A din tan dan:

Lungvar veng hi kum 1979 April thla ah Pu Lalengmawia (L) leh Pu Zotuawnga ten huan siamin an awm Chilh tan a, chuta tang chuan mei mit lovin hun lo kal zelah chhungkaw eng emaw zat an lo awm ve ta a ni. A tirah hian veng hran a awm lovin Darngawn veng branch Y.M.A hnuai a section pakhat (Khuangchera section) ang in a awm phawt a ni.

Lungvar veng than chhoh dan:

Darngawn veng Branch Y.M.A hnuai a Section pakhat ni thin kha 1, 6 February 2009 ah Lungvar Branch Y.M.A a lo ni ve ta a ni. Tichuan Game & Sports Association te, M.H.I.P leh M.U.P te pawh a hrangin a lo ding ve ta zel a. Kum 2015-ah Village Council hran hial lo nei ve ta in tunah hian Villlage Council term 2-na a hmang mek a ni.

Lungvar veng hming put chhan:

Lungvar veng tih hi a chhunga chengte inphuah ni lovin, tumah an la awm hma atanga a chhunga thil awmin a hrinchhuah a ni a, tuna Lungvar Branch Y.M.A Hall atanga Mualvawm panna tlangdung kawng chho (Joint Y.M.A ten lei an siamna a chhuak) ram hi Lungno var hmun a ni a. Chu kawng chu 'Lungvar peng' ti a sawi thin a ni a, mihring kan lo chen a; veng hming pu tham hial kan lo awm takah chuan LUNGVAR VENG hming hi a lo pu ta ani. Tunah hian In 170 vel lai ding ve tawh in a mi Cheng pawh 750 bawr vel a ni tawh a, tun hma a Khawzawl khua a veng naupang ber leh veng hmawr khawhar tak ni thin kha tunah chuan National Highway in pal tlangin Khawzawl kawtchhuah pawimawh leh veng nuam tak ani tawh a ni.

Veng chhunga Department hmalakna te:

Lungvar veng chhungah hian Department hrang hrang hmalakna hmuh tur a awm a; kum 1984-ah P. W.D hmalakna in Khawzawl to SinzawI(Manipur) Road laih tlang a ni a, kum 1995-ah Black toping a ni a, hmasawnna rahbi pawimawh tak pakhat a ni. Veng mipuite rualawhna leh mamawhna te hria in Electric Department-in kum 1989-ah electric current pe lutin hemi kum veng hian P.H.E Department lam hmalak na in tui pek luh a ni bawk.

Veng chhung naupangten zirna lama hma an sawn theihna turin Pre-Primary kum l994ah din a ni a, hei hi veng chhung a zirna rahbi hmasa ber leh kailawn pawimawh tak a ni. Kum 1994-ah ICDS hnuaiah Anganwadi Centre No.XVlll a ding tan a, 6 February 1998-ah Education Department hnuaiah Primary School din tan a ni bawk. Tin, kum 2001 -ah 2nd I.R Battalion sawrkar hmalaknain din a ni a, veng leh khawtlang tan an thlamuanpui awm hle a ni.