Pu C.C Lalchhuangkima, DC Khawzawl chuan June ni 11, 2022 (Zirtawpni) hian Khawzawl District VC Association General Assembly hmasa ber chu Khawzawl Vengthar YMA Hall ah Khuallian niin a hmanpui. 

Khuallian Pu C.C Lalchhuangkima chuan thusawi in Village Council te hian role pawimawh tak mai 2 an nei a. Chungte chu Magisterial leh Development role tiin a sawi theih a. Heng role 2 te hi ngaihthah lo a, theihtawp a hma la turin kalkhawm te a chah a ni. Kan khua theuh ah Dan leh Hrai mumal taka kenkawh a nih theih nan leh kan khua te awmze nei a hmasawnna hna kalpui a nih theih nan a Development Plan nei turin VC kalkhawmte a ngen bawk.

Khuallian chuan VC te chu Record leh File vawn chungchang ah awmze nei a hmala tur a chah in record thalo avangin VC thenkhat an lo mualpho tawh thin a. Kan khua leh veng te in awp dan a lo felfai zawk nan file leh record te vawng tha theuh turin VC tin te a ngen a ni. Tun hnai ah ruihhlo man a tlawm tak avangin thalai la ti ngailo ten ruihhlo an ti nasa-a a hriat thu tarlang in, VC tin ten mahni khua theuh ah Ruihhlo in min tihbuai dan zirchiang a, thalai ruihhlo la ti ve lo te himna tur ngaihtuah tur in VC kalkhawm te a ngen bawk a ni. Tin, Vawk hri leng leh chungchang tarlang in tun a vawk hri ASF leng leh chu pawi a tih thu sawiin VC ten an khua theuh ah vawk hri ti reh tur a tan la turin leh hemi chungchang a Sawrkar order te zawm a nih theihna tur a theih tawp a tan la turin a chah bawk.

Khuallian chuan Covid vang a buai vanglai pawh in VC te nen a an thawhho that a avang leh VC ten DC Office an thlawp tlatna ah lawmthu a sawi bawk a ni.