Khawzawl, the 14th December, 2020:

Vawiin chawhnu dar 2:00 khan DC's Chamber, Khawzawlah Electoral Roll-a inthun pawimawh zia tilang thei slogan inphuahsiak lawmman chu Pu Zothanmawia, District Election Officer in a sem.

Pu Zothanmawia chuan lawman dawngtute a lawmpui tih sawiin, inelna rilru thianghlim nen intihsiakna hmachhawn thin turin a fuih a. Intihsiakna hmachhawntute zingah lawmman dawn inrin loh vanga hnual nghal ringawt lo a, theihtawp chhuah thinte an hlawhthing thin a ni a ti. 

Slogan inphuahsiak hi Special Summary Revision of Electoral Roll, 2021 puala Election Branch, Khawzawl bultum niin, Khawzawl District mi kum 14-20 inkar a duh apiang tan buatsaih a ni a. E-Roll Revision kal mek thehlarna hmanrua pakhat a nih bakah, vote thlak thei tura tling thar leh tling mai turte hnena Electoral Roll-a hming thun pawimawh zia zirtirna atan buatsaih a ni.

Slogan thehluttu mi engemawzat zingah a hnuaia mite hi lawmman dawngtute an ni. 

Pakhatna: 

B. Lalhruaizela, Khawzawl Vengthar: "I vote  khat  khan  Ram  hmasawnna  a thlen  theih  avangin,  vote  thlak thei  turin  in  ziak  lut  ngei  ang  che."

Pahnihna te:

B. Vanlalruatfela, Khawzawl Vengthar: "Vote  in  man  a  neilo,  Mahse  i  vote  in  rama  siam  tha  thei;  Roll  ah  in register  ngei  ang  che."

FH Lalrinchhungi, Khawzawl Electric veng: "Enroll  in  free  and  Vote  to  free".

Lawmman pakhatna hian pawisa fai cheng 1,000 leh certificate keng telin, pahnihnain cheng 500 leh certificate an dawng a ni.

(Written by H. Lalramenga, SDC, Khawzawl District)