Khawzawl, the 13th November, 2021 

Nimin chawhnu khan Pu C.C. Lalchhuangkima, Deputy Commissioner, Khawzawl District chuan Khawzawl District chhunga Chawngtlai khua tlawhin Agriculture Department hnuaia FOCUS hmalakna a enpui. 

FOCUS hnuaiah hian kumthar 2022 atangin ram nei lo (landless) chhungkaw 120 vel hmalakna turin Chawngtlai khaw chuan hnuaiah Terrace siamsak tum a ni a. Helai hmun tlawh pawh nan hian Link Road km 5 zet a thui laih tum a ni bawk. 

Khawzawl District hi Pi Lalnunpuii Parte, District Project Manager, FOCUS leh Chawngtlai Village Council ten kum 2022 a hmalakna tur ram hi an thlir a. An thlir zawh hian Chawngtlai Inpui ah inkawmhona an nei nghal a ni. 

Pi Lalnunpuii Parte, DPM, FOCUS hnen atanga thudawn danin he project hmalakna atan hian Farmers Interest Group (FIG) din phawt tur a ni a. FIG te kaltlang hian hmalakna kalpui tur a ni. Tuna ruahman dan chuan he hmalakna huamchhungah hian sanghal dil (Community Fish Pond leh Individual Fish Pond), Community Water Tank, Individual Water Tank, Grazing Ground leh Waiting Shed cum Storage Shed te siam tum a ni bawk. 

He project hmang hian Thingtlang Lo neih a eizawng mek chhungkaw engemawzat chuan an tihdan bansanin Lo nghet hmang a eizawnna neihtir tum a ni a. Khawtlang hruaitute atangin beiseina sang tak an neih thu ngaihthlak ani bawk. 

He inkawmkhawmna neih hnu hian VC ten an mamawh an lo thlen te a hmun ah enfiah nghal a ni bawk a ni.