Kum 1894 ah Nikuala Pasaltha Thanherha'n Neihdawn khua a rawn kai hian a tlang hming hian Neihdawn tih hi alo pu tawh sa a, Thanherha'n Neihdawn tlang a rawn luah hma khan luah hmasa tu an lo awm hmasa ngei tih a Chiang a ni.
Neihdawn hming lo chhuah chhan hi Mizo thlang tla hmasa HMAR hnam zingah khan NEIHDAWN hnam Lal ropui tak Liana a awm a, a ni chuan tuna Neihdawn tlang hming hi a hunlai atanga lo piang ngei a ni tih a rin theih a, Neihdawn khaw lo chhuah chhan a ni.
(1894 — 2024) hi mei mit lovin kum 130 chu Neihdawn khua a lo ding ve a, khaw upa pawl tak kan lo ni reng mai a ni.
SAKHUANA
Neihdawn awmpuiah hian kum 1912 —ah Pu Sina (Thangdailova) ho in Kohhran hi dina ni a, Biak In hmasa ber chu Naupang kham Chung zawlah (tun aThIanmual mawng sir) ah hian sak a ni a, a hnuah Pu H. Thankhuma leh Pu Lalngaizuala in inkarah sak a ni leh in. Primary School bulah sawn a ni leh a chumi hnuah Pu Hauchianga in hmun ah hian insawn phei lehin kum 1972-ah tuna a dinna hmunah hian sak leh a lo nita a ni.
Kum 2012-ah khan Neihdawn Presbyterian Kohhran chuan kum 100-na (Centenary)tlin lawmna pawh neih a lo ni tawh a ni.
Kohhran hi Neihdawn khuaah hian pa (4)Ii kan awm a, chungte chu -
I. Presbyterian Kohhran : Tunah hian Member 600 vel bawr an awm a, Dan zawhkim hi 40 an awm mek a, Kohhran Upa 7 leh Tual Upa pa ten Kohhran hi an enkawl mek a ni.
Mizoram U.P.C : Kum 1991 September thlaah lo dingin Member 100 vel neiin Kohhran Upa 4 leh Tual Upa 3 Tual Upa Senior pa 2 an nei aBiak In pawh Concrete pawh tha tak an nei a ni.
Kohhranthianghlim : Kum 1989- ah din a ni a Kohhran Member 14 neiin Kohhran puipa pa 2 ten an enkawl mek ani.
Roman Catholic : Kum 2007-ah din a ni a, a tirah chuan Kohhran Member 16 lai neiin Biak In tha tak an din a, hun a lo kal zel a tunah hian In 1 an la awm a ni.
Neihdawn khua hi Pathian malsawmna dawng khua tak kan ni a, Ram buai lai khaw khawm hun lai pawh a Pathian humhimna dawngin khaw khawm lo ah a tang atun dinhmun hi kan lo thleng ta a ni.
POLITICS
Kum 1952-ah Mizoram chu Lal ban alo ni a, Village Council chu Kum 1954 — 1957-ah Village Council/Court hmasa ber chu kan lo nei ve ta a, Mizo Union Party lo dingin kum 17 chhung V.C in ro an rel a ni.
1972 hnu lamah Congress lo ding ve leh in kum 33 chhung V.C in ro an rel bawk a ni.
1980-1981 hian Pu H. Lalchhuanawma C.A in min awp a.
1989-1990 hian Pu Hriltluanga C.A in min awp veleh a ni.
1982- 1984 ah hian P.C Party lo ding in V.C in ro a rel bawk a ni.
M.N.F lo ding in kum 14 chhung V.C in ro a rel bawk.
