Aiduzawl khua hi Mizoram thingtlang khuaah chuan khaw hlun leh lar hmasa pawl a ni a, SaiIo lalthuthmun ani Pemkhawm khua annih loh avangin khaw inlungrual tak annia, Mizo nih tinuam tu tlawmngaihna meichher pawh vawiin thlengin tha taka chhawm nung tu- khua an la ni.
A hming put chhan: Tun hmain, tuna Lalveng hmun rem zawlah te, Damveng ah te leh hall hmun zawlah te hian Aidu atam em em thin a, a awm khat deuh vek thin ani. chung Aidu awmna zawl avang chuan Aiduzawl khua tih ani.
A awmna hmun: Aiduzawl khua hi Mizoram hmarchhak Khawzawl District a awm ania, Mizoram khawpui ber Aizawl atangin Km 197 a hla ani, Aiduzawl khaw thenawm te chu, Chhak lam ah Rabung, Chhim lamah Vankal, Thlanglam ah Pawlrang leh Hliappui, Hmar lamah Ngopa leh Lamzawl te ani. AiduzawI khaw awmna tak hi N 2342.005 Latitude leh E90.836Longitude ani.
A ramchhung: Aiduzawl hi Rabung khua atanga Village Council indang an nia, Rabung ram sahthlak then a nih avangin a ram chhung a zau lutuklo. Khawchhak lam chhimlam, leh hmar lamah Rabung ram nen a inri a, khaw thlang lamah Hliappui ram nen a inri thung. A RAM ZAU ZAWNG HI 909 Hectre vel ani.
Aiduzawl ram chhungah ram/mual hming nei hrang hrang te chu, Tlangsam, Chhim thal, chungu dil, Lo darkhuang Dailuah, Zohmun, Lotang leh lulam te ani.
Aiduzawl ram chhunga Iui awm hming te Chu, Tuimarul, Zotui, Phalte, Darikhuai lui te a awm.
Aiduzawl ram chhunga hmun hming nei chi hrang hrang a awm a, a then te chu a larin Mizoram History a chuang pha chin te pawh a awm a, thenkhat te erawh chu Tualchhung mite chauhin kan hriatte pawh a awm bawk. Chung thil hmun hming hrang hrang te chu, Meiteizo, Huai leh huai insahna, Seki lian, Pukpui, Mualkawi puk, Hlai putar, Rihnim, Sathak kawn, Tlangtiririai, Tlangfai, Tuisavawm, Khankawn, Vai camp tlang, ChangaIokawn, Ar lei, Chungu dil, Lung in chhuang te ani.
A khawchhung : Aiduzawl khua hi tlang pang hmun rem laia awm ania ,tlak deng a nih avangin zing ni chhuak a hmu meuh lova, tlai lamah erawh chuan ni tlak thlengin a hmu thung. Khaw dung sei zawng hi 1 Km vel ania, chhim leh hmar zawngin 1 KM vel ani thung.In dinglai hi 70 a awm.
A mi Cheng te: Aiduzawl hi Mizo hlang awmna khua ania, mizo nun ze mawi tak tlawmngaihna leh aia upa zahnate anla nunpui tha em em ani. Tunah hian mihring 326 veI an awm a, Chung zingah chuan kum tling Electoral roll a hming chuang 200 vel an awm. A mi Cheng te zawng zawng deuh thaw hi thingtlang lo neia eizawng anni.
Aiduzawl khuaah hian zirna in UPS leh Primary School, Anganwady te a awm a, kohhran hi upc (Mz) leh UPC (NEI ) PRESBYTERIAN te an awm, NGO hi YMA, MHIP, MUP, GSA te tha tak a kalpui ani.
Khawtlang inrelbawlna lam ah V/c member pathum awm in Secretary te nen rorel na neih thin ani.
A mihring chengte hi an hrisel tha a, eizawnna lam ah Buh hmun neih leh sawhthing hmun neih te a eizawng anni, Mimal in nilo Building awm te chu, Community hall, BNRGSK Building, MUP building, MHIP Rûn, Upa pawl Rûn, V/o House( no complition), NGO Comt Room, Biakin pathum te ani.
