Khawzawl, the 18th January, 2022:

Vawiin chawhma dar 11:00 khan Deputy Chief Minister Pu Tawnluia, Tuichang AC bialtu MLA ni bawk ruahmannain Khawzawl District chhunga Covid-19 avanga Community Covid Care Centre (4C) leh Home Isolation a awm mekte chhawmdawl nan Buhfai, Tel leh Dal bakah Covid-19 hrileng dona hmanrua engemawzat semhhuah a ni a. Heng bungruate hi Pu C.C. Lalchhuangkima, Deputy Commissioner, Khawzawl District hovin DC Office kawt zawl atangin thawnchhuah a ni.

Chhawmdawlna hi mi pakhat tan Buhfai hi Kg 3 zel hisapa sem a ni a. Tel hi chhungkua pakhatah Pava khat hisap niin, Dal hi chhungkaw tunah Kg 1 theuh hisapa pek chhuah a ni. A vaiin buhfai quintal 30 leh kg 30, tel case 9 leh dal kg 223 semchhuah niin, hemi atan hian MLA Fund atangin Rs. 1,68,530 hman a ni.

Heng bakah hian DC office atangin pawisa fai Rs. 64,000 leh Oxymeter 26, Digital BP Monitor 26, Digital Thermometre 26, Surgical Facemask 900, PPE Kit set 10 leh N95 facemask box 13 sem tel a ni bawk.

Chhawmdawlna semchhuah a nih lai hian Khawzawl District chhungah hian Covid-19 positive mi 737 an awm mek a. Rabung khua leh Lungtan khua te chu Restricted Area ah puan mek niin, Kawlkulh leh Tualte ah te Micro Containment zone puan mek a ni bawk a ni.

Written by H. Lalramenga, SDC, Khawzawl District