El LEH BAR ZAWNNA KAWNG
Neihdawn khua hi Pi leh Pu hunlai atang tawh a tlang ram lo nei a eizawng kan ni a, tun thleng hian tlang ram lo neih hi kan la bansan thei lova Buh hmun/Sawhthing hmun neih te hi a ni a, Phai lo nei hi tun hma chuan Tuipui Lui kam leh Tuimuk Lui kam ah hian Neihdawn khaw pa deuhvek in an nei a, a hmunhma te a lo hlat deuh avang hian khaw dangah hralh a ni deuh vek tawh a,in Ii nga vel chauh Phai lo nei kan nei a ni.
Tun kum 3-kum 4 vel atang khan Buh hmun bansan in a tam zawk chuan thlai chin kan uar zawk ta a. Fur/thal/thlasik thlai hrang hrang te chingin Khaw thenawm Champhai leh Khawzawlah te kan bazar pui ta a, Serchhip lam atangte pawh hian Tomato thar te pawh min rawn dawr thin a ni.
Buh hmun hi in 20 atanga 30 velin kan la Ching tlangpui a, Sawrkar hnathawk hi kan ngah lova Government Primary School/Government Middle School/Health Department/ Power leh a dangte atang hian Sawrkar atanga hlawh nei 10 atanga 15 vel kan nei ve a ni.
ZIRNA LAM
Govt. P/S Neihdawn khuaah hian 1957 ah din a lo ni tawh a, kum 67 zet a upa alo ni ve ta a, tun dinhmunah hian Zirlai naupang 35 neiin Zirtirtu 3 ten an enkawl mek a, School Building tha tak leh Kitchen Shed changtlung tak kan nei bawk a ni.
Govt. M/S Neihdawn Middle School hi kum 1973 ah din a ni a, hun rei tak Dificit Middle School in a awm reng a kum 2003 khan Govt. ah hlankai a ni a, tunah hian Zirlai 52 leh Zirtirtu 4 in an enkawl mek a, School Building changtlung tak leh Kitchen Shed tha tak kan nei bawk a ni.
High School hi kum 2012 —ah Private in din a ni a, Mipui ten Zirtirtu hlawh hi tum sak a ni a, Kum 2018 khan Lump Sump Grand Inaid ah hlankai kan ni a, Zirtirtu hlawh hi sawrkarin tlem azawng min han puih takah chuan Zirtirtu 4 kan chhawr thei a, an hlawh hi N.R.E.G.A atangin a then azar mipuiin kan tumsak bawk a ni. Tun dinhmunah hian Zirlai naupang 24 kan nei mek a, School Building hi kan la nei tha tawk lova School bungrua hi Science Kit/ Computer/ Combo/T.T etc. hi 2023 — ah sawrkar atangin dawn a ni. Science Room hi Assam Type in 2023 July thla khan sak zawh a ni bawk. School Building sak hi hmabak erawh kan ngah rih hle a ni.
Angan Wadi Centre — I hi kum 1986 ah din a ni a, tun dinhmunah Center I ah hian naupang40 vel an nei a Worker I leh Helper I ten an enkawl a, Building tha tak an nei a ni.
Angan Wadi Centre — 2 hi 2011 ah din a ni a, naupang 45 vel neiin Worker 1 leh Helper 1 in an enkawl a Building tha tak sak zawh tawh a ni bawk.
HRISELNA
Neihdawn khua hian Kum 1982 ah Health Sub Centre kan nei ve a tunah hian Staff Quarter 3 leh thawk tu 3 kan nei a, Centre Quartet Building tha tak 2023 khan sak zawh a ni a, tunah hian Nurse pal leh Health Worker I leh Chowkidar 1 ten an enkawl mek a ni.
Neihdawn Health Sub Center hi khawtlang mipui ten kan chhawr tangkai hle mai a, tlang hri leng leh damlohna liantham lo ten kan pan in Sawrkar atanga Damdawi Sunction awm ang ang te ring in Nurse leh Health Worker ten tul leh pawimawh an tih ang ah an tih theih chin chin a hma la in,khawtlang mipui ten kan chhawrtangkai hle a,an tih theih bak erawh chu Hospital 'amah an Refer mai thin a ni.
