COVID-19 EXECUTIVE DUTY CHUNGCHANGA THUPEK
District Level Task Force on Covid-19, Khawzawl District meeting dated 12.04.2021 bawhzui nan leh Mizoram sawrkar, Disaster Management & Rehabilitation Department Order No.B.1302l/101/2O2O-DMR/Vol-III dated 19.04.2021 in a tarlan angin “Sawrkar hnathawk leh sawrkar sum atanga hlawh la te chu COVID-19 duty turin a tulna apiangah hman tur an ni a. Khawzawl District-ah pawh The Mizoram (Containment and Prevention of the Spread of COVID-19) Act, 2020 in mipui te zawm tura a tihte leh Sawrkar thupek dangte khauh taka kengkawha duty turin sawrkar hnathawkte telna ‘Covid-19 Executive Team’ din a ni.
Khawzawl District chu zone hrang hrang sawmpali (14) ah then a ni a. Zone inthen dan leh Executive Team member te chu thiltel a ni. (Annexure I and Annexure II)
Covid-19 Executive Team te mawhphurhna chu a hnuaia tarlan ang hi a ni ang:
- Covid-19 kaihhnawih sawrkar thupek leh inkaihhruaina zawm lote chu man a, The Mizoram (Containment and prevention of the spread of Covid-19) Act, 2020 hmanga pawisa chawitir/hrem zel tur a ni. A hnuaia tarlante chauhin Receipt/challan-ah hming ziah/sign thin tur a ni.
- Executive Magistrates
- Police (Constable chin chunglam)
- Chairman/Vice-Chairman/Member Secretary of DLTF
- Chairman/Vice-Chairman/Member Secretary of VLTF
- Executive Team member-te
Pawisa chawitir te hi Receipt/Challan mumal tak pek tur a ni a. Challan hi DC office ah lakchhuah theih a ni.
2. Covid-19 Executive Team member-te hi office kal lovin an duty thin ang a. Zan curfew hunchhung erawh chuan police te chauh duty tur a ni.
3. Executive Team Leader in a Zone chhunga member te duty dan tur routine a lo siam ang. Leader hrilh hmasa lova duty lo an awm chuan Deputy Commissioner hnenah leader ten an hriattir zel tur a ni.
4. Duty ten khawlaia mipui chhuakte bakah hnathawhna hmun hrang hrang – dawr/restaurant/workshop etc. – leh motor veivak te endikin a khat tawkin an chechhuak thin tur a ni.\
5. A remchan dan ang zelin Executive Team member-ten an zone chhungah Covid-19 laka mipui himna tur chungchang zirtirna an pe thin ang.
6. The Mizoram (Containment and Prevention of the spread of Covid-19) Act, 2020 hnuaia dan bawhchhiatna leh hremna langsar zualte chu hengte hi a ni:
Sl. No. | DAN BAWHCHHIATNA | HREMNA/PAWISA CHAWITIR TUR ZAT |
1 | Mipui punkhawmna emaw vantlang hmuna mask vuah loh | Rs.100 |
2 | Mipui punkhawmna/vantlang hmuna social distancing kaihhruaina zawm loh | Rs.200 |
3 | Vantlang hmuna chil chhak | Rs.300 |
4 | Phalna la hmasa lova pawl leh kohhran anga intawhkhawmna huaihawt | Rs.5000 |
5 | Thuneitute phalna la lova ramri (State) kan | Rs.5000 |
6 | Sawrkar inkaihhruaina siam anga inkhunghranna (quarantine/isolation)-a awm tura tih te zawm lo | Rs.3000 |
7 | Hun bi tuk ral hmaa quarantine/isolation chhuahsan | Rs.1000 – 5000 |
8 | Quarantine facility-a awm laia midangte himna tichhe thei zawnga khawsa | Rs. 1000 – 5000 |
9 | Central leh State Sawrkarin COVID19 hrileng darh zel tur venna atana inkaihhruaina a siamte zawm lo.
| Rs.1000 |
10 | Phalna la hmasa lova COVID19 vei leh veia rinhlelh te nihna leh thlalak media hrang hrang –print, electronic leh social media hmanga tarlan | Rs.2000 aia tlem lo, Rs.10,000 thleng |
11 | Sawrkar hnathawk duty-te hnathawk tur tikhaihlak zawnga harsatna siam | Rs. 2000 – 10000 |
12 | Official te thawhpui duhlo | Rs. 1000 – 5000 |
13 | Information diklo pechhuak | Rs.1000 – 5000 |
14 | COVID-19 hri leng dona kawnga information pawimawh hupbet/pe chhuak duhlo | Rs.1000 – 5000 |
15 | State Sawrkarin COVID-19 hrileng dona atana inkaihhruaina a siam (Containment & Surveillance plan/ Instruction/Guideline) zawm duh lo | Rs.1000 – 5000 |
16 | Hremna anga pawisa chawi tur te pe duhlo chu Judicial Magistrate First Class Court-ah dan anga hrem theih an ni ang | Tan ina thla 3 atanga kum 1 thleng khung theih |
He thupek hian thu leh awm hma emaw, April ni 26, 2021 thleng emaw, a rei zawk zawk a huam ang.
Sd/- ZOTHANMAWIA
Deputy Commissioner
&
Chairman
District Level Task Force on Covid-19
Khawzawl District, Khawzawl
