Darngawn khaw chanchin kan sawi dawn hian, Khawzawl khaw bul tan dan nen sawi pawlh nawk nawk a ngai a, a chhan chu tuna thangthar ten Khawzawl ram leh khua kan sawi te hi Darngawn Lalram hnuaia awm, Sawrkar lamlian enkawl tura awm (Mel veng ho awmna a ni a.) Khawzawl (Rambuai hma) ami khan ram an nei lo. VC erawh chu kum 1963 atang khan an nei ve chauh a ni.

Darngawn Lalram hian a huam chin chu Zopui khua Zahau Lal Khenchhuma awmna nen

( Neihdawn chhak tlanga awm a ni a,KhawzawI ah 1969 kum tira khawm luh a nih atang khan he khua hi a rem hlen ta a ni. An Lal Khenchhuma hi rambuai hma in Champhai ah a pem tawh a, tichung chuan Zopui khua hi Lal awmna a nih avang in LAL VENG tiin an sawi bawk thin. Khawzawl ah an awmna chu

L4L VENG tih a ni a, Neihdawn khua hi chu khatih lai khan sipai thutchilh a nih avangin khawm an ni ve lo.Neihdawn khua hi tun hma chuan Awmpui tih te, Mel veng tih te, Neihdawn tih te hi an hming a ni.) Tuimukpui lui, Lungtlanghing kawr chhuah atangin Mukpui zawh thla zelin PWD Road in a kanna thleng in an inri a, heta tang hian Chawngtlai nen an inri na chu, PWD road Khawzawl lam hawia zawh chho in Damdawiin peng kawn kawrte PWD road atanga rawn zawh chho in tlak lam ah a liam a, chhimthlang hawia Kawrte zawh thla in phaisen lui a zu fin a, heihi Chawngtlai nen an in rina a ni. Heta tang hian phaisen lui zawh chho in Chaltheikawn thleng in Zuchhip ram nen an inri a,heta tang hian Sakawr Lung thleng in PWD road ah Arro ram nen an inri leh a ni.

Tuisen phaizawl atanga khawchhak lam ram Zaingen kawng Demdum kawn chhaka kawn hmasa ber thlengin kawn atang hian tlangdung kawng zel ah chhim zawnga let leh in Sedaikawn bul thlengin Tuira lui a zawh thla leh a,( Tuna JNV School tlang dunga an inri dan hi tlak lam Darngawn ram chhuah lam Zaingen ram ani a, ramri kal dan hi a mak em avangin Thiakkhan mual tiin sawi thin a ni.) Tuichang lui a fin thlengin Zaingen ram nen an inri a, Tuichang lui zawh chhovin Raltawh lui chhuah thlengin Khualen ram nen an inri leh a, Tuichang lui zawh chho zelin Khuai lui chhuah thlengin Tualpui ram nen an inri a,chuta tanga Tuichang hnar la zawh chho zelin ramri kawr ah a chhova, Ngaizawl ramri kawn ah a chhuak a, kawn atang hian Mukpui lui hnar pawh thla turin kawrte a zawh thla a, Mukpui lui zawh zelin Lungtlanghing kawr chhuah thlengin Ngaizawl ram nen an inri a ni.

Kum 1830 hmalam ah kha chuan henglai chhehvel hi Hmarho hian anlo luah tawh niin hriat ani a, entirna :- Biate, Tualte, Khawzawl, Thiak, Darngawn etc. heng anlo chhuahsan hmuna awmte hian khaw hming atan kan lo pu hlen ta niin a lang a ni. Kum 1830 — 1850 vel ah chuan Pu Sawngbana Pachuau Liannghawr leh a thurualpui mi tlemte chuan Khawzawl ah hian awmhmun an khuar niin an sawi a, an chhuah san hnu hian Pu Sathawhuaua leh a thurualpui ten Vanchengpui atangin Khawzawl chu an rawn luah ve leh a, Modern MIS tlang (tuna SP Office ) vel ah hian Tuisen phai leilet siam tuma lo kal niin an tuma anga alo awlsam mai loh avangin an pamtul san leh ta a ni.

Kum 1905 vel ah chuan Pu Taibeha Fanai. Ani hi Pu Lalburha Sailo Lal in Vancheng a chut laia Lal thirdeng fapa tih te, a chhiahhlawh fel pawl tite a sawi a ni. Pu Lalburha chuan Khawzawl tlang Chut turin a ruat a, a hma pawh hian Pu Taibeha hian Champhai bul Chhungte tlangte pawh hi Pu Lalburha remruatna in alo awp tawh niin alang a ni. Pu Taibeha hian Khawzawl Phunchawng awmna zawl ( tun a DC Office thar Dt 2.10.2023 a hawn kawtzawl phei ami) ah hian an awm a, Kum 1912 chawhnu lam ah chuan Chawlhhmun tlang ( tuna IR Bt. hmun ) ah hian an insawn phei a ni. Sawi dan dang ah chuan Pu Lalburha Vanchenga a Lal lai in a chhiahhlawh zinga pakhat Taibeha Fanai chu Khawzawl ah khua sat turin a tir a,( Hemi Kum hi Taibeha thirdeng Chin Saidova Fapa Vailiandanga tuna Aizawl Republic a awm mek sawi dan chuan hemi kum hi Kum 1901 ani tiin Upa Pachhunga Khawzawl vengsang in a sawi.( Khawzawl Dinthar Presbyterian Kohhran chanchin 1894-1994 Pg No 2)

 

NIH TAN NA

Pu Taibeha ho hi Chawlhhmun tlang ah hian rei awm lovin Kum 1914 kumtir lam ah Darngawn hmun ah an kai chhova, hemi kuma an kai hian Darngawn thlanmual chhak lam ah hian an awm ni a hriat ani a, vanduaithlak takin Kum 1916 ah Pu Taibeha chu a boral ta hlauh mai a, hemi hnu hian Pu

Lalburha'n a fapa Lalhuta chu Darngawn tlang Chut turin a tir chho ta a, Darngawn hmun ah chuan rei awm lovin Kum 1922 kumtir lamah Mualvawm hmunah an kai thla leh ta a, (Mualvawm hian tuna Helipad te, Field te, Martar thlan te hi a huam a ni) Pu Lalhuta chu a hriselna a that 1oh avangin Shillong Damdawiin pan pui ani a, heta a hruaitu hi Pu Laiawrha ( Pu Hmuzuala Kzl Dinthar Pu) a ni.

Dt 21.Nov.1930 ah Shillong ah a boral ta a, a ruang pawh hawn lovin Shillong ah hian an phum ta a ni.Tuna Mualvawm Field chhaka a lung awm hi a hriatrengna lungphun a ni.

Mualvawm a an awm lai hian khawtlang an hrisel lovin thihna a tam avangin 1935 ah chuan Darngawn hmun ah an kai chho leh ta a, hemi tum hi chuan 1914 a an kaina chhim lam tlangdung hi an bawh ta a ni. Pu Lalhuta a boral hnu hian a fapa Pu Tawngburha chuan Lalna a Chang zui a, ani pawh a hriselna a thalo in Kum 15 chauh rorel hmanin Kum 1945 ah Kum 35 mi niin Durtlang dawmdawi inah a boral ve leh a, heta hruaitu hi Pu Hrangzika (Pu Zulawma Pa) a ni. A ruang pawh Darngawn ah hian hawn pui niin Darngawn Lal thlanmualah phum a ni. Pu Tawnga a boral hnu hian a fapa neih chhun Lalluaua chu naupang mai la niin Aizawl ah lehkha a zira, Pu Lalhuta nupui Pi Thanseii thlazar hnuai ah Pu Lallana (Pu Lalluaua patea) chuan ro a rel veleh ta a, British Lalram Politics in lumlet vel avangin Pu Lalluaua chuan a lehkha zir bansanin Laina chu a rawn chuh veleh ta a, ani hian Kum 1953-1954 chhung chu Darngawn Lal niin Lal Compensation pawh ani hian a dawng ta a ni.