Hriselna kawngah hian mipui ten theih tawp in hma kan la a, kan lo hrisel zawk theih nan inthiarna changkang Commode Septictank khur kan hmang tlangpui a thosi piang lo turin thosi pian theihna tui tling lo tur a hma lak a ni a, Septictank pawh a chhin kan siam tlangpui a ni. Daipawn a inthiar hi kan nei tawhlo a ni.
Watsan Comt. hmalakna in khawchhung hnawm hi Dumping Ground ah paih a ni a, tawih thei leh theilo te thliar hranna hmun pawh neih a ni. Khawchhung hmun lun lai ah te hmun eng emaw zatah hnawm paihna bawm hun a ni. Khawtlangin hriselna leh fai na kawngah hma kan sawn phah hle bawk a ni.
NEIHDAWN N.G.Q DIN NI LEH KVM
Young Mizo Association(Y.M.A) hi Kum 1948-ah din tan a lo ni tawh a, tunah hian kum 76 zet a upa a lo ni veta a ni.
Y.M.A Day hi kan khawtlang hian kan hlut in kan uar thei hle mai a, kan phur kum hi chuan khawtlang huap a ruai nen a lawm hi kan Ching hle a, tin, kan Branch din champha te hi lawm chang kan nei bawk thin. Y.M.A in a a thil tum tanpui ngai te tanpui leh tlawmngaihna hi kan kalpui tha rih hle a ni.
Mizo Hmeichhhe Insuihkhawm Pawl(M.H.I.P) Kum 1971 ah Neihdawn khua Mahila Samiti din a ni a, kum 1974 atang hian Mahila Samiti tih chu M.H.I.P. ti a thlak a ni.
M.H.I,P te hian chhiatni thatni ah khawtlang tan an phak tawk in hma la a penchhuakin theih tawp an chhuah thin a,khawtlang an timawiin an ti phuisui hle a ni.
Mizoram Upa Pawl(M.U.P) Mizoram Upa Pawl hi Kum 1983 March ni 7 khan Neihdawn khuaah din tan a lo ni ve a, Kum 41 zet M.U.P. hi a lo ding ta a, Faina hi an ngaipawimawh hle a, thlanmual thenfai hna leh khawchhung bawlhhlawh te thianfaiin hnatlang hi an la reng mai a, khawtlang kan mawi phahin hriselna lamah leh thianghlimna/faina lamah an thawh hlawk hle a, khawtlang min timawitu pawl zahawm tak an ni ngei a ni.
NEIHDAWN HISTORY
Neihdawn khaw History hi a kimchang chuan ziah sen a ni lo va a zualpui chauh rawn tarlan tum ila a tha a nge. A chanchin tobul tlangpui han zep ila, a kum zat chaih hriat theih tawh loh hian Neihdawn khua hi alo awm reng tawh a lo ni a, Kum 1894 hmalam daih tawh khan thlang tla hmasa HMAR hnam zingah khan NEIHDAWN hnam lal ropui LIANA a awm a, hemi hming chawi hian Neihdawn tlang a lo pu hlen ta a ni.
Lal Liana hunlai hian pi pute sawi dan in tuna Neihdawn khaw bul Liana hmun tlang (Far huan) hmunen tlang/ mel-hmun tlang kan tih ah hian Lal Liana hian khua a din a, an sulhnu te pawh tunah hian hmuh theihin a la awm a, an khawsak hunlai tak hi a kum chiah hriat ni 10 mahse 1700-1800 inkar vel hi a nih ngei rin a ni. Liana hmun tlang tuna Far huan tlang ah phei hi chuan an bel keh them vaibel/tuibur lu/no/khuhhriang leia siam hnu hma chi hrang hrang hmuh tur ala awm a, lung Phun hrang hrang leh lung rem hrang hrang ala awm nual bawk a, lung Phun la ding zingah hian a sang ber hi Ft. 11.3 a sang a ni a, a sang ber chu a tlu bung tawh a tuna a tlukna hmun ah hian hmuh theihin ala awm a ni.
