal eizawnna kaihhnawih ni lo a huhova lui kal, ramhnuaia picnic/ intihhlim, hiking leh adventure sports te khap a ni.
  5. Public park, picnic spot, movie theatre, gym, community hall, restaurant, shopping complex, mall leh intawllenna hmun zawng zawng chu khar tur a ni.
  6. State pawn aṭanga bungraw lak luh phurtute (driver leh handyman) te chu midang nen inchiahpiah lovin an bungrua an unload zawh veleh an let leh nghal ang a, backload lak tur zawngin Khawzawl District chhungah an tawi khawmuang emaw, an kal kual emaw tur a ni lo.

 

District Headquarters bik a inkhuahkhirhna:

 

  1. Phalna nei lovin tumahin mahni in/compound an chhuahsan tur a ni lo. Tul bik thilah chuan phalna hi VLTF hnenah lak tur a ni.
  2. Mizoram sawrkar order in VLTF te hriatpuinaa dawr leh service centre inhawng thei chin a tarlante   chauh SOP zawm chungin Inrinni zing dar 10:00 atanga chawhnu dar 2:00 thleng hawn theih a ni ang. A inchhawka dawr kal dan tur VLTF ten an ruahman ang. 
  3. Inrinni zing dar 5:00 atanga zing dar 10:00 thleng sa leh thlai zawrh theih a ni ang. A zawrhna hmun tur remchang chu VLTF ten an ruahman ang a, mipui pungkhawm tam lo tur leh social distancing kalpui turin ruahmanna an siam ang.
  4. Lo neitu leh huan neitute, ran vulhtute, sangha dil neitu te leh a thawktute chu hmunkhata mi panga (5) aia tam loin an hna thawh phalsak an ni a, ram riah pawh phal a ni. Mahse VLTF/LLTF te phalna lehkha emaw an kalna tur lo/huan an nei ngei a ni tih lantirna document (LSC, periodic patta,adt.) an nei tur a ni a, zing dar 9:30 hmain khawchhung an chhuahsan hman tur a ni.
  5. Mizoram sawrkar order in VLTF te hriatpuinaa hna thawh theih a tarlan a thawk tur te chu an hnathawhna hmunah zing dar 9:30 hmain an thleng tur a ni. Khawpui chhungah zing dar 9:30 leh tlai dar 4:00 inkarah an veivah phal a ni lo.

 

Note: Hei hi Lockdown order atanga hriattur pawimawh zual thlanchhuah a ni a. Mizoram sawrkar leh Deputy Commissioner, Khawzawl District order kimchang zawk chu DC office website (https://dckhawzawl.mizoram.gov.in/) ah emaw, ‘DC Khawzawl’ facebook page (www.facebook.com/DCKZL) ah emaw en theih reng a ni e.

                       Issued by District Level Task Force on Covid-19, Khawzawl District