Arro Village

A hmawr hawnna:

Arro khaw chanchin leh lal chanchin hi ziaka chhinchhiah leh vawn that hmuh tur a vang hle mai a, Arro VCP hmasa ber Pu Lalhnuna'n kum 90 a nih kuma a ziah hi kan hmuh theih awm chhun chu a ni mai. Arro khawhming put chhan hi chiang taka hriatna awm lo mah se, Hrangkhawl chi peng, Arro hnamte lo chen tawhna anih avanga Arro tih hming hi pu taa ngaih a ni.

Arro ram hi Mizo lal ropui Lalburha ram chhunga awm ania. Kum 1906-ah Lalburha phalnain Lungdup (Kelkang) leh Chhungte atangin, Pu Neihmuka, Pu Thatchhunga, Pu Saisela, Pu Chimhuma, Pu Vainanga, Pu Tesena, Pu Kamhmunga, Pu Thangchhuma leh Pu Zuzema te hoin Arro ram Hmunulh-ah khua an rawn sat a, heath hian chhungkaw sawmthum (30) vellai an Cheng zui ta a, hemi hnu hian Hmundamah an kai chho ta a ni,

Lalburha hian fapa pali a nei a, chungte chu: 

1. Lalhuta (Khawzawl leh Darngawn lal)
2. Rokima (Arro lal)
3. Thangchungnunga   lal)
4. Chawnbika (Vanchengpui lal) te an ni.

 Rokima rorelna hnuaiaArro khua:

Arro lal Rokima hi kum 1911 -ah Hmundam-ah lalna tlang a rawn chang niin a lang. A fa upa ber Lalkaii hi a lal hming chawia sak ni ngeiin a lang. Lalkaii hi kum 1966 khan kum 55 mi niin a thi a, chuta langa chhut chuan a lal tan kum hi, 1911 bawr vel ni ngei tura ngaih a ni. Rokima hi kum 1891 -a piang a nih avangina lal tan hian kum 20 mi chauh a la ni tihna a ni.

Pu Rokima Arro-a a lal lai hian Mizo lal hmasate ang an ni tawh lo a, Mizoram Chu British awpna hnuaiah a awm tawh a, Superintendent ram awptu ber niin, Mizoram chhunga lal zawng zawng Chu awpna hnuaia awm vek an ni bawk. Chutih laiin khawtlang inawpna leh enkawlna Chu lal kutah a awm lian hle thung a. Lal hian khawnbawl upate nen ro an rel thin a. Lal fing leh remhria chuan an khua leh tuite tan an ngaihtuahna zawng zawng an seng thin a ni. 

Hmundam-a a indan tan hian lal upa atan Thanghuta leh Piangliana te a rawn hruai nghal a. Hmundam atangin Khawhriamah kai chhoin, an kai kum tak erawh hriat a ni lo. Khawhriam atang hian kum 1920 velah Arro-ah an kai phei a, Arro atang hian kum 1928 velah Hmundam-ah an phei leh a. Hmundam atangin kum 1930 velah Khawhriamah an kai chho leh a, Khawhriam atang hian Arro-ah kum 1940 velah lal in va sak hmasak a ni a, Tuisen khuaa awm Pu Lawksena te chhung te, Pu Lalauva te chhung te, Pu Chengchhuana te chhungte an lo va kai hmasa a. Kum 1941 -ah Arro-ah hian a nawlpui Chu an kai phei ve ta a ni. Hemi kum hi Arro khaw hmuna mei mit Ioa an awm ngheh tanna a ni.

Arro Hmundam-a an awm lai hian mipuiin Tuichangah ngawi an dawh a. An ngawi dawh chu a rak (sangha a tla duh) hle mai a, Thaichhawninu sum li te, sum nga te a tla thin a, sangha a tla tam a, khawltangin sangha kan insem dur dur thin, sangha insem a zing malh malh hle. Khawtlanga ngawi dawh a nih chuan ngawi tla hi hmeithaite nen Iam insem tlan vek thin a ni. Arro awm hmasaka lehkha zirho kha zir zelna a awm tak loh avangin hmun dangah an zir chhunzawm nual a. Heng lehkha zirhote hi an Io haw khawm a, Pastor Kaplunga ho hian mipui an tihlim thin a ni. Pastor Saitawna hi a ke Io lâm a, an lamna hla Chu, “Anin sawipum a den leh keinin sawipum kan den chu a ke Io a,” tih hla sain a ke Io lâm thin. Arroa kan awm lai hian Missionary Sap Pu Mena chu Kristian an nih avangin a rawn tlawh a, Pathian thute pawh a rawn sawi bawk.

Kum -1918 vel hian Kawihthuang hmunah Tuisen Bangla awmpui, Pu Seleta ho an awm ve a. Pu Tlangbawihate, Pu Saizema te, Pu Kuala leh a fa te, Pu Thangkhuma te, Pu Dohnawka te, Pu Dangtea te hi hemi hmuna awm kan hriat theihte an ni. Hemi hun lai vel hian Pu Tlangbawiha nu Pi Chawngi tar tak, kum 80 dawn lai mi a ni tawh a, pawn chhuak thei hmel pawh pu tawh Io chu khawmu-in a chawi a nih rin a ni. Kangbur lui, Kawihthuang alang hian 4 kms vela hla, ram ngaw dur takin a khuh vekah ani ang chu kal ngaihna awmin an hre Io. Mipuiin an zawn beidawn thak hnuah chakai khawrhin Kangbur luiah an hmu a, lui tui chim chin leh chin lohah hian thiin an chhar a ni.

