Khawzawl, the 24th September, 2021
Vawiin chawhnu dar 1:00 khan Pu CC Lalchhuangkima, Deputy Commissioner, Khawzawl District chuan Khawzawl town chhuga Airtel tower awmna in /compond neitu te kokhawmin Airtel mobile/internet signal mumal lo chungchang a sawipui.
He hunah Khawzawl District Bawrhsap chuan tunlai khawvel ah Mobile/Internet signal tel lovin hna a thawh theih mang tawh lo tih sawiin, Airtel tower awmna in/compound neitute chu mipui tana hnathawk an nihnaah taima tak leh rinawm taka thawk turin a chah a. Khawl enkawl chungchangah harsatna leh mamawh an neihte Company hnena report pe zung zung turin a ti a ni.
Bawrhsap chuan Mizoram Consumer Union, Khawzawl District Hqrs te nen pawh Airtel Tower awmna hmunhmate la enfel nise a ti a. Chak zawka hmalak a nih theih nan leh, Signal chhiat chhan tak hriat a nih theih nan Airtel Company lama an hotute nen pawh a hma thei ang bera Meeting neih leh nise tih a ni bawk.
Vawiina Bawrhsap hova meeting-ah hian Pu H. Lalramenga, SDC leh Pu Lalthawmmawia, President, MCU Khawzawl District Hqrs te an tel a ni.
Written by H. Lalramenga, SDC, Khawzawl District