Kum 1952 ah Mizoram ah District Council alo piang a, a hming hmasa chu Lushai Hills District Council till ani a, hei hi Assam Chief Minister Bishnuram Mehdi-a'n ni 25 Aprl 1952 ah Pawnpuite In (Reid House) ah a hawng a,(Reid House tih anih na chhan chu Assam Governor Sir Robert Reid a'n hemi hma hian Mizo hmeichhiate Pawnpui tah te ram dangah thawn chhuah anih theih nan a leikhawmna hmun leh dahkhawmna anih avang ani.)

Mizo Lalte chu ban a ni chho zel a, Kum 1954 ah chuan Mizoram pum ah Village Council inthlanna hmasa ber chu neih ani ta a ni. Darngawna V/C hmasa te chu heng mite hi an ni;

            I) Pu Thangthuama              2) Pu Ropianga                   3) Pu Engmawia Pachuau

            4) Pu Remthanga                 5) Pu Pachhunga                  6) Pu Biakmawia

7) Pu Lianbula (ani hi Khawzawl aiawh ang deuh a ni)

Kum 1912 chawlhhmuna an kai chhoh te leh Chawlhhmun alanga Kum 1914-a Darngawn an kai chhoh hian Khawzawl hmun ah hian Mel Veng lamlian enkawltu) in tlemte hnutchhiah an ni a, hemi tum a Darngawn kai hi Darngawn khaw hming a put tanna niin a lang a ni.Chawlhhmun awm laite, Mualvawm awm laite hi chuan an awmna hmun hming chawi hian awmlai tiin an sawi mai thin ani.( eg Chawlhhmun awm lai, Mualvawm awm lai). Tin, Khawzawl hmuna Mel veng an awm hian a then chuan Awmpui (Bangla Chowkidar awmpui hming an pu).Khawzawl ah hian Mel veng leh awmpui an awm lai tho hian Arro ram Kawihthuang hmun ah Mel veng leh awmpui chu anlo awm ve tho va, Mel vengte chuan lamlian enkawl hetiangin an insem thin: Kawihthuang ami ten Chaltheikawn bul (Mel 69 dinna) atang Tuichang lam an enkawla, Khawzawl Mel veng ten Chaltheikhawn bul atanga khawchhak lam Neihdawn ram Mel 74 dinna thlengin an enkawla, a chhak lam chu Neihdawn Mel vengte enkawl a ni.

Tuisen Bangla enkawltu hi Sap ho hian an siam zel a, kan hriat theih te chu hengte hi an ni:

  1. Joke Bahadur (Mizoin Telma-i Pa kan tih kha a ni a) ani awmna tak hi Arro ram lam ah ani chungin sawifiah deuh a tha awm e. Chaltheikawn thlang Arro kawng thlang Lungin lui nena a inkar ah Lung remin In a sa a, Kum 1958 ah pawh khan khup thleng vel a la inrem chu a ziak tupa pawh hian a hmu ve a, a bula kawrte pawh hi tun thlengin Lungin lui tih alo put phah ta a ni. Chawkidar dangte chu :
  2. Selet-a           3) Chala         4) Lianchhunga

             5) Thanghuta            6) Chakthanga                      7) Hrangchhuana

 

DARNGAWN RAM LEILUNG LEH EIZAWNNA

Darngawn khua hi Pu Lalhuta te hunlai atang khan chhungkaw tlemte awmna ani reng a, a ram dang dung leh leilung hi a remin a nuam a Buh bal pawh a tha duh in an hausa thei hle thin a, chuvang chuan Darngawn an kai hnu mai atangin khawdang atanga pem lut an awm chho reng a, 1937 - 1944 lai vel phei chuan pem lut an tam ta a, 1950 chho ah chuan in 75 vel lai an tling ta a ni.

BUH LEH BAL A HARSATNA

Buh leh bal that duh na ram leilung nuam leh rem tha tak ni Chu kum 1954 chho atang chuan buh leh bal ah kan intodelh thei ta reng reng lo mai a,hei hi a chhan hriat a har hle mai a, sakhaw lam la run deuh chuan roreltute an mawh chhiat hial a ni. Ram leilung a danglam chuanglo, kan lo neih a kum leng a nau chuanglo, mahse Lo ah hnim har a tam a, July thla atanga a seng tleng in buh a thi a, buh thar a tam thei lo. He mi avang hian Burma ramah te Hnahlan khuaah te leh khaw dang dangah te an pem ta nual hlawm a ni.Chung harsatnate chu District Council hotuten lo hria in Kum 1965 Favang laiin Agriculture hotu Pu Lalhmachhuana leh a hote Darngawn ram leilung zir Chiang turin anlo kal a, mual hran hran a leilungte an zir Chiang a, lei a thur a, buh zung rah atam bawk tih an hmu chhuak a ni.Pem chhuak an tam vanglai chuan khawtlang a ngui em em a, he thu ziaktu phei hi chu a thiante mi Pariat(8) lai an pem chhuah avangin a khua a har tak meuh thin a ni.Henga pem chhuak turte hi YMA ten an thlah thin a ni.

Pathian remruatna mak tak avangin Darngawn a Buh leh Bal a harsatna awm thin chu Kum 1980 kuma Thanghnai ram theh kum atang khan Buh thi leh Lo har lutuk a reh duak a Buh leh bal a hlawk leh ta a ni. Tun hnu phei chuan Darngawn ram theh anih phawt chuan mangan thlak khawpin lo neih kan in chuh leh ta a ni.Engkim mai hi Pathian thu thu a lo a wm a ni e.

A. VANGTLANG NUN HMASAWNNA

Darngawn khua hian hetiang taka harsatna a tawh hma hian vangtlang nun hmasawnna kawng ah tan anlo la nasa hle thinin heng Pawlte hi mumal takin alo ding tawh ani:

                 I) Boy's Scout                       2) Signal Pawl                        3) YMA                  4) Games & Sport

B. OLYMPIC

Kum 1951 October thla vanglai in YMA leh Game hruaitu ten Darngawn ah Olympic hmang turin ruahmanna an nei a,he hun ah hian an thiam thil leh theihna chi hrang hranga intihsiakna an buatsaih a chungte Chu;-

MIPA ITEMS

                 1) Foot Ball                           2) Long Jump                        3) High Jump

                4) In hrui pawh                      5) Intlansiak                           6) Arbawm tah

                7) Paikawng tah                8) Chingal thlawr bur tah          9) Suvel siam

HMEICHHE ITEMS

                 I) Intlansiaka hriau hrui thil                         2) Sairawkherh perh

                 3) In hrui pawh                                             4) Rawmawl tlang phiar

5) Lukham case thui

Olympic ah hian Group thum ah an then a, chunga an hruaitute Chu:I) Pu Lallana  2) Pu Engmawia Pachuau  3) Pu Lallianthanga

Olympic hmang tur hian khawtlang an in puahchah nasa hle a, khaw danga School kalte pawh anlo haw vek a ni. Champhaia MES kal Pu Rozama te ho haw dil thu hi in tarlang hram teh ang. Pu Vanlallawma Headmaster anih lai ani a, Pu Rozama te chuan Darngawna Olympic hmang tur chuan hawn an dil a, anzirtirtu pakhat Pu Lalthankima (Dawrpui Vengthar Upa) chuan lo dawng sawngin a chhan vawi hnih lai lo zawt nawn in Pu Rozama te chuan Darngawn ah Olympic kan hmang dawn ti in an chhang a, Pu Lalthankima chuan Olympic a ni! Olympic hi Asia khawmualpui ah pawh dawng thei kan la awm meuhlo a, India phei chuan kan la huamlo hrim hrim a, chutiang chu Darngawn khuain in dawng dawn ania, haw lul ang che u alo ti ta a ni.