Kum 1926-ah lal Rokima'n Pu Chawnnghina leh a hote, Khawrua Burmaa awmte chu Mel Veng turin a ko thla a, Kawihthuangah hian awm ve-in, chuta tang chuan an pem darh leh a. Pu Chawnnghina nau, Vanhnuailinga chuan Zuchhip Khualthangnghina Zahau khua a pan a. Pu Chawnnghina leh a hote chu Arro ram Phunchawngzawlah an chhuk thlathung. Heta an awm hian an hrisel lo hlawm hle mai a, Arpa pawh khuang duh loin Pu Manliana fapa chu a boral ta hial a, an awmna hmun chu chhuahsanin Pawih hmun kawnah an kai chho a. Chumi hnuah Pu Rokima khua Arro ah hian lut lehin, lungual takin an awm za ta zel a ni. Hemi hma hian Pu Kaihrianga, Lalburha u Dothiauva fapa chu kum 1892-ah a-lo awm tawh bawk.

Arro awm -lai hian Zawlbuk te pawh engemaw chen an nei a, Mizo dan pangngaiin tlangvalte an riak khawm thin a. Zawlbuk chuan rawih lam panin, riaktur an tlem taktelh telh bawk avangin, zawlbuk chu sawprawp zelin a chhiate chu thawm that lohin a awm hlen ta a ni.

Arro lal ram huam chin chu Chalthei kawn atangin Tuisen dung, Tuichang chhuah thlengin, Tuichang dung zawh thla zelin Kangbur lui a zuk chhun a. Kangburlui chu zawhchho lehin Zabawnga lo kawn bul mual tlang chhip zawh thlain, Chalthei kawn a rawn pawh thla leh a ni.

Zirna lam:

Lal Rokima hi lal rilru tha tak leh rorel thiam tak mai a ni a, naupang ngaina mi tak a ni a, naupang lo pawh hian an ngaina em em thin. Naupang a fiam dan pawh naupang a man a, Lera pa vai man chhimbuk thei chho lim muningaldang tham, an ti a. Chutia a tiha a mante chu a tham fiam a, naupang an tah loh chuan lal huana thei chi hrang hrang awm kha naupangho chu lawh a phalsak a, naupangho chuan an hlimpui hle thin a ni. Lal Rokima hian zirna lam pawh a ngai pawimawh em em a, zirna in chu khaw hmasawnna bul niin a ngai pawh a ni ang, Arro khuaah hian kum 1921 -ah Primary School din a ni a, Mizoram chhung thingtlang khuaah chuan Zirna sikul dinna hmasa pawl tak pawh a ni awm e. Arro khuaa Primary School Head Teacher lo awm hmasa tawhte chu heng mite hi an ni:

1. Pu Hluanthanga (fam)
2. Pu Liantawna (fam)
3. Pu Haubawiha (fam)
4. PuLalsiama
5. Pu Tlanchhuaha (Pu Haubawiha fapa) ani hian khaw khawm thlengin Head Teacher hna hi a chelh a ni. Arro khua a huhoa India sawrkarin min man khawm a, Khawzawla awm luihtir kan nih atang khan he Primary School hi atawp zuita a ni.

Kohhran a ding:

Pu Rokima hi ringtu tha tak niin, tawngtai a ngaina a, a khua Arro-ah hian ringtute an zalenin Mizoram hmundanga lal thenkhatin ringtute an ngaih theihloh leh tiduhdah a, khua atang tea an hnawh chhuah hial laiin, Arro khua hi ringtute'n tlan khawm nan an lo hmang thin a ni. Arro-ah hian engtikah nge Kohhran a din tih hi hriat chian ni lo mahse, kum 19lo leh 1915 inkar chhung hi chu a ni tih hriat a ni thung. Kohhran upa hmasa berte chu

1. Khuangringvunga (Arro Khuanga)
2. Chimhuma
3. Neihmuka te an ni a, Kum 1915-ah kohhran upaah nemngheh an ni. Arro khaw per Hmunulh Mel Veng te chuan kum 1916-ah upa atan Thang!hiauva an thlang ve leh a, Hmunulhah hian Chapel lung an Phun avangin, Chapel kaiulte pawh a lo awm tawh a ni. (Pu Thangthiauva hi Upa Ranga, Darngawn kohhran dintu, Zuchhip venga awm ta pa a ni)

Arro khua atang hian Pathian rawngbawltu pawimawh tak takte an Io chhuak ve tawh a, chunga kan mi hmasate Chu:

1. Pastor Saitawna
2. Pastor Liandova
3. Pastor Kaplunga
4. Pastor C. Chalhanga, UPC
5. Major Thansiama, SalvationArmyte anni

Arro kohhran hi Pastor Kaplunga'n a awp thin a, a pension thlengin a awm ani. Hetih lai hian harhna a Io thleng a, an hlim hle mai. Mahse, mipa leh hmeichhia in lam pawlh an remti ngai Io a, a laiah mau tlawn an kham a, mipa lamna leh hmeichhe lamna tur an siam hrang thin. Heng hun laia Arro Pastor bial hi a zau tham hle a, Pastor-in a bial chhung fang chhuak tur chuan fa chhang khat rawihna tham a ni ve. Thlang lamah Thinglian, chhak lamah Champhai, chhim lamah Biate, hmar lamah Kawlkulh te a ni.

Salvation Army hi Khawhriam an awm laiin din a ni a, chunga hotu hmasate Chu: Pu Saizema leh Neihmuka te an ni, Kum 1950-ah UPC kohhran a Io ding ve leh a, an hotute chu Pastor C. Chalhanga te, Upa Aikima te leh Upa Tlangmura te an ni, Anni kohhran rawn ding hlim hian tawnghriatloh an uar hle a, Iam dan chi dang, pen thum Iam an rawn Ching chhuak bawk. Hlim takin an Iam rual dual dual a, chutia an pen thum rual thap thap lai chuan Pu Vanhlira chu pen khatin a Io pen chuang bik thin a ni awm e, a hmutute chuan an hlimpui viau thin niin an sawi.

Arro lal Pu Rokima hi pa taima tak leh thawh rimna ngaisang tak chi a ni a, a hun lai hian Arro khua pawh hi ei barah chuan an intodelh hle !hin a ni. Hnathawk nasa turin a khua leh tuite pawh a fuih Chin a, thatchhia leh zawmthaw a ngai thei lo a. Hnathawh hun laia dam loh vang ni loa thalai in awmte hi a zilhhau mai thin a ni.

