Pamchung khua hi zawlnghak lal fapa Thankhuma Sailo lal hian leng khua a\angin kum 1862 ah a sat a, tichuan Tualcheng khua hi kum 1872 ah han sat leh in chuta \angin khuanglâmah a kai a, khuanglâm a\ang hian Lungphunlianah a kai leh a, lungphunlian a\angin Pamchungah a chhuk thla leh a ni. He ta Pamchung a an awmlai hian Thankhuma Sailo lal hi Ni 28.8.1938 hian a boral a, Pamchung a\ang hian Vaidaiah kum 1945 ah an kai phei leh a, Vaidaiah hian \hangkhat lian zet an awm hnuin kum 1961 ah Pamchung khuaah hian an let leh a ni. Pamchung a an let leh hian in 50 bawr vel an ni a, tichuan Pamchung khuaah hian in bengbel nghetin an awm zui ta a ni.
Kum 1966 ah Mizoram alo buai khan Tualcheng khuaah kum 1968 khan an hruai khawm a, kum 1968 vêk hian Tualcheng khua nen hian Hnahlan ah an khawm chho leh a, Hnahlan khuaah hian mi tam zawk te in bengbelin an awm hlen ta a ni. Tichuan Pamchung khuaah hian kum 1974 ah in 5 velin thlawh bawkin an awm thla leh a, chuta \ang chuan tun thleng hian Pamchung khua hi chhuahsan awm tawh lovin an luahlum ta a ni.
Tichuan, kum 1976 a\angin thlawh bawk village chairman angin an awm a, kum 1985 ah village council neiin an awm \an ta a ni. Pamchung khua hi hmarchhakah awmin Sialkal tlangdungin a hual a, a khaw awmna lai hi tlang thengthaw nuam tak niin a mihring cheng te pawh an hriselin Pathian zarah kumtluan a boral awm lovin an awm zeuh zeuh \hin a ni. Lui lamah hian Tuiphal, Tuivai leh zawngek lui ten a hual a, Luidungah hian sangha, chengkawl, chakai te ala tamin a bîkin sangha hi humhalh tlat a ni.
Pamchung ram hi a\ha in buh leh bal ah pawh Pathian malsawmna kan dawng nasa a, khaw intodelh tak kan ni bawk a ni. Ram a \hangin eizawnna awlsam zawk beiseina avangin a mi chengte pawh an pemchhuak ve nasa a, tichuan tuanah hian in 80 awmin mihring hi 380 kan cheng mek a ni. A tlangpuiin a mi cheng tam zawk hian eizawnna atan thingtlang lo hi kan la nei a ni.
Pamchung khaw ramah hian ramhmul damdawi heng kaihzawlte, thingkhawi lu, chhawntual etc. te hi a tamin a mamawh tan pawh hian kan thawn chhuak \hin bawk a ni. Tin, Mizoram hmun dang a awm tam lem lo Lungthi te, Baibing te, a bikin tinreng damdawi tia mizo ten kan hriat zema thingthupui (Asparagus) pawh hi \in 50 hmun vel kan nei a, sum tamtak lâkluhna atan pawh kan hmang nasa e mem bawk a ni.
