No.J.12019/23/2020-DC(KZL)

OFFICE OF THE DEPUTY COMMISSIONER

KHAWZAWL DISTRICT : KHAWZAWL

                   Khawzawl, the 8^th February, 2021

CIRCULAR

India ram leh Mizoram hmundang angin Khawzawl District-ah pawh Covid-19 Vaccination kalpui mek a ni a. Tun dinhmunah Khawzawl District-a Healthcare Worker mi 140 in vaccine (Covishield) dose khatna la tawhin, Frontline worker dang leh mipui nawlpui te pawhin vaccine hi la chho zel tura ruahman a ni. 

Covid-19 vaccine lak hi Covid-19 hrileng laka invenna leh, nunphung pangngaia kan let leh theihna tura rahbi pawimawh tak a ni a. Chutihrualin, social media leh hmundangah te vaccine chungchanga insawithaihna lam hawi thu dik lo leng vak a tam hle. Khawzawl District mipuite chu heng thuthangte aia Doctor te thusawi leh sawrkar thuchhuak te ngaipawimawh a, zawm zawk thin turin ka sawm che u a ni. 

Tin, Covid-19 vaccination kalpui a nih mek lai hian he hrileng laka kan him nana sawrkarin inkaihhruaina (SOP) a siam hrang hrang – mask vuah, kut silfai ngun, midang nena inhnaih loh etc. – te hi ngaihthah lo a, uar chhunzawm zel turin Khawzawl District mipui zawng zawngte ka sawm bawk a che u.

                                                                                Sd/- ZOTHANMAWIA 

                                                                             Deputy Commissioner 

                                                                                             &

                                                                                       Chairman, 

   District Task Force on Covid-19 Vaccination

                                                                         Khawzawl District, Khawzawl