Lal Rokima hian entlang (telescope) hi a nei a, favang chho lai vel hian lo thlir tlang atang hian Arro thlawhhma hi a thlir a, buh thliin a chhem thin a, an thle nghiau nghiau hi lawmawm ti tak hian a thlir thin. Chutia buh hnah inchhawk a thlir pah chuan fiamthuin, "Kha kha kha... an tlan liam dawn," a'n ti chul a, a khua leh tuite chuan an hlimpui hle thin a ni.

Arro lal hian fa pasarih, mipa pali leh hmeichhia pathum a nei a, chung a fate leh an pian kum nen hetiang hi a ni:

1. Lalkaii 1911
2. Lalliani 1916
3. Bialdiani 1921
4. Lalbuaia 1922
5. Lalngurliana 1926
6. Lalhlira 1928
7. Khawvelthanga 1936

te an ni. Kum 30 chhung ro a rel a, kum 1941 -ah Lalbuaia'n a thlak a. Kum 1971 khan kum 80 mi niinKhawzawI Arro vengah a boral ta a ni.

Arro lal Lalbuaia:

Lalbuaia hi Arro lal Rokima leh Khuanghnuni-te aiawha lal turin a ti a. Kum 1941 ah a lal tan a, a lal hian kum 19 chauh a la ni, Kum 1944-ah Pu Paubawnga fanu Lalhmingliani (Nupuii) nen innei in, fapa panga leh fanu pali a nei a, chungte chu:-

1. Hrangliani                                    2. Romawia

3. Thangngura                                 4. Lalkhuma (L)

5. Saipari                                         6. Rampuia

7. Lalhmingthanga (L)                     8. Thannguri (L)

9. Zoramnghingliani te anni

A pianphung leh mizia:

Pu Lalbuaia hi pa thlerh thlawrh, 5 feet leh8 inches vela sang, dar pharh deuh, Mizo paah chuan pa vantlang, vun rawngah pawh mi ngo leh hanga sawi tur nilo tawng tam lo lam a ni a. Ama tawkah chuan thahrui nei ve tak ni awmin sawi a ni. Zirna, thiamna a ngaisang a, taimak angai pawimawh a, intodelh te pawh hi a ngai hlu hle. Dikna duh mi a ni a, dan baka chetna reng reng a duh loin a do tlat thin. Mahni tanghma sial mi a nilo a, hruaitu a nihlai pawhin theih tawka khawtlang leh ram tana thawk mai thin mi, tlawmngaih kawnga khawtlang entawn tlak tling, a hmaa mawhphurhna hlen tura thawk rim thin mi a ni.

Khawtlang leh kohhran rawngbawlna:

Pu Lalbuaia hian a lal chhunga rorelpui turin lal khawnbawl/lal upa Thanghuta te, Rokunga te, Lianngama te a nei a, Thirdeng Tlangbawiha leh a hnuah Tlangliana te a nei bawk. Khaw chhiar atan zirtirtute hi a hmang mai thin. Ahnu lamah chuan Pastor Chalhanga chuan eng emaw chen khaw chhiar hna hi a thawk bawk. Lalbuaia rorelna hnuaiah hian buaina leh harsatna khua leh tuiah a awm ngai lo a, lungrual takin khawtlang tan an thawkho thin a ni. A rorel hun chhung hian Arro khua hi ei leh barah malsawmna an dawng nasa a, tam an nei ngai lo. Taimak an inzirtir a, thatchhia leh hnathawk peih lo in awm mai mai an hriat chu an dam leh dam lohte an zawt a, lal leh upate'n an dam a nih chuan an zilhhau thin a ni. Chu vang chuan thatchhia pawh Arro khuaah hian an awm ngai lo a ni.

Pu Lalbuaia hian a rorel lai kum 1952-ah Arro khuaah hian Middle English School an din a, lal chu School Board Chairmanhmasaber ani. Zirtirtu lo thawkt awh kan hriattheihte:

1. Pu Lianchhuma, Ruallung khaw chhuak.
2. Vengthawma
3. Chalkaia, Tualte, Head Master-all dah a nie
4. R. Lalzama, Arro
5. Hualsavunga, Tualte
6. Zahlira, Darngawn
7. R. Thangmawia, Chhinga Veng, Aizawl.
8. Mangthlahlova, Thingsul Tlangnuam

Kum 1954-ah chuan lal lalna chu tihtawp a lo ni ta a. Pu Lalbuaia hi VC inthlan tum thumnaah khan ElTU Candidate niin Village Council Member atan thlan a ni a. Khawtlang tana ngaihtuahna seng thin, rorelna kawnga Chung en a ni bawk a, VCP chanvo chelhin, zo takin he mawhphurhna hi a hlen chhuak a ni. A nupui fanaute pawh hian a thu an awihin an zah thiam hle a, a nupui fanaute hi a hmangaih hle bawk. Hun a lo kal zel a, Zoram tana zalenna sual a lo nih takah khan, kum 1967-ah Pu Lalbuaia leh a fapa Romawia te chu sipaiin an man a, phai lamah Karimganj -ah te, Dibrugarh leh Goalpara jail-ahte tangin kum 3 dawn lai an tan hnuah kum 1969 leh 1970-ah an lo chhuak ve leh ta a. Tan in atanga a rawn chhuah leh pawh hian, a fa tlum Zoramnghingliani chuan eng emaw chen a ko ngam lo nghe nghe a ni.

Pu Lalbuaia hi a tang lo chhuah hnuah pawh ram leh khawtlang rawngbawlna lamah tha a thawh ve zel a, Merger Congress hun lai a ni a, Khawzawl-ah khan Congress party dintute zinga tel vein unit leh group hruaitu a ni chho thuai nghe nghe. Khawtlang mamawh hmunpui lama thlen tur pawhin hmatheh leh tha thawh berah a tang thin. Khawtlang leh pawlah theih tawpin a inhmang a, thahnemngai takin athawk thin bawk. Kohhran lamah chuan UPC kohhrana awmin, a khaipa leh bul tumtu zinga mi niin, kohhran upa a ninghe nghe bawk.

