DC Khawzawl, Government of Mizoram, India

Phalna nei lovin tumahin mahni in/compound an chhuahsan tur a ni lo. Tul bik thilah chuan phalna hi VLTF hnenah lak tur a ni.
Phalna neia pawn chhuak tur reng reng chuan face mask leh hmanraw dang hmangin hmai an tuam ngei ngei tur a ni.
Vantlang hmuna kal te chu feet 6 tala inhlata awm tur a ni.
Loh theih loh thilah lo chuan zin veivah loh tur a ni. Zin veivak, Khawzawl-a lut leh Khawzawl atanga chhuak turte chuan an chhuah tanna veng/khua VLTF/LLTF te lehkha an nei ngei ngei tur a ni.
Mizoram sawrkar order in VLTF te hriatpuinaa dawr inhawng thei chin a tarlante chauh SOP zawm chungin Thawhtanni, Nilaini leh Zirtawpni-ah te hawn theih a ni ang.
Lo neitu leh huan neitute, ran vulhtute, sangha dil neitu te leh a thawktute chu hmunkhata mi panga (5) aia tam loin an hna thawh phalsak an ni a, ram riah pawh phal a ni. Mahse VLTF/LLTF te phalna lehkha emaw an kalna tur lo/huan an nei ngei a ni tih lantirna document (LSC, periodic patta,adt.) an nei tur a ni.
Chhungkua/mimal eizawnna kaihhnawih ni lo a huhova lui kal, ramhnuaia picnic/ intihhlim, hiking leh adventure sports te khap a ni.
Public park, picnic spot, movie theatre, gym, community hall, restaurant, shopping complex, mall leh intawllenna hmun zawng zawng chu khar tur a ni.
Chhiatni/thatni ah mi 30 (sawmthum) aia tam punkhawm phal a ni lo a, heng punkhawmnaah hian ei leh in sem/siam phal a ni lo.
Mipui punkhawmna heng – birthday leh anniversary lawmna, games & sports, book release, lungphun leh intihhlimna ang chi reng reng te chu inkhuahkhirhna hman hunchhung hian huaihawt phal a ni lo.
Sakhaw biakna hmun te chu khar vek tur a ni. Hei hian zing tawngtai inkhawm pawh a huam ang.
Thlai leh chawhmeh zawrh leh lei te chu VLTF remruatnain kalpui theih a ni.
Khawchhunga mi panga aia tam lo hna thawhna - carpentry workshop, steel fabrication workshop, bakery, tailoring, weaving leh hetiang lam - ah te VLTF phalna leh hriatpuina lak hmasak zel tur a ni.