Lal Liana hunlai hian hmunhma sulhnu hrang hrang a nei a a khaw hmun tlang chhip zawl zau tak a nei a, Ml LU PUK hi hmun (2)hnihah a awm a, an hunlai hian kham kuaah hian mithi ruang te hi an dahtha mai thin a, Mi Iu pukah hian ruhro te pawh a awm ngei a, 1982 — khan School naupang Excartion neih a ni a, pi pu sulhnu hrang hrangte fan na leh mi lu puk chhung ngei a ruhro te hi eng emaw zah lakchhuah a ni a, Middle School Science Roomah dahthat a ni a, a bo ri ral dan hi hriat a nit-a lo pawi hle a ni, Mi Iu puk hi uluk zawk a la dap chhuah nise Ruhro te pawh hmuh tur ala awm mahna.
HMAR KAWNG : Hmar kawng hi Tuimuk leh Tuipui infinna atangin Hmun-entlang thleng an hunlai hian kawng lian tha taka Iaih a ni. Hmun thenkhatah chuan Hmar kawng riruang hi ala lang ngei ani.
SEVEN PUK : Seven puk hi Lungding kham bul Hmar thlang hawiin a awm a kham puk niin Mihring thutna nuam tawk velin a puk hi a awm a mi 5 atanga 10 vel leng a ni a, Hmar thlang hawiah hian atukverh awng Valleyball leng velin a kua a ni. Lal Liana hunlai hian Sial te lo vulh niin tilai hmun atang hian Sial hi an veng ngei a ni tih pi pu ten ansawi a ni.
RO PHUM RUK : A Ro phumruk hi Hmar Lal Liana hian Rohlu eng emaw zat nei ngei a ngaih a ni a, Lung rem hrang hrang leh lung Phun hrang hrang a tam si a, khawiah emaw 
ber hi chuan a ro hi an phum ruk ngei rin a ni.
NEIHDAWN KHAW LO IN DIN TAN DAN LEH TUN HUN KAN HMAN MEK CHANCHIN TLANGPUI :
Kumpinu Sawrkar chuan khawchhak Iam Chawngtlai khua Lal Nikuala man tur Ieh a khua hal turin Burma atangin Vai lian a rawn tir a, Lal Nikuala khua chawngtlai chu April 22 1892-ah an lo thleng a, Lal Nikuala chu an man a a khua pawh an hal nghal a mipui tlandarh in khua chu Iuahngam lovin an rahsan zui ta a, Tualte ram Mualkhang ram Ieh Artlangah te an in bawk ta a, Neihdawn ram pharhduai mai Chehzum ram/ hausak ram/ Darkhuang ram/Bukzau ram/ Melliam ram Ieh Khuaimual ram te zing nichhuak Ieh tlai nitla in a a chhun cham duai te chu an han thlir a, sa leh buh bal tamna hmun tur ngei a ngaiin an awt ta em em mai a, Thlahmunga chuan a fapa Thanherha hnenah chuan Tualte rama Mualkhang leh Artlang atangte chuan ka khua atang hian I duh duh in 30 thlangchhuak la, Neihdawn ram saw vat but rawh a ti ta a.
Kan sawi tak ang khan Nikuala hunlai pawh khan NEIHDAWN tlang hi alo awm daih tawh a nih chu! Mualkhang Ieh Artlang atang chuan Thanherha chuan in 30 hruaiin a kal ta a, Nikuala Pasaltha Thanherha'n Neihdawn tlang a thut hun hi 1894- ah niin upate chuan an sawi.