A hun hnuhnung lam:

Kum 1972 vel a!ang khan thawhah nama neiin Chak vak lo chungin kohhran leh khawtlangah hian rawng a bawl rei khawp mai a. Kum 1981 , August thlaah khawsikin a bei na hle mai a, kar khat vel a dam loh hnuin ni 22 August, 1981-ah Khawzawl Arrö Vengah, kum 59 mi niin a boral ta a ni. Rokima fa dangte:

Rokima fanu pahnihna Lalliani hi Khawhriama an awm laia thi a ni a, Khawhriam khaw hmunah hian a thlan pawh hmuh theihin a la awrn, A fanu pathumna Biakliani hi kum 1945-ah a thi a, heta tang hian lal thlan ro siam ani a, Biakliani hi phum hmasak ber a ni. Lal thlan roah hian kum 1988-athi, Lalngurliana chu phum hnuhnun ber a ni thung.

Lalngurliana hi tlangval hmeltha veh vawh tak mai a ni a, vun ngo lam, sa inphut mawi tawk tak a ni, Ahun lai hian Mizoram hmun hrang hrang leh vai ram te pawh dai pawp zung zung mai mi, mi harhvang tha leh inzo takmai a ni. Tum khat pawh Arro ah hian kar an kam a, kar chuan sakei a kap hliam ta a, val upate'n zan lama chhui zui an remti lo a. Atuk zingah chuan val upa leh pasal!hate chuan an chhui ta a. Kawrte rum, hnahthial hmun chhehrawp-ah a mei chauh a lang a. Lal fapa Lalngurliana chuan, "Tlumpuiin a mei a thlauh e," a ti a, a meiah chuan a phih tho lawp a, sakei pawhin a lo bei ngam lo a ni ang, a huk dum dum a. Lalngurliana chuan sakei zângah chuan a sahsak a, a zâng ti thlur hnih chu a sah chahsak a, sakei chu a che thei ta lo a. Silaiin an rawn kap a, an tihlum ta a ni. Sakei an han en chian chuan kar chuan a kawng ruh a lo kap chhia a lo ni a, Sakei ruang chu hlangin an zaw^rn haw ta a.

Arro-ah hian sakei a tam a, bawng te a seh thin bakah mihring tan pawh a hlauhawm avangin sakei hi hual lehkar kah nen chuan panga lai mai Arro khua hian an that. Tum khatpawh sakei hliam chu kawr thuk takah hian a lo bawk a, Pu Zathata chuan amah seh tuma a lo ang chu, silai kawm a zuk thun thawih mai a, a lu chu a khawih ta a. Lalngurliana chuan a meiah man zuiin, mi dmgte pawhin an khawih zui a, an kap hlum ta a ni. Hei pawh hi a pumin an zawn haw a, a nung lai ding angin an dintir a, mipuiin an en luai luai mai a ni awm e.

YMA leh pawl dangte:

Kum 1947 khan Chalrang khua Pu Runa a lo kal a, "Indote a tawp ta bawk a, ram dinhmun siam a ngai a, YMA te Pawh din ve tur a ni," a rawn ti a. YMA te chu din ani ve ta a, President hmasa ber chu Pu Pachhunga leh Secretary atan Pu Haubawiha (Zirtirtu)-te thlan an ni. Anni bak hruaitu dangte hi chu kan hre thei ta rih lo.

Kum 1947 vek hian Arro khuaah politics lo lut vein, Mizo Union Party din a ni a. Mizo Union President hmasa ber atan Pu Aikima, Vice President atan Pu Lalhnuna, Secretary-ah Pu Pachhunga, Asst, Secretary-ah Pu Biakthanga, Treasurer-ah Pu Saikhuma-te thlan an nis Hemi kum vek hian Signal pawl (signal corp) pawh a ding bawk a, hotu hmasate chu Pu Chalhlira te, Pu Engzama te leh Pu Runlinga te an ni.

Zalen party hi a din kum tak sawi theih a ni lo na a, Union din hnu rei vak loa din a ni tih erawh rual u zawkte sawi atangin a hriat theih. Zalen pawl hruaitu kan hriat theih chhun chu Pu Tlangliana a ni a, a fapa hming pawh Dengrikhumkhumzalenthanga a sa nghe nghe. Amah hi thirdeng ani bawk. Pu Tlangliana thawhpui hruaitu dangte hi kan hre chhuak zo rih lo. Hun a lo kal zel a, kum 1958 a lo inher chhuak a, Arro khuaah chuan political party dang EITU (Eastern IndiaTribal Union) a lo ding ve leh a, heta an hruaitu kan hriat theih chu Pu Tlangliana tho hi a ni.

Kum 1960 velah Arro khuaah Games & Sports Association a ding ve leh a. Arro tuikhur bul zawl chu field atan sam fai a ni a. Kum 1965 hian Chawngtlai khuaah Belpui cup chuhnaah an tel ve a, Khaw chheh vel: Tualte te, Zuchhip te, Khawzawl-te leh Chawngtlai te atangin team an chhuak hlawm a, team hrang hrang 38 lai an tel. Chung zingah chuan Arro tlangvalte chu a thiam ber niin belpui khap kua chu Arro-ah an hawn ta ruau mai a, khawtlangin an lawmpui nasa hle a ni.

Kum 1962, April ni 20-ah Mizo National Front party a lo ding thar ve leh a, an Imlaitute Chu: 

President                                    Chawngzama

Vice President                                     Pu Zamvela

Secretary                                           Pu Runlinga

Asst. Secretary                                 Lalrawnliana

Treasurer                                           Pu Lalbuanga te an ni a. 

Kum 1963 November-ah Volunteer din a ni a, Commander atan Lalrawnliana, Pu Lalhnuna fapa thlan a ni a, a thachhang dawltu atan R. Kawlthuama leh Lalbuanga-te ruat an ni.