Darngawn khua hi helai chhehvelah chuan football lama hmasawn hmasa leh field pawh nei hmasa kan ni a, kan VC hmasa te hun laiin football thiam thlanna an nei a, chungte chu :- 1) Dengkhuma 2)

Manzika 3) Robula. te an ni. Kum 1956 vel atang chuan Darngawn ah hian Khawchheh velte Chah khawmin Football tournament an buatsaih thin a, a hnu deuhah phei chuan Pi Nithangi Aizawl Cup inchuhin khaw thenawm, Ngaizawl, Tualpui, Zopui, Tuisen, Zaingen, Tualte etc. an lo kal thin. Hetih hun laia football pet entu putar pakhat Pu Lalzenawna pu chaun "E! E! E! an tih dan khu depde thil tih a ni, thiante Chan that lai chhuhsak an tum a, ka en duh lo tawp" tiin a hawsan daih.

Hetiang vangtlang nun changkanna Darngawn khua in anlo neih theih na chhan hi Indopui II na 1939 - 1945 chhunga British sipai ah engemaw zat anlo tan vang te, kan mith9iam hmasa heng mite hi an pawimawh hle in a lang chungte chu:-

1) Pu Lalhmingliana S/O Rev. Kaplunga Kum 1948 ah BA a Pass (Tuichang ral ah BA Pass hmasa ber ani)

2) Pu Liannghaka

3) Pu Vanhela

4) Pu Vaivenga

5) Pu Lalringa

6) Pu Selluaia

7) Pu Laltanpuia

8) Pu Laltawnga        

    9) Pu Lalthanzaua 

10) Pi Kawlchhungi

11) Pu Zahiira

12) Pu Hnudala

 

ZIRNA LAM

Zirna lam ah hian Kum 1935 hma lam ah chuan Biak In ah A AW B zirin bul an tan a, Darngawn kai hnu Kum 1935 atang chuan Lalin Primary School tur a sak tir a, chuta zirtirtu hmasate chu:1) Pu Kapthianga Tirhkoh 2)Pu Darkhuma 3) Pu Buangchhunga

            4) Pu Thanthuama                           5) Pu Saichuana                   6) Pu Khawkhama

7) Pu K Lalsanga

 




Kum 1935 - 1939 vel a School an sak na hmun hi Darngawn hmun chhim lam tlang (Pem veng) an tih thin ah an sa a, chumi hnu kum 1940 — 1945 vel ah Darngawn Field ah an sawn leh ta a, kum 1946 1957 vel ah chuan Muallungthu bul tlang khawthlang lam ah an sawn leh a, kum 1958 - 1968 ah Darngawn Field chhak ah Rangva in in an sa leh a ni.Pu Buangchhunga hunlai hian chhun nisat vanglai takin thlipui hlau a piang tlanchhuah tur ati thin a, tap an awm hma chuan chutiang chuan a tlan chhuah tir thin a, a tih na chhan a hnua an sawi leh dan in School Building kha a chhe tawh lutuk a Lal hnena School sak that a nawrna kha alo ni awm e.


Kum 1937 vel ah hian zirtirtu an awm mumal loh avangin Pu Darkhuma Chawngtlai (Upa B Lalsanga Kawnzar pu) chu roreltu ten zirtirtu atan an sawm phei a, vanduaithlak takin Kum 39 mi chauh niin Ni 15.12.1939 khan a boral leh ta hlauh a hemi hnu hian Pu Buangchhunga a thawkleh a, ani pawh hi kum rei awmlo in a in sawn leh tak mai avangin Rev. Kaplunga te, a fapa Lalhmingliana te chu roreltute'n an ngenna avangin zirtirtu hna hi an thawk bawk thin a, hemi hnu Kum 1948 atang chuan Pu Thanthuama a rawn awm leh ta a ni.

PRIVATE MIDDLE SCHOOL

Kum 1951 ah khan Private Middle School an din a, Muallungthu bul chhuah lam tlang ah sak ani a, a bul tlangbawk ah hostel sak ani bawk. Hostel hi a awmna a ramhnuai deuh avangin zan ah Sakeiin alo rum khum thin ani awm e. Hetih hunlai hian Aizawl pawn lamah MIS ala tlem hle a, khawchhak lam ah chuan Kum 1945 ah Champhai ah leh Sialhawkah din a ni. Thingtlang khaw lianlo tak in 75 vel chauh awmna a anlo din theih na chhan hi kan Lal te thatna leh kan lehkhathiam hmasate thawh rah pawimawh tak a ni. Chutih hunlai chuan heng khua Zaingen, Arro, Zuchhip, Tualte, Chawngtlai, Neihdawn, Ngaizawl, Tualpui, Khualen leh Khawzawl khua ten Darngawn ah School anlo kal thin a ni. He Private

Middle School a lo thawk tawhte chu:-

(an thawh hun indawt dan ni chuanglo in)

1) Pu Liannghaka

2) Pu Vanhela

3) Pu Lalzama

4) Pu Lamliana

5) Pu Thansiama

6) Pu Zahiira

7) Pu Laltanpuia

8)Lalthanliana

9) Pu Lalenga

10) Pu Robert-a

       11) Pu Lalhlira          

12) Pu Hnudala

13) Pu Zachhunga

14) Pu Hauthangvunga

15) Pu Lalbela

16) Pu K Zakunga

17) Pu Lianthuama

21) Pu H KL Thanga

18) R. Rozama

19) Bobe Chhetri

20) Pu Tawnluia

KOHHRAN LAM

Darngawn kai chhoh hmasak hma pawh hian ringtu tlem an awm ve tawh a,Kum 1914 - 1922 vel chhung darngawn tlang sang thlanmual chhak deuh zawl zimte theipui awmna lai hi an Biak In hmun anih thu leh heng hunlai hian Arro•ah chuan Kohhran an mumal tawh khawp mai tih Upa Pachhunga'n a sawi a ni. Mualvawm awmlai Kum 1922 — 1934 hian Biak In te nei in hei hi school ah an hmang thin bawk ni a hriat a ni. Darngawn kai chhoh tum hnihna ah chuan hun rei tak chhung Presbyterian Kohhran chauh hi a

ding a,field awmna ah hian Biak In an sa phawt a, chumi hnu ah tuna hmunhlui Senior Inhabitant ten tawngtaina in an sakna hmun ah hian Biak In chu a Chung dap Chih in an sa leh ta a ni. Kum 1951 ah chuan thiat in a Chung ah thingphel an Chih a,( thingphel hi 10 inch a hlai 18 inch vel a sei Saphu kawr anga in bawh thuah in an hmang ani) Kum 1965-1966 ah Biak In chu a Chung rangva in sak that leh a ni.

Presbyterian Kohhran hruaitu hmasa te:-

             1) Pu Suakliana                    2) Pu Phira                                        3) Pu Lalruanga

             4) Pu Taivela                        5) Pu Haukhawchhana                    6) Thangchiaua (Upa)

             7) Pu Zazinga                       8) Pu Laldawla (Vaivenga Pa)        9) Upa Rangkhuma

            10) Upa Pachhunga             11) Upa Remthanga                         12) Upa Kawlkhuma

UPC LAM

Kum 1950 June thla ah UPC alo ding a, Biak In te pawh an nei a,heng mite hi an hruaitu hmasate a ni.

             I) Pu Siamkunga                  2) Pu Ropianga                    3) Pu Hnuntawia

4) Pu Vanthuama

Pu Siamkunga hi hun engemaw chhung chu an Pastor ah a tang ani.Kum 1968 vel ah chuan an zuih ral lek lek ani.

SALVATION ARMY

Kum 1950 vel ah Salvation Army alo ding a, an hruaitu hmasate chu 1) Pu Sehnawka  2) Pu Taivela 3) Pu Laldawla Rambuai hnu chuan sawi zui tur vak an awmlo a ni.

ROMAN CATHOLIC

Kum 1927 vel ah Mualvawm awmlai in an ding a, an hruaitu hmasate Chu; I) Pu Darthuama  2) Pu Thathuama 3) Pu Dokhaia Rei ding lo in an ni pawh hi an til tiak leh thuai ani.

