Khawzawl, 15th August 2023: Vawiin khan Deputy Chief Minister, Tuichang AC bialtu MLA ni bawk Pu Tawnluia chuan Khawzawl District Volleyball Association ten Independence Day 2023 puala an buatsaih Volleyball Tournament hmawrbawkna hun chu khuallian niin a hmanpui.
Deputy Chief Minister Pu Tawnluia chuan Khawzawl District chu District naupangte a ni chungin kawng tam takah hmasawnna a hmu a ni, a ti a. Mimal, veng, khua, MLA bial angin mitinin rual el se a duh thu sawiin, phak tawka zela rual elna chuan ram leh hnam hmasawnna a thlen dawn a ni, a ti.
Mizoram sawrkarin Khawzawl District hmasawnna atan hma nasa taka a lak thu sawiin khuallian chuan District puan hnuah sawrkar pisa 23 lai a dah tawh tih a tarlang a. Infiamna lama thalai ten rual an el phak nan a sawrkarin hmasawnna ruhrel a din hrang hrang ten ram pum huap inelna an thleng thei chu lawmawm a tih thu a sawi a; tangkai zawka thalaiten an hman zel a duhsak thu a sawi bawk.
Independence Day 2023 lawmna puala neih Volleyball Tournament hi mipa leh hmeichhe tana buatsaih a ni a. Hmeichhe lamah hian Team 6 telin, mipa ah team 12 an tel a. Hmeichhe final ah Khawzawl Kawnzar chuan Khawzawl Zuchhip an hneh a, mipa final-ah hian Tualte chuan Chawngtlai hnehin an champion a ni.
