Electoral Literacy Club, Govt. Khawzawl College leh District Election Office, Khawzawl te tangkawp in SVEEP Quiz Competition an buatsaih chu  ni 29.09.2022 (Thursday) dar 10 :00 Am hian Govt. Khawzawl College Multi-Purpose Hall ah hlawhtling taka hman a ni.

A hawnna programme hi Pu C.C Lalchhuangkima MCS, District Election Officer chuan khuallian niin a hmanpui. Pu Vanlalchhuanawma, President, ELC, Govt. Khawzawl College kaihhruai Inkhawm ah hian DEO chuan thusawiin Election chungchang inzirtirna  program 'quiz competition' buatsaih a ni chu lawmawm a tih thu a sawi a. Election pawimawh zia sawiin, Zirlai te chu a thehdarh kawngah te tan la zel turin a fuih a, Nakum MLA inthlan ah pawh Vote nei tawh te chuan vote thlak theuh turin a ngen a ni.

Pu James Lalnithanga pawh in thusawiin Election chungchanga hriattur pawimawh te a sawi a. He hun ah hian Pu. K. Lalkulhpuia, Nodal Officer, Electoral Literacy Club, Govt. Khawzawl College chuan in hmel hriattir a leh quiz kalpui Dan tur te a sawi bawk a ni. Pu K. Ziona, Principal pawh in Kalkhawm te lawmna thu a sawi bawk a, Lalchhanhimi, Secretary, ELC chuan lawmthu sawina hun a hmang bawk.

He SVEEP QUIZ COMPETITION hi Quiz Master, Ms PC Lalhmingtluangi kaihhruaina hnuaiah neih a ni a. Department tin te chu group a in then in, in elna hi kalpui a ni. Department tin ten participants 2 theuh an nei a. 1st round ah hian Department 6 te an in el a, mark hmu sang 3 ten final an lut a ni. Hetiang hi result  a ni.

1st Prize - History Department (Lalawmpuia & Lalhmingmawia) - Certificate + ₹5,000

2nd Prize - Political Science Department ( Lalhruaizela & Janet Lallianzuali) - Certificate + ₹3,000

3rd Prize - Economics Department (Lalremruati & Lalnunringi) - Certificate + ₹2,000

Heng bak ah hian Mizo Department, English Department leh Education Department te chu Certificate+ ₹500 (Consolation Prize) theuh hlan an ni bawk.