Puilo

PUILO KHAW LAL : KHAWTINKAIA

Kum 1920 ah Khawtinkaia an Puilo hi awp tanin,Kum 65 anih in kum 1941 ah a boral.

PUILO KHAW CHANCHIN TLANGPUI:-

Puilo khua hian kohdan hrang hlir tum thum a nei a,a tum thumna Puilo tih hi a lo alo pu hlen ta a ni.

A HMING PAKHATNA

A hming kohna hmasa ber Chu SADAWT awm hmun a ni a, sadawtah hian Hauhnar hi an hmang deuh ber a .Sailo Lal dawttu ber a ni. sadawt hmun ah hian Sailo Lal Chu Khawtinkaia a ni. Ani hi PUILO ram chhumliankawn a tangin Sadawt hmun ah a kai a, hemi hma hian Dulte hmun ah hmun ah hian a awm a,Dulte Chu Melveng in a awm a vangin Aizawl Bawrhsap khan Melveng awmna ringawt a tlangchang Lal a awm tur a nilo tiin Kawlkulh khaw hnuai Bawkmual ah an chho a,heta a an awmlai ei leh bar a an in todelh theih nan tiin hathawk thei zawng zawng Chu ram tha zuanin Vankal hmun ah a kai tir a.Vankal atang hian Kim 1920 ah Sadawt hmun ah hian a rawn kai ta a ni.hemi hmun atang hian Khawtinkai hian Lalram zau tak a nei a,hmar lam chauh sawi ila ,tun a Gate kawn lam ah hian Sipai Luidung a zawh thla a,Tuimarul ah Vankal Ram zawng zawng leh Gate kawn atang a tlak lamah

Sesih zawh thla in ,chhimluang ah Serlui a zawh thla a ni.Heihi SADAWT hun lai a ni

A HMING PAHNIHNA KAWLKULH

Kawlkulh lo chhuahdan leh kawlkuih hming kan put chhan Chu hetiang hi a ni.Khawtinkaia ram enkawl chhung hmun hrang hrang ah Kawl ho inkulhna sawi tur a awm a ni awm e.An sawi lar ber erawh Chu Saihum kawn hi a ni.Chumi hming Chu chawiin Kawlkulh hming Chu khaw hming ah an lo pu ta a,Kawlkulh khua kan lo ni ta a ni.

A HMING PATHUMNA PUILO

Puilo khaw hming lo chhuahdan hi sawidan chi hnih mimal hming chawia puttir a awm a,Hnam hming chawia puttir a awm bawk a.Chungte Chu han tarlang ila:

1. Hmunte awmlaiin Ioneitute zinga mi Puii hian lo atan a nei a,a neitu hming chawiin puii lo tiin sawi a ani.

2. KawlkuIh kan nih laiin Lal Dolura hi kum 1930 velah Tawitawkawn a awm ani a.Kawlkulh a rawnkai hma hian hmanraw tlemte hi zawrh a nei a,chu dawr Chu vengtu tlem a awm tir a,chu Chu dawr veng an ti.Kawlkulh khua kan nih laiin an ni Chu Dawrveng khua an nih chu.Kum 1933/1934 velah Dawrveng hmunah alo kai phei a,Aizawl Bawrhsap(MC.CoI)a awmlaiin Kawlkulh hming a rawn pu ve ta ngawt mai a,Bawrhsap hnenah hian thingtlang khua atang hian report tur chi hrang hrang a tam thin a,silai hmuh chungchangah leh thil tuldang ah te report tul Irh lehkha kal velah thil buaithlak a tam ta a.Aizawl Bawrhsap in thingtlang khua ,kel daidan lekah khaw hming inang a awm tur anilo,in in siamrem tur ani ati a.Khawtinkaia hnenah i khaw hming Kawlkulh hi keinin kan pu ang a,nangnin Chhawrtui rama .hmar nhnam chi khat PUILO awmna hming saw inpu dawn nia ati a,Chu chu Khawtinkaia Sailo Lal leh Upa ten pawmin PUILO hming chu khaw hming a tan an pawmta a,tun thleng hian kan pu ta a ni.He hmar hnam hmingchaqwia phuah hi Puilo khawchhuak ku7m upa mual liam ta tam tak ten an pawm tlan ber a ni.Tin,Puilo khua leh tui tlangchang Lal hnuhnung ber chu LT Khuma Sailo ani.Kum 1941 atangin LT Khuma chuan rorelna a chelh a,kum 1954 August thla a,Mizoram Sailo Lalban a nih thleng a chelh ani.Kum 1969 ah a thi a,Kum 14 Rorelna a chelh ani.

TUNDIN HMUN :

In awmzat : 124

Mihring awm zat : 637