Vankal khua hi Mizoram thingtlang khaw zing ami niin, Khawzawl District huam chhung ami a ni a, in 112 bawr vel niin Khawzawl  a\anga hmar lam 37 km a awm a ni. Mizoram State Capital Aizawl a\angin 147 km a hla a awm ani a, GPS Latitude 23.624801o, Longitude-93.127705o - a awm a ni.

Vankal khua hi tun dinhmuna khaw\hut hi chu khaw upa lutuk a la ni lo a, chutih rualin Vankal khua tih a koh anih \an a\ang hian khawhmun hi hmun nga(5) lai lo luah anih tawh avangin a kumzat dik tak hi hrechiang lo mah ila, khaw naupang lutuk chu a nih loh hmel a, tun \hangthar deuh ten kan chhut dan leh kan hriatchian theih chinah chuan kum 2027-ah hian Centenary lawm kan tum a, hei hi \hangthar te chhut theih chin niin hemi hma lam hian a hming put chhan HMAR VANKAL tih hnam te hian hun engemaw chen chu an lo luah tawh bawk a ni. 

Vankal khua hi Sailo Lal ropui tak Lalsavunga thlah kal zel lalna khua a ni a, Lalsavungan Lianphunga a hring a, Lianphungan Pawihbawiha a hring a, Pawihbawihan Lalruma a hring a, Lalruma fa Lamlira lalna khua niin, Vankal khawchhung ah hian Mizo hnahthlak hnam hrang hrang Hnam 20 chuang zet chengin Mipa 219 leh Hmeichhia 183 awm in, kan vaiin mihring 402 kan cheng mek a ni.

A khaw awmna hmun hi hmun penhleh leh Zo thlifim tamna niin boruak a thiang \ha in, khaw lum leh vawh thu ah pawh hmun nuam tawk tak a ni. Vankal ram zau zawng hi 112 sq. km vel a ni a, khaw chhungah hian Kohhran hrang hrang panga(5) an awm a, chungte chu:

  1. Pathian Kohhran
  2. Isua Krista Kohhran
  3. United Penticostal Church (NEI)
  4. Church of God (Seventh Day)
  5. Presbyterian Church of India

Zirna sikul hi hengte hi kan nei bawk:

  1. Middle School – 1
  2. Primary School – 1
  3. Anganwadi Centre – 1

Vantlang hmunhma leh In te hetiang hian kan nei bawk:

  1. Community Hall
  2. Y.M.A Hall
  3. BNRGSK Building
  4. V/C House
  5. Health Clinic Centre
  6. Y.M.A Library

Tin, Vankal khaw chanchin sawia lang tello thei lo chu a ramchhung a tui kan tlan te hi a thianghlim in a tui em em vek mai a, heng kan tui tlan te leh Pathian malsawmna kan dawn avang te in Vankal khawchhuak a\ang hian pianphunga harsatna nei leh mi ang lo sawi tur kan awm meuh lo hi Vankal khawtlang lawmna pakhat a ni.

 

Tin, Vankal khuaah hian hmun hrang hrang ah a lo luah hmasa tu te leh pi leh pu te sulhnu tamtak hmuh tur a awm a, chung zinga khuain a lar pui   zualpui deuh te han tarlang ila:

  1. Vankal sial leh Dullai sial insikna hmun
  2. Chhura talhtum bung
  3. Lungpui kul
  4. Satinreng ziahna lung
  5. Lungding
  6. Pi Bum kawi
  7. Hmeithainu lem ziahna lung

 

Tin, Vankal khua hian rual u te a\ang pawhin infiamna lamah a bikin Football-ah hmingthanna a lo nei tawh a, Vankal Cup la ang tih \awngkam te pawh a lo chhuah phah a, he mi kaihhnawih ah hian Petromax chhit chungchang ah pawh fiamthu thiam deuh te fiamthu vangin an nih lohna ang deuhin an lo larpui tawh bawk a ni.

Vankal khua hi thingtlang khua a nih angin a mi chengte pawhin hna an thawk nasa in, an taima tlang em em a. Mizo tlawmngaihna in a ken tel zing a, mi te \anpui kawngah pawh hian kum tamtak chhung chu tun thlengin Y.M.A te hian mitthi an awm in, khawhar chhungte pualin hnatlang an la nei thin a ni.

Ei leh bar zawnna kawngah thingtlang lo neih hi kan eizawnna pui ber niin Vankal khua hian kuthna thawh kan uar hle a ni. Vankal khua hian hmasawnna hrang hrang nei ve in tun dinhmunah phei chuan North East-a Solar Project lian ber awmna hmun kan ni a, hei hian eizawnna kawngah pawh nasa takin khawtlang hmasawnna a thlen dawn niin kan hria a, kan lawm hle a ni.