Village Council:

Kum 1954 August ni 16-ah Village Council inthlan hmasa ber neih a ni a, Mizo Union chakin, heng hi chanvo an chelh dan a ni:

Heng thlan tlinte hi Returning Officer Pu Chalkaia, Headmaster M.E. School leh Captain Sawichhunga, Salvation Army Officer te'n chanvo an insiam rempui a ni.

Kum 1957-ah Village Council inthlan turn hnihna a lo awm leh a, E.I.T.U. party-in hnehna changin, heta thlan tlinte hian hetiang hian chanvo an insiam rem:

President     Pu Tlangliana

Vice President        Pu Tlanglura

Secretary     Pu Rohnuna

Member-te   1) Pu Chawrhnawka

2) PuDaiuka

Hemi turna VC thlante hi an hun hmang zo loa thiah a ni a, inthlan that buatsaih niin, E.I.T.U. party vekin hnehna chang lehin, hetiang hianVC body an Siam:

2) Pu Kawngsayvpa (Pachhunga)

3) Pu Haukhuma (Mizo UniOn)

Kum 1964-a Village Council inthlanah Mizo Union Chak ve leh thungin, hemi tuma thlan tlinte leh an chanvo chu hetiang hi a ni:

2) Pu Haukhuma

Hemi tuma VC atana thlan tlinte hi kum 1966-a Mizoramin zalenna suala ram pum a buai tak mai piah lamah, President leh mi thenkhat Champhai lamah an pem zui a. Chu mai bakah mi thenkhat, man tawka Zoram tana Jail run thim hial an luh tak hlawm avangin, an aiawh turin heng mite hi khawtlang enkawl turin ruat chhuah an ni:

Kum 1968 a lo inher chhuak a, Arro leh a chheh vel khua eng emaw zat Chu, an duh thlanna tel hauh loa Khawzawla khawm vek an ni a. A huhoa khawm luihnaah hian Dargawn zat ve khawm luh hmasak ber niin, November ni 19-ah hruai luh an ni. Darngawn khawm bang leh Zaingen khaw chanve Chu a tukah khawm luh leh an ni a. Ni 21 -ah Zaingen khaw zatve leh Arro khaw zatve Chu khawm luh an ni ve leh a, November ni 224ah chuan Arro khua Chu eng emaw ti chhung atan hmun rauhsan, khawram chang mai turin chhuahsan a lo ni ta a ni.

Duh thlang thei ni sela, Arro khuaa mei a mih kha tuman an phal kher lo ang. Mahse, mihring duh thlannain awmzia anei lo a, duh dan sawi theiin tu mah siam an ni lo. Sappui mi ngo hmaah pawh zam lo, huaisen tak leh mipa taka lo do ngam, lal huaisen Lalburha hoa an lo sah chhuah Arro chhuahsan tura nunau han inphur liam nguah nguahmai chuan a hun laia suangtuahnaa zuk chen ngawt pawh lungchhiatthlak a tling. Sutpui phawi meuha patling han in-ar kawh chhuah mawp mai Chu a runthlak tak meuh. Ramin dinhmun tha zawk a beiseina thinlung avanga mipuiin kan tawrhna Chu, ram daia hun hmangte chan hrehawmna nen khaikhin rual ni lo mah se, sawi nep chi rual a ni lo, a lungchhiatthlak satliah lo a, rapthlak a tling tak meuh.

Arro khua vul zel rawh se.

ZORAMIN ZALENNA A SUAL HMA LEH A HNU LAMA ARRO KHAW CHANCHIN THENKHATTE

Hrangnawna Khawlhring Khawzawl, Dinthar Veng

Arro khua hi khaw upa ve tak, khaw changkang hmasa pawl leh Kristian lo dinna hmasa niin, YMA pawh din hmasakna pawl tak a ni. Sakhuana lamah pawh Kristian dinna hmasa lam a nih vangin Pastor-ah Vanchhunga, Saitawna leh Kaplunga-te bakah, zirna sikul lamah zirtirtu Pu Liandova (R. Tlanghmingthanga, Ex Minister pa) leh mi dangte an lo awm tawh bawk. Ram ni tla sêng loa roreltu British (UK) sorkar pawhin a tihtlawm zawh loh, Lalburha Sailo-ho hian Phunchawngzawl-ah te,Uitiamah te lo awm tawhin, Lalburha'n a fapa Rokima tlang chang tura a tih hnuah Khawhriamah awmin chuta tangin Hmunzauah awm lehin Arro-ah an kai ta nia sawi a ni. Arro-a an kai hun chiah hi kan chhui tum lam a ni lo bawk a, heti chinah hian Arro kai thu hi chu duh tawk mai ila.

Kristian hmasate leh an hun tawng: Arro Kristian hmasate hian neksawrna leh endawngnate an tuar nasa a, inkhawm bangte chu kawn zawlah te lo dangin tlangval zu ruite chuan an lo tibuai fo Chin ni tur a ni. Heti lai vel hian Puma zai nena inkawp, tlanglam zai, zaipui rem deuh mai an uar lai takte a lo ni bawk nen, inkhawm bangte chu lo lam khumin an tibuai reng reng bawk thin a ni avvm e.

Pastor awm hmasa ber, Pastor Kaplunga'n Arro a chhuahsan hnuin Pastor Sena a Io awm leh a (Pastor Sena hi Pu Thanseia, Headmaster G. M. High School, Champhaia mi pa a ni. Pastor Sena chuan Kawlkulh atangin khaw chheh vel zawng zawng chu a bial ve leh ta a, chu chu tlangval zu in ho chuan tlanglam hla in:-

Pastor Sencher, i bial fang rawh, 

I beram no number bi a kim ta si Io; 

Awn rawl kan hria e, Tlangrawn.

tiin an phuah el khum vel a. Kristian nu leh paten an fanute inkhawm turin anti a, chu chu tlangval an bialpate khan inkhawm phal loin an Io hruai hrang thin a, hla bawkin an phuah el khum a: -

Kristian nula a kal sual e,

Mission Biak In thingte chhawl li liai hnuaiah; 

A chawnban kan vuan a nuar Io e.