Presbyterian kohhran lam ah chuan Rev. Kaplunga Arro kohhran atangin a pension a, Chawngtlai ah a pem chho a, Kum 1941 vel atangin Darngawn ah lo pem ve leh in Darngawn kohhran enkawltu ani zui a, Pastor Zawna Kum 1944 ah Zaingen atangin min bialtu ani Chung hian Baptisma leh Inneihtirtu rawngbawlna chu a chhunzawm ve zel a, ani hi Kum 1958 ah a boral a, Darngawn Biak In Compound chhung ah phum ani a, a thlan pawh tun thlengin hmuh theih in ala awm ani.He Biak In hmun hlui ah hian Senior Inhabitant Of Darngawn ti a in vuah ten tawngtaina in 24x12 ft a sa in a duh apiang tan tawngtai bethel neihna atan hman theih a ni.

Presbyterian kohhran lam ah chuan Kum 1916 atanga Kum 1924 Presbytery Pakhat chauh kan la ni a, Mizoram hmar chan (Mizoram chhim lam chu BCM chan ani) ah Kum 1937 hmalam kha chuan Presbytery Pathum chauh, khawthlang, chhim chhak, hmar chhak ti in an then a, Kum 1937 ah Hmar phei Presbytery a pian belh a, keini lai bial chu Saitual leh Ngopa lam te nen Kum 1959 a Zaingen in Presbytery an thlen thleng khan hmar chhak Presbytery ah kan bet a, Kum 1960 ah khawchhak Presbytery alo pian khan keini Zaingen Pastor Bial chu khawchhak Presbytery ah kan bet a, Kum 1986 Tuichang Presbytery alo pian khan tun thleng in Tuichang Presbytery ah kan awm ta a ni.

KHURBING

Naupang hoten kan hriat dan chuan UPC kohhran atanga chhuak mihlim pawl tlemte awm khawmte chu khurbing kan ti mai a, hun rei an daih talo ani.

SAKHAWHLUI VUAN PAWL

Darngawn khua ah hian eng kohhran ah maha tel tha duh vaklo Zu leh Sa te chen a, kumtin Chapchar Kut leh chai ti duh pawl tlemte an awm a,mual zawl ah an Zu belte chawi chhuak in Zu nena lam in an chai ve thin a, mahse heng ho hi Kum 1960 hnu lam ah chuan Kristian na avangin hmuh tur an awm ta lo a ni.

KHAWTLANG INRELBAWLNA KAWNGA Ml PAWIMAWH DANG TE

I. Khaw chhiar :- An ni hi Lal puitu, (Lal Secretary) engkim chhinchhiah a ziak feltu an ni a, khawtin ah an awm a, Parngawn khua a khawchhiar te chu:-l) Pu Zahnuna 2) Thangkawka

2.Thirdeng :- Lal thirdeng an ti bawk thin.Pum a kai zawng in Sa an kah a piangin Sa an hleh a, tin, kumtawp ah in tin in bituk zat ang zel in buh an pe thin a ni.Darngawn khua a thirdeng te:1) Pu Laiawrha 2) Pu Thiahleia 3) Pu Taivela

                4) Pu Zazinga                       5) Pu Lalmana                      6) Pu Kawlkhuma

3. Lal Upate:- Khawtlang in awpna kawnga Lal puitu an ni.Darngawn Lal Upate Chu:-

1) Pu Thavela          2) Pu Chhunzova

3) Pu Suakliana

4) Pu Hrangzika      5) Pu Siamkunga

6) Pu Laldawla

7) Pu Vaithata          8) Pu Kaithanga

9) Pu Liantuvela

10) Pu Dosata          1l) Pu Thangvela

12) Pu Neklaia

13) Pu Thangkunga 14) Pu Taivela

15) Pu Thang!hiaua

RAMCHHANNA LEH SAWRKAR HNA LAM

  1. Abawr(Tuna Arunychal) Runa kalte:

Abawrho hi British sawrkar in an thuhnuaia dah tumin kum 1912 ah an bei a, Mizo tlangval sang rual pawh an hruai tel a Chung zing ah chuan Darngawn tlangval atangin mi 2 an kal ve a, chungte chu :- I) Pu Zaia ( Pu Dosailoa Pu)

2) Pu Chhunzova (Pu Thanhlira Khawzawl Dinthar Pu)

Pu Zaia hi Abawr run chanchin an zawta ani chuan "ngaihban tlang leiverh ah kan luta a hmasain kan lut an ti a, a hnuhnung pawhin kan lut kan ti ve mai" a ti a, hei chiah hi an chanchin a sawi a ni.

  1. German run(lndopui — I —Na 1914-1918):

He huna Indo ram langsar zual te chu : I. Central Power(German Lamtang) Austria, Hungary,Bulgaria, Turkey te an ni  2. Allied Power(British lam!ang) France, Italy, Belgium, Greece, Russia, Serbia, Japan, Portugal, Montenegro, Rumania, USA

He Indopui ah hian German run tur hian Mizo tlangval 2100 te chuan 20 June 1917 ah Mizoraman chhuahsan a, June thla 1918 ah anlo haw leh a, German leh a thurualpuite hi 11.Nov.1918 ah an tlawm ta ani.Mizo tlangval zing ah hian mi 71 in nunna an chan ani. Hetah hian Darngawn tlangval pali an kal ve a, chungte Chu:-

1) Pu Haukunga ( Upa Hauhmingthanga (L) pa) 2) Pu Vanzuana (Upa K Lalzika Pu) 3) Pu Tailhiaua (Pu Lalhumhima pu)       4) Pu Dosata (Pu Zarzoliana pu)

3. British Sipai ah:

I) Pu Sawithuama

2) Pu Thiakiauva

3) Pu Tesena

4) Pu Hauthangvunga

5) Pu Pachhunga

6) Pu Chhunthuama

7) Pu Thangkhaia

8) Pu Tawkliana

9) Pu Akripa

10) Pu Lalsiama(IAMC Hav) 11)Pu Biaktluanga

4. Biate Sipai ah:- Indopui — 1l hun laia sawrkarin Mizoram venghim tura Mizo a lak te an ni a, an Hqtr ah Biate an hman avangin Biate Sipai an ti ta ani.

                 1) Pu Engmawi                     2) Pu Thangluaia                  3) Pu Kaphnuna

                4) Pu Vanthuama                  5) Pu Taithiaua                     6) Pu Sehnawka

7) Pu Lalmana

5. Burma Sipai ah:

1) Pu Chalmara                    2) PU Kapthuama                3) Pu Manliana          

4) Pu Zarliana                          5) Pu Vanlalzara                      6) Pu Chhunthanga

7) Pu Rodenga                         8) Pu Hrangluta                       9) Pu Dariuta

  1. Pu Dengthuama ( a ni hi Burma sipai zinga lung deng thui leh football thiam tia hriat lar a ni.)
  2. Pu Sawiluaia        12) Pu Vanlalsiama

         13) Pu Vanlalbiaa                 14) Pu Laibata                      15) Pu Bawra

16) Pu K Pachhunga

  1. Assam Police ah: I) Pu Lalthanzaua 2) Pu Thangluaia (Driver)
  2. Assam Rifle & Assam Regiment ah:

1) Pu Senluaia

2) Pu Dosailova

 

3) Pu Hnundailova

4) Pu H Parmawia

 

5) Pu Thuamliana

8. MNF/MNA ah:

6) Khawvelthanga

 

I) Pu K Lalsanga

2) Pu Lalbela

3) Pu F Lalrosiama

4) Pu K Zakhuma

5) Pu K Vanlallawma

6) Pu K Biakhnuna

7) Pu Laltuma

8) Pu H Lairinliana

9) Pu Lalhnuna

10) Pu Khuangchangliana

11) Pu Lalvuta

12) Pu Zokhuma

13) Pu Lailuaua

14) Pu Dengbuaia

15) Pu Lallianthanga

16) Pu K Pakunga

17) Pu Lalthangzova

18) Pu Sanghluna

19) Pu K Edenthara

20) Pu Sangliana

21) Pu Thanghnuna

22) Pu Lalhlira

23) Pu Rosiama

24) Pu Lalngheta

25) Pu Zonuntluanga

26) Pu R Rammawia

27) Pu F Rothuama

28) Pu Zoramdina

29) Pu Biaktluanga

30) Pu Ralthangpuia

31) Pu Lalchhuanthanga

32)Pu Dokima

33) Pu Vanhela

34) Pu R Sanghnuna

37) Pu Lalropuia         

35) Pu Lalromanga

36) Pu Thangrikhuma

9. Mizoram buai laia Darngawna Vai Sipai kut tuara boralte:

          1) Sangliana Darngawn                   2) Lalbela Darngawn           3) Hrangsailova Tualpui

