Khawzawl, the 30th October, 2021:
Vawiin khan Pi Ramdinliani, Director, Food Civil Supplies & Consumer Affairs (FCS&CA) Department leh Pu C.C. Lalchhuangkima, Deputy Commissioner, Khawzawl District te chuan Legal Metrology Office hmun tur a District Land Committee in a lo ruahman tawh Far mual, DC Rest House hnuaia mi chu a hmunah kal in an enfiah a, a hmun zau zawng hi an teh chhuak nghal a ni.
Legal Metrology Office hmun tur enfiahnaah hian Khawzawl Joint Village Council hruaitute, Asst Controller, Legal Metrology, Junior Engineer leh FCS& CA Department official dangte an tel a ni.
FCS&CA Director leh Khawzawl District Bawrhsap te chuan Khawzawl Kawnzar a Supply Godown chu a hmunah kala enfiah nghalin, tun dinhmunah chuan Buhfai stock a awm tha tawk a ni. Tin, Supply Godown hi Buhfai Truck phurte awlsam zawk a an in unload theihna turin a Godown hel a Buhfai Truck phur kal theih dan tur ngaihtuah nghal a ni a. Truck kalna tur kawng siamna tur hi sum a ngaih hnem dawn avangin uluk zawk a ngaihtuahna sen a ngai dawn a, hotu sang zawk te nena la ngaihtuah that leh atan tih a ni.
Hemi hnu hian Khawzawl Hermon veng a FCS&CA Department ram tlawh leh niin, a hmun hma a that avangin Legal Metrology Office chu Khawzawl Hermon vengah hian sak mai nise tih a ni a. Tin, DCSO Office leh Quarter pawh he ram ah hi hian dah theih nise tih a ni bawk. Tin, Department ram chhunga khawtlang tangrual in School an sak chungchang pawh uluk zawk a la sawiho nise tih a ni bawk. Khawzawl Hermon a Department ram tlawhnaah hian Official te hi Khawzawl Hermon VC ten an tawiawm a ni.
