Dated Khawzawl the 27th April, 2023 : Vawiin, (April ni 27, 2023) khan Khawzawl District Bawrhsap Pu K.Lalrohlua chuan kum 2023-a YMA Inkhawmpui Lian thlengtu tur Biate khua tlawhin Pandal sakna tur hmun Biate Playground leh Biate Park te a tlawh.

    District Bawrhsap Pu K.Lalrohlua hi Organising Committee ten an lo dawngsawng a, YMA Inkhawmpui lian atana Pandal sakna tur Biate playground panna kawng DC Khawzawl a\anga an sum hmuh hmanga an siamte en fiah a ni a, Pandal sakna tur hmun bakah hian Biate playground chhaka Biate YMA Park te an tlawh nghal a, NEC a\anga Biate park chhunga hmalakna tur project-te pawh an enkual nghal bawk a ni.

    Kum 2021-a YMA Inkhawmpui lianin kum 2023-a YMA Inkhawmpui lian chu Lamka, Churachanpura nghah tura a rel tawh hnuah rorkhawlhna a awm leh tak avangin Central YMA Executive Committee chuan YMA Inkhawmpui lian Vawi 74-na chu Biate khuaah a nghat ta a, YMA Inkhawmpui lian thleng tur hian Biate khua khua pawh a inbuatsaihna zui nghal a, pandal structure hi May thla chawhnu lama thleng tur a beisei a ni. 

    District Bawrhsap Pu K Lalrohlua chuan Cental YMA-in YMA Inkhawmpui lian thleng tura Biate a thlang chu awm a tih thu sawiin, khaw fai, thing leh mau in a hual vel hmun nuam tak leh Thingpui thar chhuah kawngah pawh khaw hmingthang tak a nih bakah pandal bul maiah len khaw thawnna tur YMA park nuam tak leh ramngaw dur khup awm te chu a hlu hle a ni a ti.