          4) Ralkhuma Khawbung                 5) Lalnunchanga Baktawng

10. Khawzawla khawm luh Innu a Vai Sipai kut tuara Khawzawl leh hmundanga boralte:

          1) Pu Dengbuaia                  2) Pu Zokhuma                     3) Pu Lalropuia         4) Pu Lalzapa

1) Pu Zokawnga

2) Pu Neklaia

3) Pu Hrangkhuma

4) Pu Kelleta              

5) Pu Chawngchhunga

6) Pu Dengthuama

7) Pu Lallianthanga

8) Pu Lalthanzauva

9) Pu Lalchhandama

10) Pu H Thansiama

11) Pu Pakunga

12) Pu Vanlalauva

11. Kum 1951 leh 1966 inkar chhunga zirna lama hmahruaitute:-

I) Pu Kapruma

2) Pu VL Biakenga

3) Pu Lalluaua

4) Pu Lalchhandama

5) Pu R Vanlallawma

6) Pu C Malsawma

7) Pu C Lalhmachhuana

10) Lalrinmawia

12. Inbuan Chak te:

8) Pu R Laldawngliana

9) R Sanghnuna

  1. Sa Kap tam ber: Pu Senluaia
  2. Sa lama huaisen te:

          1) Pu Haukhawchhana         2) Pu Dokhaia          3) Pu Thanhnuna

  1. Khawtlangin kan insem tura Sanghal Lian tak tlangzam tu:

Pu Thangkhaia leh a thianpa Pu Biakmawia

  1. Sial hlin leh Vawkte mana mi chhuanawm bik:
    1. Pu Chalnghaka            
  2. Michhuanawm Chenkhat te:

I) Rev Kaplunga a pension hnuin Darngawnah Baptistma leh Inneih rawngbawlna kawngah

Kohhran tan mi tangkai tak ani a, a fapa Lalhmingliana chuan Kum 1948 ah BA a Pass a,

Tuichangral chhaklam ah BA Pass hmasa ber ani a, a tunu Kawlchhung chu sap ho hnuaia nurse zir chhuak hmasa niin hmun hrang hrangah a thawk a, kum 1999 khan sister in Aizawlah a pension. Tin, a tupa Pu Lalthanzauva tupa Lalnuntlana chu Doctor chhuanawm tak ani mek bawk.

  1. Pu Vanhela BA niin MNF ramhnuai sawrkarah Speaker a ni a, Tin, a fanu Pi Parsiami W/O C Lalsawmliana Aizawl Colllege Veng te chuan Fa Paruk MA .Economis vek an nei a, tun ah hian MCS- 1, MPS - 1, College Lecturer -1, Research Officer -1, leh Account Officer - 1 an awm mek a ni.
  2. Pu Vaivenga BA niin Mizoram sawrkar ah Education Minister te, Speaker te a ni a, fa Doctor pawh a nei a ni.
  3. Pu Thanthuama Darngawn ah Primary zirtirtu Kum 1948 — 1962 chhung a thawk a, hetih lai hian Mizoram a School 16 a lak zingah Darngawn Primary School hi a tel a, chuta thawk tura sawrkarin a rawn dah Chu a ni.A tu leh fate zingah hian MCS -I, Doctor -4 hmeichhia vek, leh BA chin chunglam 4 an awm a,heng zinga Pakhat Pu Lalhmachhuana fanu phei chu Doctor Senior Residency anih hnu ah MZU atangin Ph.d (Hnute Cancer chungchangah) tun hnai lawk ah a hmu a ni.
  4. Pu Selluaia BA, B.Ed, M/S Headmaster Pension hi a tu leh fate ah henghi an awm Doctor-2, MA-I, Msc-l, LLB-I, Mcom-l, MCA-2, BA-3, Bsc-l.
  5. Pu Ngurchhina hi a tu leh fate ah Pastor-I, Kohhran Upa -3, MPS-I, MSS-I, M/S Hdm-l.
  6. Pu Hauthangvunga hi Indopui Il na ah Sap Sipai zingah Havildar Clerk ani a, Saptawng hi Mizo tawng ang tho in a thiam.
  7. Pu Lalrinmawia MLA niin N Vanlaiphai bialah Kum 1987 -1989 ah thlan tlin ani.
  8. Pu Thatburha hi Zawlbuk tlung a zawh chhuak ngam a, a Chung bakah pen khat a pen leh ngam lo
  9.  Pu Zaia hi a thianpa thing atanga tla lei a thlen hmain alo dawng.
  10. Pu B Lalzethanga BA.B.Ed ani hian Kum 2004 ah State Award For Teacher a dawng ani.
  11. B Lalchhanhimi Pu Lalzenawna tunu Weighlifting ah Mizoram aiawh leh India ram aiawh in alo feh chhuak tawh thin a, Gold Medal leh Medal dang tamtak alo dawng tawh ani.

HMUN PAWIMAWH LEH RAM HMING

I. Darngawn kham khuai (Kham khuai lakna thin) an tih thin chu Ngaizawl ram Khuailui hnar ah a awm.

  1. Tuisen Bungalow:- Aizawl — Champhai lam lian Sabengtung kal theihna tura laih hunlai hi 1890 — 1900 vel niin hriat ani a, khual pawimawh leh zin veivakte riah nan leh Bawrhsap in Lalte a koh khawmna hmun remchang lai ah Bungalow an sa a, Aizawl atangin Bungalow hming te:- Bungtlang, Seling, Lumtui, Khawthlir, Kawlkulh, Tuisen hnar, Neihdawn, Champhai te a awm a, Tuisen hnar Bungalow hi Darngawn ram chhung ah a awm a, Tuisen phai bul mai ah a awm a, rambuai lai khan hal chhiat a ni.
  2. Thanseia Puk :- Chawlhhmun tlang tuna IR awmna tlang an Office pui awmna tlang chhuah lam kham a awm a ni a, a chhhunga luh theih mi Paruk(6) vel din len theih na ani.Thanseia Puk tih hming a put na chhan chu Kum 1912 -1914 vel a Chawlhhmun tlang an awmlai hian Pi Thangchhungi (Pu B Lalzenawna Darngawn veng Pi) damlo hnen ah ramhuai ho in an sawi dan a sawi chhuah a ni. He tiang hian "He lai Puk ah hian kan awm a, kan kalna dal in Balhla te in phuna, kit vek rawh u kan nau te tual chaina in dal a, Tin, Ar in rawn inthawi ula, mahse hun reilote ah Khawpuitan ah kan pem dawn a, kan Lal chu Thanseia ani" an tih atangin a hming hi a pu ta a ni.

4. Sertuk hmun, Sertuk tuikhur, Sertuk kawn :- He lai hmun hi Singzawl road Khawzawl atanga KM 12 vel a ni a, Tuichang phai leh Tuira phai peng awmna kawn hi Sertuk kawn a ni.Kawn chhak lawk hmar lama tlangzawl nuam tak hi Hmarho awmna thin ani a, an awm hunlai hi kan chianglo na in Kum 1850 hma lam niin a rin theih ani. Kum 1953 vel kha chuan Darngawnin lo a kan neih pawh in khaw awmna chin Leirut leh lei chhun pawn (Kulh ang deuh) te pawh ala hriat theih a, lo atan neitute pawhin hmanlai thil hlui Bellam chhia te, Thimkual te, tuibur lai te an hai chhuak a ni. Hemi hmar lam chiah ruam a tuihna kang ngailo tui tha tak hi Sertuk tuikhur tih a ni.Singzawl road atanga pen chhohna lai hi Sertuk kawn tih ani a, kawn nuam tak ani.

