CHHIATNI THATNI CHUNGCHANGA HRIATTIRNA

 

Mizoram sawrkar thuchhuak No.B.13021/101/2020-DMR/Vol-III dated 16.01.2021 in a tarlan angin Khawzawl district chhunga khua/veng ah pawh mitthi vuina leh inneihna (man hlan, inneih inkhawm leh reception) ah te chuan a hmun-a leng zat 50% aia tam lovin a punkhawm theih ang a; amaherawhchu, mipui pungkhawm hi mi 100 aiin an tam tur a ni 1o. Heta mipui pungkhawm tur zat sawite hian ei/in siamtu, usher leh programme hlawhtlin theih nana tawiawmtu/chhawrte zawng zawng a huam a ni.

 

Chhiatni/thatni puipunna-a kenkawh tur he office order No. J.12019/17/2020-DC(KZL)/Vol-V dated 03.09.2020-in a tarlan kaihhruainate hi hman chhunzawm zel tur a ni ang; hetiangin :-

 

  1. Mitthi vuina-ah hian chhungkhat laina pawh a tlem thei ang ber kal thin nise, association/pawl aiawh mi 2 (pahnih) aia tam kal loh tur a ni. Kalkhawm thei zat leh kalkhawm turte hi a veng neitu YMA leh VLTF ten tlangau hmanga puanzar thin ni se.
  2. Social distancing a awm theih nan kohhran/community hall emaw, veng chhunga hall remchangah emaw a tuldan angin Biak In ah emaw invuina hun hman tur a ni. Hemi atan hian mitthi lawina kohhran leh a veng neitu YMA leh VLTF ten ruahmanna an siam ang.
  3. Chhiatni thatni-a kal zawng zawngte hmingpum, address leh contact number chhinchhiah tur a ni a, a remchan dan angin YMA leh VLTF ten ruahmanna an siam ang.
  4. Chhiatni/thatni puipunna hmunahte zai/zaikhawm loh tur a ni.
  5. Mitthi vuitu tur chu a theih hram chuan kum lama upa lo leh mi hrisel pangngai a ni tur a ni.
  6. Chhiatni/thatni leh a kaihhnawih punkhawmna-ah te hian kum lama upate leh hrisel lohna – natna benvawn neite kal loh tur a ni.
  7. Mitthi vuina-ah hian thingpui sem loh tur a ni.
  8. Chhiatni/thatni-ah mipui kalkhawmten face mask an vuah vek tur a ni a. Thusawi, thupuan leh tawngtai lai phei chuan mask phelh miah loh tur a ni.

 

Chhiatni/thatni leh a kaihhnawih puipunna chungchanga inkaihhruaina hi mipui vantlang hriata lo puangzar a, an veng/khua theuha lo kengkawh turin Khawzawl District chhunga VLTF leh YMA branch zawng zawngte chu ngen leh hriattir an ni.