Khawzawl, the 2nd October, 2021:
Tukin dar 7:45 khan Urban Development & Poverty Alleviation (UD&PA) Department, Khawzawl District buatsaihin Zaingen Branch YMA Hall, Khawzawlah Azadi ka Amrit Mahotsav Cleanliness Week, 2021 hawnna hun hman a ni a, Pu C.C. Lalchhuangkima, Deputy Commissioner, Khawzawl District chuan Khuallian niin a hmanpui a ni.
Pu Ngurthansanga, DUDO, Khawzawl District kaihhruai Cleanliness Week hawnna programme-ah hian Khawzawl District Bawrhsap chuan thu sawiin, Faina chu thil kal reng a ni tur a ni a, Faina Hapta hman lai chauha fai chu faina tluantling a ni lo tih sawiin, kan taksa, kan in leh a chhehvel atanga bultanin, faina chu nunpui a pawimawh a ni, a ti.
District Bawrhsap chuan Azadi Ka Amrit Mahotsav leh Cleanliness Week, 2021 denchhena UD&PA Department-in inelna hrang hrang a buatsaiha lawmman dawngtute hnenah lawmman a sem a. Faina Hnatlangpui bultan tur Government Khawzawl College leh Khawzawl Higher Secondary School a NSS volunteer te chu Zaingen Branch YMA Hall kawt atamgin a vailiam bawk. NSS member-te hian Darngawn veng huamchhung tifaiin bul an tan dawn a ni.
Faina Hapta, 2021 hawnna hunah hian Pu PC Lalchunglura, Superintendent Police, Khawzawl District in Pledge Taking (Thuthiam sawirual) na hun a kaihruai a, Pu C. Lallawmzuala, Urban Surveyor, DUDO in Faina Hapta chungchang report pein, Pi Lalrinngheti, Manager, DUDO in lawmthu sawiin hun a khar a ni.
Cleanliness Week, 2021 a Theme chu "Faina - kan in leh a chhehvel atangin" tih a ni.
Azadi ka Amrit Mahotsav (16th September - 2nd October), 2021 a lawmman dawngtute:
Veng fai lawmman:
Hermon Veng, Khawzawl
Faina chungchaga Awareness campaign kalpui tha:
Arro Veng, Khawzawl
Community Toilet/Vantlang inthiarna enkawl fai lawmman:
Mipa - Pu C. Vanlalena, Khawzawl Dinthar Veng
Hmeichhia - Pi Lalhriatpuii, Khawzawl Hermon Veng
Anni bakah hian Sanitation worker Pu Laldingngheta, Pu Lalrinnunga leh Pu Zonuntluanga te chu chawimawina pek an ni bawk a ni
Waste-to-Art exhibition a titha lawmman dawngtute:
1. Chuailo Self Help Group, Khawzawl Darngawn
2. Laltlanhlui, Khawzawl Zaingen
3. Melody Rosangpuii, Khawzawl Zaingen
Written by H. Lalramenga, SDC, Khawzawl District
