O R D E R

 

            Tunhnaiah Khawzawl District chhunga Chawngtlai leh Ngaizawl khuaahte Covid-19 positive contact engemawzat an awm tih hriatchhuah a ni a. Tin, heng khuaa Village Level Task Force (VLTF) te hnen atangin khauh zawka inkhuahkhirhna kalpui tura rawtna dawn a ni a.  

 

          Chuvangin, Regulation 11(1) of ‘The Mizoram Epidemic Diseases (COVID-19) Regulations, 2020’ in thuneihna min pek angin leh, Mizoram Sawrkar, Disaster Management & Rehabilitation Department Order No.B.13O21/101/2020-DMR/VoI-IV dated 22.05.2021 Clause D tlawhchhanin, ni 24.05.2021 zing dar 4:00 atanga thu leh awm hma chu a hnuaia inkhuahkhirhna tarlante hi Chawngtlai leh Ngaizawl khuaahte kalpui tur a ni.

 

1. Covid-19 positive primary contact te chu negative result an neih hma chuan an inkhunghrang ngei ngei tur a ni a. Secondary contact te pawh primary contact result hriat a nih hma chu inkhunghran tur a ni. 

2. Hemi inkhuahkhirhna hun chhung hian tumahin mahni in/ compound an chhuahsan tur a ni lova, lirthei hmanga veivah pawh khap a ni. Loh theih loha pawn chhuah leh veivah ngaite chuan VLTF phalna an la hmasa tur a ni. 

3. Hmundang atanga heng khua-a luh leh chhuah khap a ni a. Loh theih loha luh leh chhuah ngai te chuan VLTF hriatpuinain la hmasain Deputy Commissioner hnenah phalna dil tur a ni. Hei hian Zonal Officer, Medical duty, Security duty leh Essential service hna thawktute chu a huam lo ang. 

4. Heng khaw paltlanga hmun danga kal turte chu khawchhungah chawlh khawmuan loh tur a ni. 

5. Ram lama hnathawk tur (lo leh huan, quarry, ran vulh etc.) te chu VLTF te hriatpuina la hmasain riahchilha hnathawh phalsak an ni.

6. Eichawp dawr leh bazar hawn chungchangah VLTF ten uluk taka an dinhmun thlir chungin ruahmanna an siam ang.

7. Heng khua-a sawrkar hnathawk awmte chu a tul dan ang zela VLTF te tawiawm turin hriattir an ni.

8. Heng inkhuahkhirhnate hi belh/tihdanglam ngai a awm a nih chuan VLTF te nen inrawn chungin belh/tihdanglam a ni ang. 

 

 

 

                                                                                                                               Sd/- ZOTHANMAWIA 

Deputy Commissioner

&

Chairman

District Level Task Force on Covid-19

Khawzawl District, Khawzawl