  1. Lalzovi Dil:- Kum 1945 vel ah khan Darngawn hmun peng chhohna piah lawk a kawn zawl nuam tak fur laia tuihna tha tak awmna thin chu Pu Ropiangate Chianho in Lal hnen ah khuah an rawt a, Dil zau tha ve tak ni in Darngawn khua in tui kan thiam phahna pawimawh taka lo ni ta a ni. He lai hmun hi Pi Lalzovi'n leipui ah a nei a,a hming chawi chuan Lalzovi Dil an ti ta a ni.
  2. Mualvawm (Darngawn Sipai Camp awmna):- Kum 1953 March 4-7 vel khan 1 st Assam Rifle in Darngawn Lal hnena Sipai Company Hqtr awm nan an rawn dil ang in an awm tan a, chutih laia Lal Pu Lallana Sailo chuan Darngawn Camp tiin a hming vuah tur ati ani.Rambuai hma deuh atang khan tuna DC Bungalow awrnna hmun tlang (kungsang tlang) ah hian Sipai awm darh nuai chu an in sawi khawm ta vek a, a hnu ah chuan 6th Assam Rifle te pawn an luah leh a, Kum 1993 vel ah chuan an chhuahsan zo leh ta a ni.Sipai awm lai Kum 1953 — 1964 chhung vel hian August Ni 15 (Independence day) hian kumtin Khawzawl chhehvel khua zawng zawngte an chah khawma, inelna chi hrang hrang a intihsiakna leh Inbuanpui te an buatsaih China, Sipai 60 vel lam hmuhnawm tak tak te en tur a awm thin.
  3. Lungdawh kawn leh a lung phun:- Hei hi pengpui atanga chhuah lam a kawng phei zel a kawn va chhuah chiah in kawng hrul ah Lungdawh zau tak leh lung Phun sang tak a awm a, tun hnu ah chuan a

lungte hi bung then tawh in hmuh theih in ala ding ani. Heng lung Phun tute hi Hmar hnam Sertuk hmuna an awmlai a, an Lal Pu Zakhama'n a fanu hming koh hriat reng nana a Phun a ni a, , a lung hi Leipui lui ami an zawn chhuah a ni. He thu kan hriatna hi Kum 1951vel ah Darngawnpaho hnenah Khawlek khaw putar pakhatin "Hetih hunlai hian naupangte ka la ni" ti in alo hrilh a, chuvang chuan Kum 1850 vel anih kan ring ani.Heng lai tlang dung hi Lungdawhkawn ram tiin a hming alo pu ata a ni.

  1. Pu Chema Tui:- Lungdawh kawn tlak lam ah kawrte a awm a, kawn atanga hnaite ah Tui Thal ah pawh kang ngailo a awm a, chu chu Pu Chema Tui kan tih chu a ni. A thlang lam chu a ro vek zel a, tunlai thangthar ten Singzawl Road kawng chhak lama Tui awm Pu Chema Tui an tih hi anilo a, he tui hi chu Pu Chema Tui lem kan ti mai a ni.
  2. Sakei Trench:- Darngawn leh Ngaizawl, Zopui khuate inkar kawng ah hian Sakei a awm duh in Bawng leh Sialte a seh fo thin a, Kum 1950 chho vel ah khan Pu Hauthangvunga leh Pathlawi rual ten Sakei channa tur Sabual kawn piah lawk remchang lah an siam a, Kawng hrul chhak lam ah khur an lai a, mihring tleng luh theih tura siamin a Chung chu thing leh lei in an chhilh leh vek a, zan ah Sakei an chang fo thin a, mahse kah theih in an chang chhuak ta lo a ni.
  3. Naute thuhrukna:- Darngawn khua atanga kawnpui kawng chhak Darngawn ral mai nikanglai ah sawn kham ko chhete leh Puk chhete a awm a, chu chu Naute thuhrukna an ti ani.Hman lai in Mura hian in chhunga Naute awm hi a la thin a, chumi an hlau chuan he hmun ah hian Naute an thukru ta thin a ni.
  4. Thatburha Tui:- Darngawn hmun thlanmual thlang hmar lam khamko hnuai ah Tuikhur a awm a, thal lai chuan a kang fova, a kalkawng chu Darngawn Field hmar lam kil ah a peng phei a ni.
  5. Lungphun/Thlanmual te:- Pu Lalhuta Sailo Mualvawm awm lai a thih hnua lung Phun hi Martarte thlan thlen phei hma kawng thlang lam a lung Phun hi ani a, Kum 14 ro a rel a, Ni 21.11.1930 ah Shillong ah a boral ani.Tin, A chhak lawk ah hian Pi Hrangdailovi ringtu hmasa (Pu Vanhnuaithanga (L) ni) thlan a awm a, Ni 18.12.1922 a boral ani.Ani hi an Luhkapui hnuai ah an phum a, hetih hun lai a an thlanmual chu Field thlang flang dung Pang thing lian awmna vel hi ani. Mualvawm awmlai atang hian in phum hi Kristian danin an Ching tan ni a hriat ani a, Darngawn a an kai chhoh ( Kum 1935) hian an thlanmual chu hmar lam khaw hrul mai ah an siam ani.

3.Lungdawh dang te:-

  1. Lal lungdawh:- Darngawn Lal in kawta lungdawh hi Lal lung dawh an ti a, Pu Tawnga damlai lung Phun ani.
  2. Jubilee Lung:- Darngawn Biak In Compound chhunga Mizoram Presbyterian Kohhran Kum 50 tlin lawmna Kum 1944 a Phun tun thlengin ala awm ani.
  3. Signal lungphun:- Darngawn ah hian Signal pawl an ding a, Kum 1950 bawr vel ah khawzawl lam kawtchhuah ah lung an Phun a, he lung hi tun khawhnu ah erawh chuan hmuh tur a awm tawhlo a ni.
  4. Pu Denga Lung:- Darngawn thlen dawn Ngaizawl peng awmna kawng hrul ah lung Phun ani a,he lung hi Pu Denghuama Ni 11.2.1952 a Kum 65 mi ni a boral ta hriatreng nan a tu leh fa ten an Phun a ni.Helai hmun ah hian midangte pawhin an chhungte hriatrengna lung Phun an nei bawk Chung te Chu:- a) Pu Darkhuma b) Pu Sangkhuma c) Pi Zukdengi
  5. Lawm lung:- Hei hi Pu Denga lung thlen hma kawn ah lung Satel ah a awm a, Lungrual lawm Lung an ti bawk thin.
  6. Vanlalzara lung:- Lawm lung atanga kawng hluia kal in Chhim lam deuh kawng hrul ah a awm.Vanla1zara hi Burma Sipai ani a, a thih hnu ah a chhung ten a hriatreng nan a an Phun ani. 7)Vanlalngaii lung:- Vanlalzara lung atanga chhim lam ah a awm ani.Vanlalngaii hi Pu

Hrangkhumate fanu neih chhun ani a, Kum 8 mi a a boral hnu in a hriatreng nan a an Phun a ni.      8)Pu Thangkhaia Memorial Shed:- Pu Denga lung bul Ngaizawl kawng lama Waiting Shed hi a tu leh fa ten an siam ani.

MIZAWN INCHUH/ INNUAI

Darngawn khua hi kan vanglai pawhin In 75 chauh kan ni a, khawper Khawzawl nen pawh In 100 kan tling ngailo a, kan Sailo Lalte leh Kan V/c te rorel thiam vang nge khaw inlung rual tak kan nia, ka hruaitu hmasate hi anlo rorum deuh nge ni dawn kan chhehvel khua Tualpui, Zaingen, Arro, Zuchhip leh Chawngtlai Za nufa khua te pawh hi Mizawn inchuha nuai ngamloh tumah an neilo.TuaIpui khua nen hian an in nuai ngun deuh bik a, {Arro khua nen hian kan ramri a tawi teh lul nen mizawn inchuh/ innuai hi sawi tham takin tum hnih thum an nei a ni.