Ringtu hmasate hian beihna an tawk ve hle tih chu a hriat a, dodalna nasa tak an tuar chung hian Rokima Arro Lal chuan kristianho thlavang hi a hauh tlat ve thung a, "A zin kualna apiangah chuan kristian 'leh kristian Io pawh engmah en hranna a awm Io tih hi a sawi uar hle thin," an ti a. Chu chu hriain kristian apiangte chu Arro khuaah hian an pem thin a, chung kristian pem lut zingah chuan Colonel Lalrawnliana, Ex. MNA pute pawh hi Zataia, Khawhai lal hian lo haw lai thlipui leh ruahpui van awn sur lai hian khua atangin a hnawt chhuak a, Rokima Arro lal khua chil an pan ta a, ani chuan huatna tel hauh loin a khua a rawn pem lutte chu lawm em ema Io pawmin, in hmunte a Io pe vat thin a ni,

Harsatna hnuaia kun, mangangte tana belh ngam lal khua a nih vang Pawh a ni ang, Arro khua chuan nasa taka hmasawnin, a than Pawh a lo Chang Chak ta viau mai a. Chu hmasawnna chu hriain, Aizawl lam Kohhrån hruaitute pawhin Pastor thut hmunah Pawh an ruat ta reng a ni. 

Zaipawl leh Missionary:

Mizoram pum Kristiannain a lo fan takah chuan Mizoram pum pui Zaipawl intihsiakna buatsaih a ni a, chuta an intihsiakna hla Chu Haleluiah Chorus hi a ni awm e. Hemi tuma Arro khua atanga intihsiaknaa telte chu:-

1. Pu Khiangbawia, Solfa vai leh bass a kawp
2. Pi Lalringaii (Reve Darchhawna UPC, NEI nu), Soprano
3. Pu Lalzuala (RKA (L) pa), Tenor
4. Pi Lalbeli (Rev. Sangmuana pi), Contralto

^“Anni pali hian Mizoram punpuiah pakhatna an la a ni," an ti.

Kan sawi hmaih hauMoh tur chu Presbyterian Kohhran atanga Chanchin tha hrila Arro khua atanga Missionary chhuak hmasa ber Pu R. Lalchhanhima, S/o Saptawna (Vala) chanchin hi a ni. Ani hi Indian Army AMC-ah tangin, a sipai tanna hmunah hian vai rama Dumka (Bihar, Santal) kan tih mai hote chu an rethei em em si a, leia rethei bawk si, an Thlarau chhandam Ioh tur a hmuhin Isua Krista chanchin tha hrilh chu a bat a ni tih a rilruah a reh thei ta lo a. Indian Army atanga a chawlh hnuah, a thupui ber a nih si avangin a sawi bang thei ta lo a, chutah Pathian remruatna a lo thleng ta; Missionary-a a kal theihna tur hian pawisaa lo tanpuitu: Pi Mawii, Chaltlanga mi a tawng hlauh mai a, ani hian a chawm hmasa ber a ni. Jharkhan (Bihar)-ah hian school dinin, a school dinah hian Primary leh Middle School a awm tawh a ni. Pu R Lalchhanhima hi a thih pawhin, a hun laia Synod Moderator-in a vui ngat a. Chu bakah chuan, a vuina hunah Synod puipa, Department tina hotute theuhin thu an vek bawk.

Y.M.A :

Hun hmasa lamah Kristianna leh YMA hi in bahra ngul zema thang dun, Kristian Thalai Pawl pakhat ang hiala ngaih niin, zu in mi phei chu hruaitu O.B.-ah an duh lo a, chu chu tun thleng hian kan la chhawm ta zel a ni. Kohhran a din hmasakna apiangah hian YMA pawh hi din hmasak a ni deuh zel a. Chu vang Pawh chu a ni ang, Arro khuaah pawh hian khaw chheh vel ai hian YMA hi a lo ding hmasa a. Arroa lo zinte hian pawl lo ding thar chu an hmuhin an khuaah an din ve ta zel a. Zuchhip khuaah hian Arro atanga Zuchhip khuaa va pem Rothuama din a ni a.-Arro-ah kum eng emawzah a din hnua a va din a ni. Chutiang zelin khaw chheh velah hian an dinzel ani.

Rokima Arro lalin kristiante zalenna a lo pek zel vangin Chanchin Tha hriltute hian an tlawh zingin an pal ngun em em mai a. Chu mite sawi atang chuan Arro khaw thil tih thenkhat chu a lo darh zau ta thina ni. Arro Khuanga tia hriat lar, ringtu hmasa, a hming chu Khuangrivunga a ni awm e. Mahse,chanchin tha a hrilhna apiangah Arro Khuanga tiin an sawi thin. Lailak khuaa a pem hnu pawhin Arro Khuanga, Lailak an la ti zel a ni.

Arro khuaa zirtirtu hmasa ber chu Pu Hluanthanga a ni a, kum 1921-ah Manipur atangin Arro khuaah a lo kal a, a fapa chu Upa Remsiama, Zirtirtu kha a ni. Chumi fapa leh chu Upa VL Para, Zuchhip veng hi a ni a, Upa Remsiama hi Arro khuaa piang a ni bawk.

Zirna lam pawhin kristianna hi a zui zel a, kan hriat theib cliinah chuan zirtirtu hmasa bcr chu Pu Hluanthanga a ni a (Zirtirtu Pu Remsiama pa a ni ). Pu Liandova pastor a nih hma hian a lo thawk tawh bawk. Heng zawng zawng hi kan Pathian hian amah ringtute a ensan lohzia tichiangtu a ni a. Sapho laka tlawm ve duh lo, Lalburha Sailo fapa Rokima Pathian tihna rah kan seng chho zel a ni ngei bawk ang.

