Tualpui khua hi Kum 1906 February-ah Zuchhip Lal fapa Thanhera ho a din ani a, Tualpui Lal hmasa ber ani ta ani.
Tualpui khua hi Khawzawl District a awm niin, Khawzawl aṭanga Km 25 a hla awm ani.
Tualpui khaw hming put chhan hi sawidan chihnih a awm a Chungte chu, Thangtualpuia hote lo awm tawhna anih avang ani ti an awm a, ṭhenkhat erawh chuan hnam hming chawia phuah ani, Tualpui hnam ho lo awm tawhna anih avang ani an ti bawk.
Tualpui khaw ṭhenawmte chu, Khawzawl, Khualen, Rabung, Murlen, N.Khawbung leh Ngaizawl-te an ni.
Tualpui Lal Thanhera hian a fapa Domana chu German ral bei tura kalve phal loin Lalah a siam a, Ngaizawl tlang awp tirin khua a sah tir ta a, hei hi Ngaizawl khua lo pianchhuahna ani. Tualpui Lal Thanhera chu 1928-ah a thi a, Domana chu lo letin Tualpui Lal alo ni ta ani.
Kum 1966 ah rambuai in ṭanin, Ni 16 Dec 1968-ah Tualpui khua chu Khawzawlah khawmthlak ani a, kum 62 lai meimit lo a luahlum chu rauhsan alo ni ta.
Kum 1928 Presbytery Nisapui-ah Tualpui Upa hmasa berte pahnih Upa Ralzema leh Upa Chalphunga-te chu nemngheh an ni. Upa Ralzema hi mitlawmngai, German ralrun a kal zofate zinga eirawngbawl tluan chhuak parh thei awmchhun ni a sawi kha ani.
Kum 2024-ah hian Tualpui-ah in 145 awmin, mihring 720 kan cheng mek a ni
