No.J.12019/17/2020-DC(KZL)/VOL-IX
OFFICE OF THE DEPUTY COMMISSIONER
KHAWZAWL DISTRICT : KHAWZAWL
Khawzawl, the 10th February, 2021
HRIATTIRNA
Covid-19 hrileng chuan Mizoram-ah ziaawm lam a pan chho mek a. Hei hi sawrkar official, khawtlang hruaitu, NGO leh mipui thawhrimna leh thuawih rah thil lawmawm tak a nih rualin, kan nitin nunphungah kan fimkhur loh phah niin a lang. He hri hi awlsam taka inkaichhawn theih a nih avangin inthlahdah theih a ni lo a, Khawzawl District-ah pawh Covid-19 laka kan himna tura sawrkarin kaihhruaina a siam hrang hrangte chu tha taka zawm tur a ni:
1. Pawn (vantlang/puipunna hmun, dawr, office, damdawiin, clinic adt.) chhuak tur reng reng chuan face mask emaw hmanraw dang hmangin hmai an tuam ngei ngei tur a ni,
2. Sahbawn/hand sanitizer hmanga kut silfai ngun hi a la pawimawh reng a ni mai lo a, a hma aiin a pawimawh tawlh tawlh tih hriain inthlahdah hauh lova chhunzawm zel tur a ni.
3. Puipunna hmunah te chuan midang nen inhnaih lo thei ang berin social distancing ngaihpawimawh a, vawn tlat tur a ni.
4. Loh theih loh a nih loh chuan, kum 65 chin chunglam te, taksa hriselna lama harsatna nei sa te (Chuap tha lo, HIV+ve, zunthlum nasa, lungna, kalna adt.), naupai te leh naupang kum 10 (sawm) hnuailam te chu pawn chhuah loh hram tur a ni.
5. Khawzawl town chhungah zan dar 8:30 leh zing dar 4:30 inkarah curfew puan a ni a. Curfew order in a huam loh te tih loh chu hemi hun chhung hian pawn chhuah khap tlat a ni.
6. Lirthei khalhtute (a bikin public transport) leh an phurh ten face mask an vuah vek tur a ni a, passenger te hman tur hand sanitizer an pai reng tur a ni. Tin, lirthei khalhtuten a zing thei ang berin lirthei chhung, thutna leh vawnban te uluk takin an tithianghlim thin tur a ni.
7. Dawr neituten face mask vuahin, anmahni dawrtute tan hand sanitizer an chhawp tur a ni. Tin, anmahni dawrtute hming, address, contact number leh dawr hun chhinchhiah nan Sulhnu app hmanga scan tur QR Code fiah tha tak an tar tur a ni a, dawr tlawhtu ten QR code an scan ngei a ni tih an finfiah zel tur a ni. Sulhnu app hmang lo ten an details an ziahna tur lehkhabu (register) an chhawp tel bawk tur a ni.
8. Dawr zawng zawng chu (damdawi dawr tiam lovin) tlai dar 5:30 hmain khar vek tur a ni.
9. Chhiatni thatni leh a kaihhnawih puipunna te, Sakhaw biak inkhawmna hmun te, infiamna (games and sports) kaihhnawih puipunna leh thildang vanga mipui punkhawmna hmuna zawm tur, he office atanga hriattirna tihchhuah tawh hrang hrangte chu thil tel a ni.
Heng inkaihhruaina hrang hrangte hi Khawzawl District chhunga Village Level Task Force ten an veng/khua theuhah a khat tawka Tlangau hmanga lo puangzar thin turin beisei leh hriattir an ni.
Sd/- ZOTHANMAWIA
Deputy Commissioner
&
Chairman,
District Level Task Force on Covid-19
Khawzawl District, Khawzawl
