Nimin ni 17.08.2023 zing dar 6:30 khan Agriculture Director Pu James Lalsiamliana, Mission Organic Mizoram (MoM) Mission Director chuan Tuichangral Organic Farmer Producer Co. Ltd te tharchhuah Lakhuihthei quintal 6 chu Mumbai-a Josie’s Kitchen, North East Cuisines pan turin a vailiam.

Kar hmasa khan Agriculture Minister Pu C.Lalrinsanga chuan lakhuihthei quintal 5 a lo vai liam tawh bawk a. Lakhuihthei te hi kaltlanga thawnchhuah niin Mizoram State sorkar enkawl Mission Organic Mizoram leh Clover Organic Pvt. Ltd. te tangkawpin Central Scheme - Mission Organic Value Chain Development for the North Eastern Region (MOVCD-NER), Phase-III kaltlanga an thawn chhuah a ni a. Sawrkar, pawl leh kuthnathawktute thawhhona tha hian rah tha a chhuah mek zel a ni.

He hun hi Clover Organic Pvt. Limited te buatsaih a ni a. Agriculture Director leh MoM Mission Director kal chhuak ta Dr. H. Saithantluanga leh Pi Lalnunpuii Parte, MoM State Coordinator ten an telpui bawk a ni.