Kumpinu Lalram chuan Mizoram chu a awp nghet ta a, Khaw kar kawng rem lai apiangah Bangla a dah ta zel a, kum 1895- ah Neihdawn Bangla hi sak a ni a, kum 1906- ah Bangla hi sak that leh ni in Bangla hmun hi tuna Vai Veng kan tih tak Bangla hmun Lamkhuang awmna leh a chhak Thelret kung dinna bul tuna Pu K. Malsawma ram bawr vel hi a ni.
Thanherha hian 1894-1908 (kum 14) chhung hi Neihdawn tlang hi a awp a, 1908 ah Neihdawn atangin Tualpui ram Hmar Hmunah a insawn phei ta a ni. Hetih chhung hian Bangla awmpui ho te kha an la awm reng a, Thanherha fapa Domana chu Hmaiphih kawnah indan tirin Neihdawn khua chu a awp tir ta a, hun a lo kal a Thanherha chu a lo tarin a lo chaklo ta a, Domana chu ko haw Iehin duh a thlan tir ta a. Thanherha hian fapa 2 Domana leh khenchhuma a nei a, Domana hian Tualpui tlang a thlang a, a fapa naupang zawk Khenchhuma chu Ngaizawl Tuikhur bul tuna Play Ground a an hman takah sawn awmhmun a rawn khuar a, Neihdawn leh Ngaizawl hi a awp ta a ni, Hei hi 1935 a ni. Ngaizawl hmun atang chuan lo phei zelin Lal Khenchhuma chuan Neihdawn Zopui kan tihah hian a in bengbel ta a, Lal ban 1952 thlengin a awm ta a ni. Lal ban atanga kum 2 na ah Champhaiah a pem ta a ni.
Neihdawn khua ah hian Mizo hnam peng hrang 20 vel kan khawsa mek a ni. Neihdawn khua hi ram nei tha pawl tak kan ni ve a, tunah hian Khawzawl District ah awm in M.L.A inthlan ah chuan 23 ChAMPHAI North Constituency ah kan bet rih a, 2020 V.C inthlan hnuhnung ber ah khan M.N.F Ticket a ding te Solit in V.C kan nei a ni. Neihdawn ram hi khawchhak lamah Khawchhak tuipui lui KM 5.5 a ni a Chhim lamah Tuimuk lui 4KM a ni a,
Khawthlang lamah Tuimuk lui tho 3km chin ni in,Hmar lamah Lungtlanghing lui 2.5km leh Sedai kawn bul Thingthupui ngaw kawr 2.5km chin Ngaizawl Lui sut in a ni.
Neihdawn khua ah hian Community Hall pa 1 Zirna School Angan Wadi Center 1&2 Govt. P/S, Govt M/S, Private H/S leh P.E.S a awm a ni. Ni 100 In V.C House Health Sub Centre te leh V.O House sak mek a ni. Kum 1956- ah Play Ground hmun din tan a ni a, tunah hian Field puitling 11 Field a khelh theih a ni. Kum 2013-ah Payka Field Cheng 1lakh senga laih a ni a, Valleyball Court hmun kan nei a Y.M.A Park zau tha tak kan nei a, Zothei huan zau tha tak kan nei bawk a ni.
Tui lak hi 1986- ah sawrkarin min laksak a Damdiai hnar leh Sersih hnar Gravity in kan la a, tin, P.H.E Department JJM hmalak na in 2023 khan Dampui Iui hnar hi Solar Pumpping a laksak kan ni bawk. Post Office hi kan nei ve a Dak runner pal kan nei ve bawk.
ELECTRICT hi kum 1986 atangin Sawrkarin min pe ve a 1987- ah Director Pu Dengchhuana ho in khawtlangin a hawnna hun Sa ruai nen kan hmang a ni, Jugaly pa I in min enkawl a, Current hi Line a chhia a nih Ioh chuan kan eng Regular thawkhat hle.
Tun dinhmunah Neihdaawn khuaah hian( Cacha House ) Di in a awm tawh lo a, Assam Type 130 vel leh Concrete 15 vel a ding a, mihring khawsa hi 700 bawr vel kan ni.