Lalburha chanchin thenkhat leh a fapa Rokima chanchin: 

Lalburha hi Sapho pawh engah mah ngai lo lai huaisen a ni a, Pu Lalnunchanga'n a sawi ang deuhin. Arro ram Phunchawngzawl a tih hi, a ri chiah Uitiam ramah hian Lalburha hmun tlang chen nuam tak hi a awm a, hetah hian a tawm ru tlat a, sapho nen an inbiak laia a tawm rukna a nih vangin sa ui tanna hmun, Uitiamtih ni ta awmin an sawi nghe nghe. Sap lal nena zu an in dunnaah pawh an han ruih deuh hnuah phei chuan, "Sap pa kha, Sapa, ka vaibel hi han la kai teh," te a ti ni tur a ni, sap lal pawh chuan a la kai ve mai a ni awm e. Heta Lalburha'n vaibel la kaia a tirh Sap lal hi A.W Davis a ni a, Remna sa ui a tanpui a ni.

Lalburha hian fapa: Lalhuta, Darngawn lalte, Thangchungnunga, Chhawrtui lal te, Rokima, Arro lal te leh Chawnbika, Vancheng lal te a nei a. 'Rorelna tura a fate a koh khawm chang hian Rokima, Arro lal a tel hma chuan rorel hi a tan duh ngai lo,' an ti thin. 'Rokima a thlen hmasak tum chuan mi dang an la kim chiah loh pawhin rorel chu tan tawh mai ang, an rawn thleng ve mai ang, ' ati mai zel, " an ti bawk. Pa ber Lalburha hian Rokima, Arro lal hi chu fing a ti tlatin mi chhia leh hausa a thliar hrang ngai lo a, chu vang a ni ang Kristianho pawhin tlan khawm nan an hmanna chhan hi... Mihringpui chunga thatna lantir hi lei malsawm dawnna hnar pakhat a tling a, chu chu Arro hian a taka tawngin, buh leh balah pawh Pathian malsawmna kan dawng reng a ni.

Lalburha hi a 'lo pian chhuaha naute entu apiang hian, 'In naute chu a va lal hmel ber bur ve, ' an tih zel avangin a hmingah pawh sa nghal mai ang, " an ti a, " 'Lalbüra an ti a, ' an lamnaah chuan Lalburha tiin an lam ta mai a ni, " tiin upa hoin an sawi thin. 

Khawzawla khawm luh hnu:

Kan sawl tak ang khan Arro khua hmun nghakho Chu 1968 November ni 20-ah Arro khaw zatve vel Chu Khawzawlah min khawm chho ta a, a zatve dang Chu

December ni 1-ah kan chho ve leh ta a ni. Khawzawla Darngawn khua an khawm luh hmasak zawk ni Chu 28 November-ah a ni a, Darngawn khua leh Zaingen khua te pawh a chanve a chanvein an khawm lut bawk a, a chhan Chu sipai hruaitu tur an indaih loh vang a ni a. Khaw dang erawh Chu an tam lem loh avangin a rualin an khawm lut thung.

Jail tang Ieh volunteer an tam avangin hmeithai kan ngah hle a, paho leh tlangval awm chhun chuan mahni in châk pawh la hman loin hmeithai in châk lâk hmasak a tul si a, mipa awm chhun tan chuan ngaihtuah a tamin a hahthlak viau a ni. Hmeithai in sakna tur an lo thiar chhungin mahni ta tur chu kan la ve chauh a ni.

Arro khua hi zo tlang sang, boruak nuam tak, khaw rizap, ramngaw chawi vel kan nih avangin a boruak a vawt nuam hle a. Khawzawl lah Chu phai kuam khaw lum a lo ni thung si. Boruak inthlak Chu kan ngeih lo hlawm hle mai a. Khawm luh-ah hian Upa kum 70 Chung lam ngah ber kan ni a, mahse, Khawzawl boruak kan ngeih loh avangin thi pawh kan tam hle.

Khawzawla khawm luh hnua VCP hmasa ber chu Vanthuama, Darngawn a ni a, a dawtah chuan Lalrithanga VCP a ni leh. Khawzawla khawm luh kan nih hian VC-te Jail-ah tangin Champhaiahte pem chho an awm bawk a VC tura thlan theih a nih bawk si loh avangin, sorkar thu ni loin khaw chhung thuin ruat a ni ta a. President atan Khawnghina, Secretary-ah K. Runlinga, Rohnuna (Chawra) tlangau. Hengho kaihhruaina hian Khawzawla khawm luh kan ni ta a ni.

Khawzawla VC-te chu Lalrithanga, VCP, Kapzama vcp, Satinchhuma VCM, Laithuama VCM, Khawmpuia VCM te an ni. Khawzawl Dinthar venga Arro khaw chhuak VC hmasa ber chu K. Hrangnawna S/o Lalduma VCM he thu ziaktu hia ni,

Infiamna lam:

Khawzawla Football Competition hmasa ber chu kum 1967 khan Pu Liankapa'n a nau Capt. Lalsipaia (L), Captain Ranjit Singh Punjabi pain Presbyterian Biak In tuala a kah hlum hriat reng nan, Lalsipaia Memmorial tiin belpui a chhuah a, tuna Mualvawm field-ah khian football tournament chu khelh a ni. Favang lai, September thlaah a buatsaih a. Pu Liankapa-ho chuan Arro veng pawh chu kan chhuak a, kan team kawr pawh amahin lei vek nghe nghe bawk. Kawr leh kekawr chu a dum niin, kawr ban bul tlang chu a var a, a ipte chungah a varin 1 inch a hlaiin kan bel a, kekawr hnung ipte a varin kan bel bawk a, chu chu Arro veng jersey chu a ni. Hemi tum hian pakhatna lawmman Arro ta a ni tihna a nih Chu.

Hei bakah hian Khawzawla khaw khawm luh zingah hian infiamna chi hi veng dang neih loh Arro khuain kan ken luhte:- Volleyball leh a net, Badminton racket leh Carom-board-te hi a ni a. Khaw dang chuan a tih dan leh a khelh dan pawh an hre mumal meuh lo. Assam Rifle leh CPR vai sipai nen kan inkhel thin a ni.

