Tlangmawi hi khawhai Lal (Zataia) ram chhunga awm a ni a. Kum 1935 ah bawrhsap hnen ah khawthar sak phalna hmuh a ni a, Lal Zataia fapa zing ami khua tura tih a ni a, Lalin tur pawh 1944 ah sak a ni a. Amaherawhchu Lal fapa hian lehkha a zir a,Sorkar hna a thawh tak avangin rei erawh chu a awp talo a ni, Kum 1954 August 16 atang chuan V.C hrang neiin alo awm ta a,kum 1966 a rambuai khan Khawhai ah khawm leh a ni a. Kum 1971 thlengkhan khua chu a ram leh ta rih a ni.Kum 1972 ah mi tlemte an let leh a,kum 1974 ah phei chuan khua a chhiar leh niin in 30 vel lai an awm leh ta a. Sorkarin khua a ala pawm leh loh avangin Bawk Committee din a ni a,chu committee chuan rorelna engkim a kengkawh a ni.
Ti chuan kum 1984 November 5 ah chuan V.C hrang neiin a awm leh ta a
ni. Biate Pastor Bial a awm a ni thin a, Pastor Pasena bial fang chuan khaw hming hi a phuah ta a, 'Tlangpuite tih a phuah a ni. Hun alo kal zel a, a bul lawk ah Tlangpui khua a awm a, Sorkar atanga lehkha kalsual a awm tak fo a vangin Ni 13.7.2007 atangin tuna khawhming 'Tlangmawi' tih hi a pu tan ta a ni.
Kohhran hi Presbyterian Kohhran Biakin chauh a awm a. Zirna lam ah hian Aganwadi, Primary Schooi ieh Middie Schooi te a awm a. Hrise!na in enkawlna hi Health Clinic Centre a awm ve a ni.
Ram chhung ah hian Pipu sulhnu hmuh tur a awm ve a,Hmar ho hi anlo awm ve tawh a, tunah pawh thlan sang pui pui 2 (pahnih) hmuh tur a awm a,an khuhhriang hlui keh te pawh hmuh tur ala awm a ni.
Ramngaw tha tak tak hmuh tur ala awm nual a. Tlang phei ram ah ngiau lian tak a awm a, a leiseh chin atanga tehkual hian 14ft hawlhtlang vel a lian a ni a, North East ah hian alian ber tura ngaih a ni.
Tui lam hi P.H.E Department atangin Solar Pumping Scheme kalpui mek a ni a,hna pawh zawhfel tep a ni tawh a. Tui hi chu Department hmalakna zar ah nuam takin a awm mek a ni.
Inkalpawhna kawng hi atha lo a,fur ah chuan tlawh pawh a harsa thin hle a ni.
Tunah hian in luahlai 48 a ni a, mihring 275 kan awm mek a ni.