Tuihna nei Tuikhur hi khawchhungah pal dai bulah pal kan nei a, Gravity a kan lak leh Solar Pump a that chuan Tui hi thalah pawh kan ren thiam dan a zirin kan buai lutuk tawhlo turah kan inngai.
Huan lo ram nghet neih kan intihhmuh tan a thlai kumhlun chin kan uar tan bawk a, tlang ram lo neih Buh hmun bik hi nei kan tlem sawt hle a ni. Tunah hian Thlasik thIai,ThaI thlai te chin kan uar tan a, sum chang thei apiang thlai hnah leh rah te khaw dangah kan thawnchhuak ve thei ta a ni.
Khawchhung kawng peng hrang hrang hi LAD Work leh Ni 100 sum hmangin Motor kal theihna chin ang chu PCC Flooring a chhun vek a ni. Neihdawn to Khawzawl inkar kawng hi PMGSY atanga laih niin PCC a chhun chhuah vek a ni bawk a, Khawzawl to Neihdawn hi 15.5kms. lai a thui a ni. Neihdawn to Ngaizawl kawng 6km. hi Bialtu MLA hmasa Dr. Zr. Thiamsanga'n Kum 2023 September —November khan Motor kal theih in min laihtlang sak a, Neihdawn khua leh Ngaizawl khua te kan lawm hle a ni.
Agriculture &Horticulture Link Road hi Far huan Liana hmun tangah laih a ni a,
Lungding ram panna pawh Far huan atang hian a panna tur kawng laih a ni bawk. Approach Road hi Banglakawn to Tuipui te Play Ground panna te Damdiai panna te leh khaw zauhna kawng te hi a then a zar Iaih niin la chhunzawm zel tura ruahman a ni bawk.
Neihdawn khua hian Sangha dil hi kan uar in kan tuipui hle mai a, sangha dil nei pawh in 45 Iai kana awm a, sangha ah kan la in todelh lo khawp mai a, a note leh a chaw hi kan la in leichawp deuh vek a ni.
Ran vulh hi kan uar ve tan ta a, Bawng vulh hi in 5 vel ni in Bawng 150 vel an awm a, Vawk vulh hi kan uar ve bawk a, ASF(pul hri) in min luhchilh ve bawk a, Ar pawh a pul hri in min luhchilh bawk avangin Vawksa leh Arsa ah hian kan la intodelh tawk lo hle a, tun aia uar zawk a Ran vulh hi Awareness neih a hmalak kan tum bawk a ni.
Neihdawn khua hi Thingtlang khua e ti lo in Lirthei lamah hma kan sawn ve ta a, khual kalna leh khawilo vahchhuahna fehna chenin lirthei kan lek lam ve ta a, hei hi changkanna pakhat a ni. Television(TV) hi Cable Channel CCN Champhai ami hi kan pawt thin a, tunah hian Wifi leh Cable lakluh hi kan tum leh mek a ni.
In tin deuhthaw in Gas Connection hi kan nei ve a, Thing hmanga kan Eirawngbawl hi min chhawk zangkhai phah hle a ni. Tin, Ration Buhfai hi Thla tin Retailer hnen atangin kan khul ve thin a Card tlawm BPL leh Card to hmang te in kan la tlangpui a ni. Kan Ration hi Thingtlang mi chaw fun chhuak thin kan nih vangin kan tla lo hle a ni.
World Bank Road (Highway) hian kan ram mawng Tuimuk kamah 5km. Iaiin min paltlang a chhawr tangkai tumin khawtlang mipui ten theihtawp a hmalak kan tum a ni
Neihdawn khua hi District Capital pa (2) hnih Champhai leh Khawzawl in min karcheh a, kan khawsak zia leh thil Rate pawh hi a sang tlangpui a, Thingtlangah chuan engkim Rate san na khua tak kan ni.
