District Rural Development Agency (DRDA), Khawzawl District chu Rural Development Minister zahawm tak Pu Lalruatkima’n March ni 20, 2021-a a hawn hnuah vawiin April ni 1, 2021 atangin Sawrkar notification angin hna an thawk tan. DRDA office atan hian BNRGSK building, Darngawn Veng chu hman nghal a ni.
Vawiin DRDA, Khawzawl tana office bul tan ni hmasa ber ah hian Project Director kaihhruaina in Officers leh staff te’n Pathian hnena inhlanna hun neiin meeting an nei zui nghal.
Meeting ah hian Officers leh staff te infuihna hun hman a ni a, Sawrkar atanga hna hrang hrang lo kal te rang taka bawhzui nghal zel turte, office dawrtute tawngkam tha leh hawihhawm taka lo dawngsawng thin turte, thawktu indaihlohna vangin mahni hna chanpual bak midang hna pawh a tul anga inpui tawn zel tur te, office atanga thuchhuah reng reng zahawm leh fel fai taka draft thin turte leh Khawzawl District DRDA hi bul tan tak meuh anih avangin engkim fimkhur tak leh dik thei ang ber zela tih tum nise tih a ni a.
DRDA, Khawzawl hian thingtlang khua hmasawnna tur scheme hrang hrang heng Mahatma Gandhi National Rural Employment Guarantee Scheme (MGNREGS) te, Pradhan Mantri Awaas Yojana (Gramin) (PMAY-G) te, Shyam Prasad Mukherjee Rurban Mission (SPMRM) te tun dinhmun ah chuan kalpui tura ruahman a ni.
Tun dinhmun ah heng a hnuaia officers leh staff te hi DRDA, Khawzawl ah an awm mek a ni:
- Pu Lalrohlua, Project Director, DRDA/Addl. Deputy Commissioner
- Pu H. Zahmingliana, Assistant Engineer
- Pi Esther Malsawmkimi Colney, Assistant Project Officer
- Pu C. Biakchungnunga, Accounts Manager
- Pu Peter Vanlalmalsawma, Computer Assistant
- Pu Robert CVL Hmachhuana, Planning Assistant
- Pu Ashok Lalremruata, Technical Assistant
DRDA ah hian thawktu dangte pawh Sawrkar in a la rawn dah belh zel tura beisei a ni.
Attachment
