Khawzawl District Level Screening Committee chu vawiin chawhma dar 11 khan DC Conference Hall ah an Chairman Pu CC Lalchhuangkima hovin  thukhawm a. Khawzawl District a unauthorised settlement awm chungchang leh hemi atan a hmalak dan tur an sawi ho a. Study Team din a ni a, Pu Obed Lalmalsawma SDc chu convener ah dah a ni a, report hi Sept thla chhung in thehluh nise an ti a. Thutlukna mumal chu Kawlkulh North VC leh khawtlang hruaitute nen inbe chungin, Study Team report ngaichangin siam nise tih a ni bawk. Meeting ah hian DLAO Champhai chu Member Secretary a ni a, Pu Lalvenhima Addl DC, Pu James Lalnithanga SDO Sadar te leh official dangte an tel bawk a ni.