Pu C.C. Lalchhuangkima DC Khawzawl chuan Khawzawl Teachers Association General Meeting a hmanpui. 

He General Meeting hi Pu Vanlalrawn a President in a kaihhruai a. Chawhma lam ah Report leh Thusawi ngaihthlak a ni a. Chawhnu lam ah Danpui (Constitution) siam that chungchang rel a ni. 

He hun ah hian Khuallian DC Khawzawl chuan thu sawi in Zirtirtu te chu ram leh hnam lungphum inghahna thalai te enkawltu leh an hma lam hun chhertu an nih avangin thahnemngai tak a an hna thawk turin leh theih tawp chhuah turin a fuih a. A bik takin Ruihhlo in kan thalaite a tihbuai mek chhoh dan ngaihtuah hian kan thalaite leh zirlaite ho hi a hma aiin fuih nasat leh zual an ngai ta niin a lang a. Chumi lam hawi a hma la tur in Khuallian chuan General Meeting hmang a lokal zirtirtu zawng zawng te a ngen bawk a ni. Tin, Zirtirtu te pawh intuaithar thin tur leh naupang te an ngaihnawm tih ang zawng a zirtirna pe thei tur a inchhiar zau tur in a fuih bawk.