No.J.12019/17/2020-DC(KZL)/VOL-V
OFFICE OF THE DEPUTY COMMISSIONER
KHAWZAWL DISTRICT : KHAWZAWL
Khawzawl, the 15th September, 2020
HRIATTIRNA
Hripui Corona Virus (Covid-19) chuan Mizoram a run mek a, mi engemawzatin he hri hi an kai mek a ni. He hripui hian Khawzawl District pawh a luhchilh mek avangin mipuite kan fimkhur zual a ngai a, he hripui laka kan him zel theih nan a hnuaia mi te hi zawm theuh tur a ni:
1. Ram pawn/state pawn atanga rawn haw tur reng rengte chu an rawn haw hma ngeiin an awmna veng/khua Village Level Task Force (VLTF) hnenah an chhungten an report ngei ngei tur a ni. VLTF ten Police leh anmahni bialtu Zonal Officer hnenah emaw, DC Office-ah rang takin report an thehlut thin ang. Sawrkar department/Company, state pawn atanga lo kal tur mikhual emaw, hnathawk tur nei pawhin DC leh Police hnenah report zel tur a ni.
Report ah hian rawn haw tur Hmingpum, kum zat, Nu/Pa Hming, Home Address, Rawn hawna state, an rawn chhuah hun leh thlen hun tura beisei bakah anmahni biakpawh theihna tur phone number te tih tel tur a ni. Report na turte chu:
i) Khawzawl Police Station: 9862423388
ii) Zonal Officer list hi thil tel (enclosed) a ni.
iii) DC office (SDC mobile no.): 7005968251/9940515224
2. Ram pawn/state pawn atanga rawn haw tur in report te hi anmahni bialtu Zonal Officer ten lo ngaihtuah zuiin, an rawn thlen laiin police duty point, Kawnzar-ah an lo hmuak ang a. Zonal Officer leh Police ten an awmna tur Quarantine Facility ruahman sa thleng an escort thin ang.
3. Aizawl atanga Khawzawl District a lo zin/haw te pawh an awmna veng/khua VLTF hnenah an in report zel tur a ni.
4. Mitinin kan zawm theih, face mask hmanga hmai tuam leh sahbawn/hand sanitizer hmanga kut silfai ngun hi a la pawimawh reng a ni mai lo a, a hma aiin a pawimawh tawlh tawlh tih hriain inthlahdah hauh lova chhunzawm zel tur a ni.
5. Chhungkaw tinte tul bik thilah lo chuan pawn chhuah leh midang kawm/lenpawh loh nise, a tam thei ang ber mahni inah inkhung tur a ni. Thil tul ti tura kan chhuak a nih chuan social distancing ngaipawimawh leh vawng tlat chungin kan chhuak tur a ni.
6. Khawzawl District mipuite khawchhung leh khaw kar kawngah motor hriatchian lohah chuang lo turin kan inngen a. A bik takin ram pawn/state pawn atanga rawn hawte phurtu motor-ah chuan hauh loh tur a ni.
7. Khawzawl District chhunga dawr-ah te leh heng infiamna hmun, gymnasia, spa, haircutting saloon, beauty parlour etc. ah te hian Register hmangin a dawrtute leh lut leh chhuak bio-data (Hmingpum, Address, Phone number) te chhinchhiah zel tur a ni. Register-ah hian a dawrtute ni lovin, dawr nghaktuin a ziak thin tur a ni.
8. Public transport heng – sumo, auto rickshaw, taxi etc. khalhtuten mask vuah leh kut silfai uar tur a ni. Passenger te hman tur hand sanitizer an pai reng tur a ni a, passenger ten motor an luh hmain hand sanitizer hmangin an kut an tifai thin ang. Tin. lirthei khalhtuten a zing thei ang berin lirthei chhung, thutna leh vawnban te uluk takin an tithianghlim thin tur a ni.
9. Khawzawl District chhunga hotel leh thingpui dawr neitu leh thawktuten Face mask hmangin an hmai an tuam ulukin, kut silfai an uar tur a ni a. Dawr luh dawnah dawrtute hman tur hand sanitizer/kut silna an chhawp tur a ni. Social distancing vawn a nih theih nan hma an la ang a, thutthleng leh dawhkante pawh inhnaihchilh lutuk lovin an rem tur a ni.
10. Chhiatni thatni leh a kaihhnawih puipunna hmunah te sawrkar leh VLTF ruahmanna siamte ngaipawimawhin, Covid-19 hripui laka kan him theih nan zawm zel tur a ni.
Sd/- ZOTHANMAWIA
Deputy Commissioner
&
Chairman,
District Level Task Force on Covid-19
Khawzawl District, Khawzawl