Khawzawl khawm zinga mi bikte:

Heng mi hmingtha chanchin hrang hrang kan zíah tak ho: Col. Lalrawnliana, Sgt Satinkhara, Col. R. Dengthuama, Lalnghaka, Lalchawiliana te, sakhuana lamah Pastor Kaplunga, Pastor Liandova, Pastor Saitawna, Major R. Thansiama, Pastor Chalhanga leh mi dangte bakah hian Arro tlangval, SI Zoramthara Khawlhring leh Lalinsanga chanchin hi a tlangpui han zeh tel ve leh hram ka duh a.

Zoramthara Khawlhring hi 1^st March 1975-ah Khawzawl Arro vengah a lo piang a, MA (Pol. Sc» Guwahati-a a zir zawh hnuah kum 2008-ah ASI leh SI ah inziak tling ve vein, kum 2008 October ni khatah SI chu zawmin NEPA Shillong-ah training-in thla sawm pathum a awm. India hmar chhak pum pui training-na hmun a ni a, Mizoram atangin MPS 13 leh SI 84 an 'kal ve a, vaihoin mizo nulate an auh nawmnah thin avangin Mizo nulate thlavang hauh tur pawha nulahoin an pun  ber a ni a, vaiho mu laite kaithoa beng ngam a nih fo avangin hremna pawh a tawrh phah zeuh zeuh thu hmeichhehote hian an sawi a ni. Sakawrdai OC a nih lai hian MLA pathum hruaia Zokhawthiang khua pana an kal laiin HPCD, Hmar helhoin an Io Iambunnaah a naute pahnih nen kah hlum an ni a, Zokhawthiang (Kani) an tih țhin dai bul lawka Tuivai kamah Zoram tan a nunna a hlan ta a ni. A thihna avang hian Mizoram mipui, amah lainattu tam takte thin a rimin Hmar helho chu thah vek emaw, tihtlawm emaw chu mipui tam tak duh dan a ni hial a, Zoramthara Khawlhring leh a naute pahnih vui dan tur leh a hmuah dan turte chu C.YMA-in an rel a. Sakawrdai leh Aizawl inkar khua zawng zawngin YMA huaihawtin an hmuah hnuah, Aizawl leh Khawzawl inkar khua YMA leh VC-te huaihawtin an Io hmuak vek bawk a. Hetiang taka mitthi ruang hmuah leh hnam pum puiin a sun hi Pu Laldenga leh ani chiah hi an la ni mai thei e. 

A danglam lehna chu SI Zoramthara Khawlhring leh a naute thihna avang hian Mizoram sorkar hnathawka an duty laia thite reng reng chu Cheng Nuai sawmin sorkarin a ral tawh dawn a, a hma chuan nuai thum chauh a ni. Hei hi Arro khaw chhuak SI Zoramthara Khawlhring leh a țhiante thihna vang a ni ngei ang. Hei mai bakah hian, Mizoram Police-te an duty laia kah hlum emaw sah hlum or vih hlum, ral kuta an thih chuan Cheng nuai sawm pangain an ral zel tawh dawn bawk, Hei tak hi sorkar order-ah khan kum 2012 daih tawhah a Io awm reng a, sorkar khan hmang duh loin nuai thum chauh a Io pe țhin. Chu chu duh loin SI Zoramthara pa, K, Hrangnawna Chuan High Court-ah Sorkar Chu a hneh tak avangin kum 2018 atang chuan Police, ral kuta thite reng reng chuan ralna cheng nuai sawm panga an la zel tawh dawn a ni. Hei pawh hi Arro khaw tlangval vang bawk a ni a. Heng ram tana thawktute hamthatna, ruahmanna awm sa reng, an lo dawn ngai si loh, Mizoram Police Officers Association (MPSOA) lehkhabuah leh High Court thu remnaah pawh ziah Ian a nihna chhan hi Arro tlangval vang zel a ni. Khawzawl luh hnuah hian Police SI inziak tling awm chhun a ni bawk. Ani hmaah hian Zosanga S/o Valkunga te fapa hi Sl-ah a awm tawh naa exam loa interview-a lak a ni.

Khawzawl khawm luh zingah hian kan sawi hmaih hauh loh tur chu Honorary Captain, Lalinsanga hi a ni. Ani hi Assam Regiment-a tangin, sipai lumuma tanin, sipaia a thlen theih tawp a thleng a, ani hi Khawzawl khawm luh zinga sipai lama kan chhuanvawr a ni. Anni bakah hian Medical Doctor Ayush bikah K. Lalrammawia S/o K. Tlanglawma hi a hmasa ber bawk. R. Lalhmingmawii MD Pathology D/o R. Laltanpuia (L) a pa Tlanglura (L).

Vanlaltanpuii MSce Zoology MZU 4^th position D/o Thangrumi a pa Tinsanga te pawh hi lam hmaih atan uiawm tak an ni ngei ang.

Thu tlahlang:

Arro khua hi kristian hmasa niin Upa Rangkhuma pa Thangthiauva Khawlhring hi Upa a ni a, kum eng emaw zah a nih hnuah Champhai Kahrawtah a pem a, chutah pawh chuan Upa ah an thlang nawn leh a ni. Champhai atang hian Khawzawl Darngawn vengah pem thla lehin Kohhran a zu din leh a, Upa hmasa ber a ni leh bawk. Mizorama Nau hnuchham chawm hmasak ber chu Rev Thanthuama, Salvation Army ten an chawm a ni.

Arro khuain Mizoram buai vanga Arro kan chhuahsan hnua Arro khua luah leh hmasatute Pu Ngunkhuaia Khawlhring leh Pu Tawkthanga Hringngen te an ni a, anni pahnih hian kum 1972 March thlaah chuan-

“Khua liai luai kan lenna khua -liai luai„Dar ngo lenna hmun hlui kan thian leh dawn e,

Ka ngai em tlang thiau a kan lenna,” tiin Arro khua chu lung si tak leh phur takin an luah leh ta a ni. Khaw khawm hnuah chuan Arro khua hi Motor -luthmasa berah kan tang leh a. Motor lut hmasa ber hi Khawzawl BDOS Pu Laltharmawia, MCS Motor (Gypsy) a ni.