Khawzawl, the 16th November, 2021:

Vawiin tlai dar 5:30 thleng khan Khawzawl District huamchhungah E-District kaltlangin Certificate 2,728 pekchhuah a ni tawh a, heng zinga 637 hi Tribal Certificate niin, Residential Certificate 619 leh Income Certificate 937 pekchhuah a ni tawh bawk a ni. 

e-District kaltlanga certificate dil leh pekchhuah hi Khawzawl District-ah chuan October 16, 2020 atanga tih tan niin, vawiin thlengin chawhrualin thlatin certificate 169 vel pekchhuah thin ang a ni. 

Khawzawl District chhungah hian Common Service Centre (CSC) Operator hi Khawzawlah Pu Lalrotluanga Ralte, Khawhaiah Pu Zothantluanga, Chhawrtuiah Pu David Lalramkima, Kawlkulhah Pu Benjamin Zorinmawia, Sialhawkah Pu R.Lalsangpuia leh Biate-ah Pu Michael Lalruatsanga te an ni a. Certificate hrang hrang dil turten Khawzawla DC Office pan kher ngai lovin heng CSC te kaltlangin dil theih a ni. 

Written by H. Lalramenga, SDC, Khawzawl District.