HMUNCHENG KHUA ALO AWM TAN DAN LEH AWMZEL DAN TUN THLENGIN
Hmuncheng khua hi Zuchhip Lal Pu Khualthangnghina rem tihnain kum 1939 ah a Khaw hmun hi sahchhuah a ni a, chutah chuan Lal Pu Khualthangnghina nau Pu Lalthangvunga Lai-in a thu ve a, chuta tanga awm chho zelin kum 1967 ah Zuchhip ah khawm chhoh leh a ni a. Zuchhip ah kum 2 tlinglo deuh awmin kum 1969 kum tawp lamah Khawzawl ah khawm chhoh leh niin Khawzawl ah chuan kan awm ta rih a, chuta tang chuan politic lo ding chhoin P.C Party a lo sawrkar khan mahni khaw hmun hlui luah leh duh chuan a luah leh theih tiin, kum 1971 ah Hmuncheng ah let thla lehin kan awm leh ta a. chutianga awm chho zelin kum 1972 ah school private in din a ni. Tichuan hun kal chho zelin sawrkarah te dil chho ve zelin sawrkar chuan Khawzawl Kawnzar school in min hmui chho ta zel a, kum 1989 ah sawrkar school nghet kan nei ve ta a ni- Tichuan kum 1973 ah YMA kan ding ve a. kum 1984 ah VC kan nei leh a, kum 1986 ah motor kawng jeep road in laih tlang a ni leh a, chutianga hma la chho zelin kum 2005 ah Electric pawh lakluh a ni ve leh ta a, kum 1985 ah sawrkarin tui in tur Zotui min laksak bawk a, tunah hian sawrkarin kawngpui tha tak metal road in min siam tlang sak a, kan lawm tak meuh meuh a ni. Chutichuan Hmuncheng khua chu kum 1971 atanga kum 2024 thleng hian mei mit lovin kan awm chho ta zel a ni.
