Khawzawl, the 8^th March, 2022:

Nimin khan Pu C.C. Lalchhuangkima, Deputy Commissioner, Khawzawl District chuan Sialhawk VLTF hnenah Covid-19 vanga chhungkaw harsa zualte chhawmdawlna tur leh Covid-19 hrileng dona hmanrua a hlan.

District Bawrhsap hian Covid-19 vanga chhuanchham mai thei dinhmuna ding chhungkaw 20 te hnena sem tur  buhfai kg 480, tel packet 20 leh nutrela kg 10 chu Sialhawk VLTF te kutah a hlan a ni. Chhungkaw harsa zualte chhawmdawlna tur bakah hian DC chuan Sialhawk VLTF te hnenah Covid-19 hrileng dona atan PPE set 5 leh Hand Sanitizer litre 10 a hlan bawk.

Vawiin khan DC hian Tlangpui VLTF hnenah Covid-19 vanga chhungkaw harsa zualte chhawmdawlna tur leh Covid-19 hrileng dona hmanrua engemawzat a hlan bawk a. Tunhnaia Covid-19 hrileng pun nasatna khua Tlangpui VLTF te hnenah hian District Bawrhsap chuan  buhfai kg 240, tel packet 10 leh nutrela kg 5 a hlan a. Hei hi Covid-19 vanga chhuanchham mai thei dinhmuna ding chhungkaw 10 te hnenah VLTF ten an lo sem dawn a ni. 

Chhungkaw harsa zualte chhawmdawlna tur bakah hian DC chuan Tlangpui VLTF te hnenah Covid-19 hrileng dona atan Digital Thermometre 2, Pulse Oxymetre 2, Digital BP Monitor 1, Nebulizer 1, PPE set 5, Hand Sanitizer litre 5, surgical facemask 100, surgical glove box 1 leh Steamer 1  a hlan bawk.

Written by H. Lalramenga, SDC, Khawzawl District