Mizawn inchuh/lnnuai tih hi Mitthi emaw damlo emaw khua atanga zawn chhuah an nih dawn in an va pek tur khua te hnen ah zualko an tir lawk a, an va pek tur khua te chuan ramri kan a, mizawn chu lak anlo tum thin a, a zawn tu lam in ramri pela zawn an tum thung a,hetianga tlawmngaihna avanga ruang/hlang changtu nih an inchuh hi Mizawn inchuh/ innuai an ti a ni.

Darngawn khua hi chuan hetiang mizawn inchuh/innuai hun a thlen dawn hian kawng remchang ah chawl khawmin Val Upa ten fuihna thu an sawi thina, hnahchhawla kan vuak che u in kan vuak nat dan ang zel in tanlak kan ngai tiin an fuih thin a, a tawp hun ah tak tak chuan Lal leh Upa ten ban an phar thin a ni.

KAWNG LAM

Hman lai chuan kawng hi tlangsang sahmul then ah kawn pawh turin an kal thin a. Mel veng atanga Darngawn kalna kawng hi hetiang a ni. Mualvawm ah chho in Chawlhhmun flang an phei a, chuta tangin Darngawn hi an kai chho leh thin ani.Kawng hi tun hnu ah a dang nasa tawh a hetiang hian an siam tha ta ani.

  1. Chawlhhmun tlang helna:- Chawlhhmun tlang chhuah lam tun hma a zinkawng ang khan a helna hi Kum 1951 vel ah laih tlang a ni.
  2. Ngopa Road (Pu Keua kawng):- Ngopa road hi Jeep road in Khawzawl atanga Ngopa thleng in Kum 1959 atanga Kum 1963 chhung in laih a ni.
  3. Singzawl Road:- PWD in Ngopa road zul zui in Kum 1982 atang 1986 bawr vela laih ani.      
  4.   Seling — Champhai Road:- Seling — Champhai road hi Pioneer in Kum 1968 atanga Kum 1977 vela an laih tlang a ni.

                                                                     MEL VENG (KHAWZAWL)

A hma lama kanlo sawi tawh ang khan Khawzawl hmun leh a chhehvel ah hian Zohnahthlak thlang tla hmasa Hmar hnam Thiak hnam peng pakhat Khawzawlho hi anlo awm tawh niin hriat ani a, Khelte hote, Kawlni hote pawhin an luah ve leh a, chumi hnu ah chuan Pu Sawngbana leh a thurualpui ten Kum 1830 — 1850 vel ah an Chut ve leh a, chumi hnuah chuan Pu Sathawhuaua hoin Kum 1851 — 1858 vel ah chhungkaw 5 lekin Vancheng atangin leilet siam turin an rawn luah ve leh a, an tum anga alo awlsam mai loh avangin an chhuahsan leh ta a ni. Pu Lalburha Sailo Lal chuan a chhiahhawh pakhat Pu Taibeha leh Mi engemaw zat Khawzawl tlang luah turin a tir chho ve leh a, hei hi Kum 1905 vel ni a hriat ani. Pu Taibeha leh a hote hi helai tlangdung vel ah hian an in sawn den den niin a lang. Chawlhmun leh Darngawn ah te an kai chhoh hnu pawhin Sawrkar lamlian enkawltu turin (Mel veng) Pu Neihthawma hoin In tlemte Khawzawl ah hian an awm reng a,Bangla chawkidar awmpuitu tur ten an rawn belh chho zel a, hei hi Khawzawl khua bul tanna tak atih theih awm e.

Darngawn nen hian Lal ram pakhat hnuaia awm kan nih avangin sawi pawlh loh theih kan ni lova veng bil anga an awm Kum 1963 V/C an neih hnu pawhin ram hrang anla nei chuanglo. Mel veng an nih tanna tak hi hriat chian a har hle a, Kum 1930 Darngawn kai hnu ah pawh Mel ven hna chu an la thawk zel a, Kum 1944 ah Pu Tlangliana F/O Pu R Malsawma Vengthar a boral khan sawrkarin a fate anla tet avangin a chhungte chu Mel veng tur in awm tawh lo tiin ban an tum a, Pu R Malsawma nuin theihtawpa a dil leh hnu in Mel veng PHALTU inni ang ti in an lut leh ta tih a fapa Pu R Laldawngliana Aizawl Chawnpui chuan a sawi a ni.

Mel veng kan tih mai chin Khawzawl hian hma alo sawn dan leh Darngawn nena in kaihhnawih tlat anih avangin chu hmasawnna bul pawimawh te Chu hengte hi a ni:

a) Kal kawng:- Aizawl - Champhai lamlian laih Kum 1890 - 1900 vel.

Seling — Champhai Jeep Road hawn Ni 12.Nov.1958.

Khawzawl - Ngopa Jeep Road (Pu Keua kawng) laih Kum 1959 - 1963.

Khawzawl - Sinzawl PWD Road laih Kum 1982 - 1986 vel.

Chhak leh thlang, chhim leh hmar zawnga kawng kal tlangna nuam leh hmun rem tak niin 1 st Assam Rifle Company Hqtr (March thla tir 1953 ah an awm tan) awmna hmun ani bawk a, Kum 1953 vel atang chuan a chhehvel khua atang te in an pem luh belh zel a, Kum 1958 ah phei chuan Bazar leh dawr hmun te siam a ni a, tun a Chhim veng Kohhran Biak In kawtzawl thla hi Bazar leh Dawr hmun ani a, henga dawrkai hmasate hi Darngawn khua deuh vek an ni a, chungte Chu:-

I) Pu Sairuma (Kum 1960 kumtir ah Jeep a nei a, a no. chu AS 0357

  1. Pu Thangthuama ( Kum 1961 vel ah Jeep pahnih a nei)
  2. Pu Lalruanga
  3. Pu Liankiauva
  4. Pu Biaktluanga
  5. Pu Liandailova
  6. Pu Pasina (Khawzawl)
  7. Pu Lianchhawna (Puanvhui)

Kum 1960 atangi District Council hriatpuiin Village Committee an din a, chuta member te Chu:PresidentPu Thangthuama

V. PresidentPu Chawndenga

Member te- Pu Liankiauva

Pu Chawntuaha

Pu Chalkhuma ( Pasina)

Kum 1963 ah chuan Village Council hmasa ber kan nei ta a, Chung te Chu:President- Pu Darngaia

V. President :- Pu Rangthanga

Secretary :- Pu Kap!huama Member te :- Pu Chawndenga

Pu Chalkhuma

Pu Chawntuaha

Khawzawl ah hian Kohhran lam pawh tlemte an nih lai pawhin mumal takin a ding chho ve reng a,Presbyterian Kohhran chauh an ni thin a, Rambuai hma a Kohhran hruaitu te Chu:-

I. Pu Vanbawiha

  1. Upa Thangluaia
  2. Pu Noliana
  3. Pu Chawndenga
  4. Pu Ningula
  5. Pu Lalbuaia
  6. Upa That!huama

Khawzawl Kohhran ah hian Bial Khawmpui pawh Mualvawm awmlai atang khan anlo thleng tawh thin hetiang hian;

BIALTU PASTOR

KHAWMPUI THLEN HUN

1. Rev Thangkhuma

April 13.1929

2. Rev C Zawna

March 6-8.1953

3. Rev C Zawna

March 30.1958

4. Rev C Zawna

March 2-4.1962

Pem lut an tam tak zel avang hian Kum 1960 ah Darngawn V/C ten In hmun an Cheh belh a, Kum 1964 vel atang chuan Bazar hmun leh dawr hmun pawh Dinthar veng Volley Ball Court awmna phei (Sasaw thelh) ah hian an sawn phei a, dawrkaite pawh anlo pung leh ta zel a ni.

ZIRNA LAM

I. PRIMARY SCHOOL: Primary School hi Kum 1950 hma lam atang khan an nei ve a, chunga thawktu kan hriat theih te Chu:

              I) Pu Lalbuaia                                   2) Pu Lianhleia                                 3) Pu Parliana

            4) Pu Thangkunga                           5) Pi Sanglianthangi

  1. MIDDLE SCHOOL: Mizorama School lama hotu ber Pu Lalchungnunga'n Khawzawl hi a ngai pawimawh hle a, heng Middle School te Darngawn, Arro, leh Zaingen khua ami te hi Kum 1958 chuan Khawzawla sawikhawm vek turin tan a la a, Kum 1958 hian Pu Lalhlira Darngawn Headmaster hovin keini Darngawn Middle School pawh hun reilo deuh chu Khawzawl ah hian an zu kal nghe nghe ani. Arro khua leh Zaingen khua te chuan Sawrkar thu hi an zawm mai a, keini Darngawn khua te erawh chuan khawm mai chu remtilo in Shillong ah Pu Hauthangvunga, Pu Chhiarauva leh Pu Lalluaua te chu Kum 1959 vel ah School Director leh Deputy Director Pu Rinza-a te zu hmu in School Khawzawla sawikhawm kan rem tih loh thu an zu thlen a, Pu Rinza-a chu Darngawn ah kan School en turin alo kal a, ani hi hetih lai a Gandhi Memorial High School Champhai Headmaster Pu Thanseia'n a rawn hruai ani.Zirlai 48 vel kan ni a, Pu Rinza-a chuan in School a tha a, chuvang chuan a ngaiin in kal leh ang ati a, kan lawm hle a, mahse Pu Lalchungnunga te hian Kum 1961 ah pawl ruk exam an phal velo a, Kum 1962 ah erawh chuan a hma ang in kan exam ve leh thei ta a ni.

Khawzawl ah hian Kum 1959 atang chuan Private Middle School chu an din chho ta zel a, chunga Zirtirtu te Chu:

1) Pu Thanchhuma

3) Pu Hmingthanga

4) Pu Bawbe Chhetri

5) Pu Aichhinga

6) Pu R Dawngliana

7) Pi Sanglianthangi

8) Pu R Vanlallawma

 

  1. HIGH SCHOOL: Kum 1963 atangin Private High School a awm tan a, Headmaster bul tantu tha tak Pu Lalchungnunga Delhi BA in ti ngat Saitual khua chu rawih ani a, School thang duang tak ani hman ani.Zirtirtu te:

             1) Pu Lalchungnunga                      2) Pu Thuamluaia                             3) Pu Lianhnuna

4) Pi Thansiami

HMASAWNNA DANG TE

Health Sub-Centre Kum 1960-ah a ding a, Heta health worker chu Pi Kawlchhungi Nurse a ni.

 Branch Post Office (BPO): Branch Post Office (BPO) hi a ding hma hle a, Post Master kan hriat theih te Chu:

                  1) Pu Lalkhuma                                2) Pu Lalpianga

Gram Sevak ah Pu Darrozama dah ani bawk. Tin, CI Pu Tesena a awm bawk.Tin, Home Guard Training Center nghah ani in hemi an Training lai hian an zawh hma in rambuai in a nang zui ta a ni.

Khawzawl khua chuan Chak taka hmasawnin rambuai Ni 01.03.1966 (Thawhlehni) ah chuan In Za nufa zet ni tawh in rambuai chawlhkar hmasa khan Jet Fighter in Ni 5.3.1966 ah khawchhung ah Bomb thlakin in a kang darh ta vek a, ami chengte tumah a hmun nghak awmlo in khaw chhehvel ah an tlan darh ta vek a, Kum hnih(2) vel zet chu tuma luah lovin a awm ta a, Ni 19.Nov.1968 atang chuan a chhehvel khua te Sipaiin min khawm lut ta ani.Hetih laia min awmtirna hmun hi tun hmaa Khawzawl khawh lui ah khan nilovin Khawzawl leh Sipai Camp inkar ramhnuaiah min dah ta vek a, Chung khua te Chu:

1) Darngawn 2) Zaingen 3) Tuisen 4)Arro 5) Tualpui 6) Khualen (In 10 vel)

A kum leh Kum 1969 kumtir ah an rawn khawm te: I) Zopui ( Lal veng) 2) Ngaizawl

3) Zuchhip ( Hmuncheng khua hi a hrna in Zuchhip ah an awm tawh avangin Zuchhip ang in sawi ani ta zel ani.

Hetia khaw 9 lai sawikhawm kan nih tak ah hian Sawrkar in Khawzawl Chu PPV center ah min dah a AAO in min awpa Sawikhawm zangna dawmna dawng hi chhungkaw 615 vel kan ni. 24th BRTF99APO (kawng lai tute) ten kum 1969 kumtir lam atangin anlo chhuak a Aizawl - Champhai kawng lai tute an ni. Chung ah chuan labour ah nitin mi 400 — 600 vel nikhata 4.5 hlawhin kan inhlawh Chin a, hei hian compensate nena tangkawpin riltama thihna lak ah min chhan thui hle ani. Kum 1968 - 1969 chhung hian tuk luih hnatlang leh Kuli hna a tam em em a, kan khua hi Sipaiin Sakuh se daiin min hung chhuah tir vek a, a khat tawkin Gate an siam a sipai an duty thin a, hnatlang leh Kuli a tam avang hian tuman thlawh hma kan la mumal theilo va, MNF lam ten thawm an rawn neih deuh chang phei chuan ni sensa hnuai a mipui khawm leh nghaisakte kan tawk thina, kan retheihna chu a sang hle. Ei chhiat avangin Santen leh hri dang a leng reng a, rilvama thi em chu kan awmlo chungin nikhat ah mi pahnih pathum in vui chang kan nei a ni.

Kan rethei em em Chung hian khawtlang hruaituten zirna lam ah bul tan in Kum 1969 Primary School hmasa ber Vengsang Biak In kawt ah hian an sa a, an sak lai chuan Vengsang Biak In ah school an kal thin a, Tin, High School pawh Pawl 7 leh pawl 8 an hawng a, tuna Darngawn Veng a Pu B Lalzethangate in hmun hi High School hmun hmasa chu ani.A hnu ah Lal veng ah Ngaizawl Biak In ah

High School hi an kal ani.Kum 1970 kumtir ah Middle School an din a, School chu tuna Pu Sangtea (VLA Pasal zaingen veng) in chhak zawl a UPC Biak In ah bullan niin Venglai Biak In ah te pawh an kal a, chumi hnu kum 1971 ah tuna an awmna Zuchhip veng PHED tuikhuah awmna ah hian an awm ta a ni. Heta zirtirtu thawk hmasa te Chu:- 1) Pu PC Zakhuma Headmaster 2) Pu Vulliana 3) Pi B. Laltlanthangi 4) Pu B.LaIzethanga an ni.

Rambuai nasa tlema alo dul deuh hnu Kum 1973 vel atangin Vengthar kawngpui kam ah pem thla an awm tana, Kum 1975 vel ah chuan Kawnzar lamah pawh pem thla an awm tana, Kum 1977 velah chuan Dinthar Veng lamah pawh pem an awm lana, Kum 1982 atang chuan Hermon veng lamah pawh Chawngtlai lam atangin anlo phei ve zela,(Chhumliamkawn vel hi Chawngtlai ram anih angin an VIC ten an AO Pu K Sanghnuna hovin In hmun ah an theh ani)

Khawtlang rorelna lamah pawh khawtin atanga V/C khawm luh te kha Kum 1969 kumtir lam ah ban vek an ni a, Kum 1969 June thla ah Pu Kamliana Primary Head Teacher kaihhruaina(RO) hnuaiah VIC thar inthlan buatsaih ani a, Ni 19.7.1969 ah Pu Biaktluanga Zuchhip veng in ah V/C chu form fel a ni a, chuta V/C te Chu:-


 

                       President         Pu Darleta (Zuchhip)

V. President      Pu Thanchhuma (Tualpui)

                       Secretary        Pu B Lalzethanga (Darngawn)

                       Member te       I) Pu Biakmawia (Darngawn)

  1. Pu Runlinga (Arro)
  2. Pu Lallawma (Arro)
  3. Pu Selthanga (Lal veng)
  4. Pu Biaktluanga (Zuchhip)
  5. Pu Thanbuka (Zaingen)
  6. Pu Thangluaia (Zaingen)